كيفكم:
ياناس عندي زوجي له كم يوم حمقان وكل ماتكلم دخل بموضوع ثاني وسبب مشكله
واحنا بيننا مشكله
انه يبيني اجلس مع اخواته لما يجون بجمعتهم وانا اول كنت اجلس بس صرت اتهرب
عشانهم تغيروا علي وماصاروا يبغوني وهو مو مصدق يقول يتهيأ لك
فوش رايكم؟؟؟
وانا مايهون علي خصوصا اني احب الدلع والضحك مو النرفزة والزعل
انا مستعجل ولاكن اقول حاولي تجلسين معهم وتضغطين على نفسك عشان خاطره لانهم مو كل الوقت معك هي فترة بسيطه وتفترقون
يعني لو قالك انا ما ارتاح لاهلك مو انتي بتضايقين صح والا لا حتى لو اهلك احسن ناس كل واحد وله نظرته
المهم راعيه وجاريهم
وليست كل الاوقات لازم تكون ممتعه ومريحه لازم الواحد يصبر على الكدر عشان سفينة الحب تسير الى بر الامان
والله يوفقك
ان حسن تعاملك مع اهل زوجك هو المكسب الحقيقي لك . . صدقيني اذا حابة انك تكسبين زوجك . . احسني معاملة اهله . .
و بعدين حتى لو انك حاسة ان اخواته تغيرو عليك . . ممكن تكونين غلطانة . . عطيهم فرصة ثانية . . اجلسي معاهم في جمعتهم . . و جيبي معك كيكة انتي عاملتها و قوليلهم هذي من صنع ايديني و تنقصتها لكم . . و بعدين حتى لو هم ما يبونك . . انتي بأسلوبك و بحسن تعاملك راح تغيرينهم و تكسبينهم . .
صدقيني . . راح تكبرين كثير بعين زوجك . . و بعين اهله . .
صاحبي خواته . . و بأسلوبك الحلو و الذكي . . خليهم ما يستغنون عنك . . صدقيني مع الوقت وشوية صبر منك . . و شوية ذكاء . . و حسن معاملة . . راح تكسبينهم كلهم . . و راح يحبونك . . و مع الوقت ما راح يستغنون عنك لا في الصغيرة ولا بالكبيرة . .
و اي سؤال حبيبتي انا حاضرة . .
__________________
. . اللهم كما سررته بنا في الحياة . . فسره بنا بعد الممات بصالح الدعاء . .