السلام عليكم

انا قررت بيني وبين نفسي
ان اخرج من بيت اهلي واشتري لي بيت لوحدي
لكن جالسه اجمع فلوس البيت
يعني مسألة وقت
يمكن اكون جاهزه بعد سنه او سنتين بالكثير

لكن انا غير متزوجه
ولا مطلقه
فهل يتقبل المجتمع انفصال البنت
عن بيت اهلها؟؟
علما ان عمري الان 48 سنه!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

__________________

هلا فيك لماذا نتزوج
من زماااان عنك

ايجابيات انفصالي ببيت مستقل
1- تحقيق رغبة التملك
يكون لي بيت انسقه على مزاجي
ويصير لي حمامي الخاص اللي محد يدخله غيري
( لحد يضحك على احلامي التافهه والصغيره)
2- ارتاح من الوضع الراهن في بيت اهلي ( ضغط نفسي)

السلبيات:
1- بكون وحيده
2- اتوقع مقاطعة اهلي لي
( لاني وانا معهم الحين شبه مقاطعيني لاني سقت السياره بدون رضاهم😅
كيف اذا طلعت عنهم🤷‍♀
3- نظرة الناس لي (ليش تترك بيت اهلها يمكن مسويه شي وطردوها🌚
4- يمكن محد يتزوجني لظنهم ان فيه عيب ولا بلا اجل ليش تاركه اهلها😅
وصدقا ما عاد يهمني هالموضوع ( اقصد الزواج)

يمكن اتذكر غيرهم

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

فين المشكلة افي السكن لوحدك ؟
هل عندك دخل ؟
اتمنى تفيديني

هلا فيك الخانم

مدري انتي من اي بلد
بس انا من السعوديه
وعندنا شوي تزمت وتشدد من ناحية سكن المرأه
(خاصه اللي باقي ما تزوجت) لوحدها
صح صار عندنا نوع من الانفتاح
بس مو عند الجميع

هذي هي المشكله عادات وتقاليد لا اكثر
وانا ذكرت سلبيات الموضوع فوق

نعم عندي دخل شهري ولله الحمد
انا موظفه

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

ما يبغون مني شي ابشرك😂
يبغون اجلس تحت الضغط وعلى حساب صحتي النفسيه
المهم الناس لا تفشلينا قدامهم

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

حاسه فيك
اسال الله ان يفرج همك ويدبرك احسن التدبير يارب
الاهل مايفهمون ان البنت الي ماتتزوج ماهي مراهقه تعشش بغرفة الطفوله
من حقها جناح ومطبخ وغرفه ملابس حالها حال ولدهم الي يتزوج ويقسمون له دور وشقه
وان طلعت زعلوا وان قعدت تقعد بضيم وضيق
بصراحه مسوين مثل الي حبست قطه لا اهي عاملتها زين ولا هي سرحتها تشوف حالها

هلا يا مبتعثه
كيف حالك من زمان عنكم والله
لكن دايما تمرون ببالي سبحان الله

صادقه والله
خليك معنا على ضيم
اهم شي قدام الناس اننا ماسكين بنتنا ببيتنا
لكن كيف حال ونفسية هالبنت؟ ما يهم
المهم اننا مبيضين وجهنا قدام الناس
ورابطينها بالبيت

لكن هانت مسألة وقت
عشان الفلوس
وعشان استعد انا نفسيا لهذي الخطوه
ولا انفذها وانا حزينه او خايفه او غاضبه

دعواتك

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الأخت حظي حلوو .
وعليكم السلام .
أختي الكريمة أنت امرأة راشدة عاقلة ، وقبل أن تفكري في الاستقلال ادرسي الموضوع من كل جهة وأول ما تبدئين فيه رضا الله ( ثم ) رضا الوالدين فمن بعدهم من الإخوة لأن عندنا عادات وتقاليد معتبرة شرعا متوافقة مع الشرع الحنيف . والأخوة يتأثرون أشد التأثر مما يفعله إخوتهم من تصرفات فهم لهم حق في أن تكون السمعة جيدة ولا تكون كذلك إلا إذا كانت تصرفاتنا متزنة متوافقة مع الدين والشرع. أولا .. والمجتمع ثانيا .
والمجتمع نظرته سليمة في هذا الجانب لذا فهي معتبرة بلا شك . ومو صحيح النظرة الغربية تطبق علينا ( أنا بكيفي ) . لا مو بكيفك فلنا أدبياتنا واحترام تاريخ العائلة ضروري ولنا خصوصيتنا الجميلة التي حرم منها غيرنا ( ومن جرب عرف )
فإذا تعارضت رغبتك مع الشرع فاتبعي الشرع . ومن خلال تجارب وواقع مشاهد وقصص متواترة تروى على مر الزمان أن رضا الله أولا ثم رضا الأبوين أو من يقوم مقامهم أساس متين للتوفيق في الحياة، وأنه لم ولن يوفق عاق لوالديه في حياته . وأنت صرحت بلسانك أنك سقت سيارة وهم ماهم راضين وهذا وحده كافي لوضع اليد على الجرح .

مسألة الاستقلال ( إذا كان فعلا همك الاستقلال ) بالامكان تبنين لك دور أو شقة فوق بيتهم خاصة فيك وتكونين أرضيت أهلك وقريبة منهم وبنفس الوقت استقليت ، وزال الضغط النفسي وأمر هام وهو أنه أقل بكثير من تكلفة شراء منزل أما شراء بيت بعيد والخروج عنهم وهم ماهم راضين هذا عقوق شديد وتحدي كبير لهم وبلا أدنى شك أنه يسيء لسمعة أهلك ، وسمعتك أكثر كمان ، وفيه خطورة عليك ، وما راح توفقي معه . والله أعلم .

__________________

ما شاء الله اذا تبغاني بهالعمر استنى رضا حد
و عشان ايش؟!
عشان اسوق😅
ترى سواقه مهي خروج عن المله!!!

شي ثاني
انا ضد مقولة رضا الله من رضا الوالدين
يا سلام واذا الوالدين مرضى نفسيين؟
واذا الوالدين سلبيين
وكل شي مرفوض لانهم ما يعرفونه؟!
واذا الوالدين قساه وجبارين؟!
حتى هذولا رضا الله من رضاهم؟!!
بطلوا ترددون عبارات مستهلكه ما ندري من قالها
ولا تقولي هذا حديث

شي ثاني
الله امرنا بالبر والاحسان
ولم يأمرنا بالسمع والطاعه العمياء!!
الله خلقنا لنكون انفسنا
وليس لنكون نسخه من والدينا
اذن ما فائدة الخلق وكثرة الناس وتغير الزمن
ما دام كلن مطلوب منه يكون نسخه من والديه
وعلى ما يرضيهما؟؟!!!

انا ضد كلامك جملةً وتفصيلاً
لا اقصد البر والاحسان
ولكن اقصد المبالغه في حق الوالدين
بحيث يكون رضا نفسي في الشرق
واتركه من اجل رضى والدي اللي هو في الغرب!!

اما ان اسكن عندهم
ف اذا بسكن عندهم ف غرفتي تكفيني😅
انا ابغى بيت ملك لي

ومع هذا فكرت لو خرج احد اخوتي
(بما انهم اثنين منهم جالسين يعمرون بيوت الحين)
اخذ شقة واحد منهم
بس مع الاسف شقه بيتوسع فيها اخويه الثاني
وشقه بيجي فيها اخويه المستأجر برا!
يعني ما فيه امل
اما البناء ف البيت لا يحتمل بناء

بالنسبه للسمعه والكلام هذا
ف هذي النقطه اللي معطلتني ( نفسياً )
لكن على قولة الاخ لماذا نتزوج
وين الناس عنك السنين الماضيه؟!
محد داري عني وعن معاناتي ويوم قررت انقذ نفسي
بيتفضون ينهشون لحمي!!! عجايب

اما التوفيق وان ربي ما بيوفقني
عشاني كُنت نفسي وما كُنت غيري
فهذا الجهل بعينه!!
ربي مستحيل ما يوفق واحد عشانه ارضى نفسه
وما ارضى الخلق!!
اي كلام جالس تقوله يا اخي؟!!!
انت فاهم كلامك؟!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )