السلام عليكم

مرحبا ياأخواتي

أنا امرأه متزوجه حديثا وماعندي مشاكل والحمدلله
بس مدخول زوجي على قده ويصرف على أهله ويادوب يكفي لآخر الشهر.
وأنا الي أبغيه منكم ياأخوات أنكم تقولو لي على طريقه عشان أقنع زوجي أنه يكمل دراسته وياخذ الثانويه .عشان يلقاله وظيفه أحسن من هذي وعشان يتحسن وضعنا المادي .
لأني بصراحه تكلمت معاه بهالموضوع وقال لي أنه كيف يدرس وهو بهالعمر مع أنه موكبير (عمره 27سنه) . وبعدين هو يشتغل وماراح يوفق بين شغله ودراسته .وقلت له أني راح أدرسه بالبيت وأحل واجباته وأذاكر له بلإمتحان ماعليه إلا يروح يمتحن بس .
لاكن بدون فايده أحسن أنه مومتقبل مني شي بخصوص هالموضوع.

أرجوكم ساعدوني وليرحم والديكم.

بسيطه.....
هاتي ورقة وقلم .... وعملي جدول..... أكتبي راتبه الحالي وراتبه كيف بيكون بعد حصولة الثانوية.... وأعملي أوجه مقارنة أخرى... كلها تعتمد على حصوله الشهادة الثانوية وخلاصة الجدول إنه الحياة بتتغير للأحسن .... طبعا طلعي إنتي وهو للعشاء برع يوم واحد ويكون الجو منعش وحلو والمكان رومانسي.... وعطيه كلمات غزلية وحب... وخبريه إنك تريدي له الأحسن دائما.وإنه يكون شخص مميز بمعنى الكلمة..والحال بتتغير والأمور بتتيسر.. وإشرحي له الجدول.. وكله يعتمد على سنة زمان من المثابرة..لا أكثر والأيام تجري بسرعة. وبلغيه إنك بتوقفي إلى جانبه وتسانديه.... وإنشاء الله بيقتنع... الجدول ثم المكان ثم الزمان.... والحب غلاف الموضوع... شكرا

مشكوره أختي فلذة كبدي واااااااااااااايد

أنا فرحانه كثير على هالفكره الجهنميه مدري كيف اشكرك أنتي عطيتيني دافع كبير لهالموضوع
مدري ليش مافكرت فيها
انشالله اني راح اطبقها مضبوط مع شوية أفكار وكلمات ذباحه
وانشالله أتوفق ببركة دعائكم الطاهر .

إقنعية بأن الحال اليوم بتغير اتصور اكون ولدة او بنتة اكون مستاوهم احسن من ابوهم
لازم الاب اكون قدوه الي الابناء فكيف بصير ذلك

وفي الزمن هذا الشهادة في المفتاح الي يفتح ابوب الرفعة والمقام الرفيع