__________________

ما اتوقع فخ لاني ما قلتله اني منفتحه!
وبياناتي كاتبه فيها متدينه قليلا واصلي دائما
ويوم قال تروحين معي مباريات قلت لا
واهلي قلت ناس وسط لا منفتحين ولا متشددين!

يعني ان كان فخ فقد نجوت منه😂


اكيد رايها كرأي اي امرأة عن زواج زوجها
بس يوم سألته هي تدري انك بتتزوج
قال من زمان المح لها تلميح بدون تجريح
هذا رده

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

المتزوج مصر يكون سكني في مدينتي
يقول بحط مكتب استشارات في الطائف
وابغالي بيت هناك!
وهو مميزاته حلوه
والزواج معلن زي ما قال
وكلامه الى الان يوحي انه صادق
والله اعلم

رايكم؟؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

استاهل
انا اللي رفضت في العرسان
لين ما عاد يجيني غير المترديه والنطيحه

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الحكم بالجدية 100 % أشوفه صعب ، الجاد هو اللي رجلك على رجله ، اللي فعلا يعتبر زواج مثله مثل غيره .. لكن ممكن تكون ظروف الناس والحياة تغيرت .. فالله أعلم أما جاد وهو في بلد وأنت في بلد ولا أحد يدري عن الثاني فنسبة الجدية تنخفض . احسمي الأمر . إذا جاد يتقدم ويجي مع الباب الكبير ولا تسمحين لا له ولا لغيره بالكلام الخاص جدا أوكيه وصف للجسم عموما دون الدخول في تفاصيل دقيقة وحساسة قادحة في شخصيتك وحيائك وإذا انت ما عندك مانع في بقائك في بلد وهو في بلد ومناسب ما ذكره لوضعك مع التزامه الديني على الأقل للحد الأدنى ( أداء الواجبات والحقوق ) فتوكلي على الله .

__________________

والله ياخوي انا انسانه عاطفيه
واحس ابغى زوجي معي دايما
وقلتله هالكلام قال بجيك كل اسبوع
ومصر انه ما يقدر اكون معه في الرياض
مدري وين الصعوبه!!
بالعكس اريح له اكون عنده!

احاول اغير مجرى الكلام
لكن يروح ويرجع على سواليف جنسيه!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الله يوفقك

الله أعلم وش ظرف الرجال هو بيجي كل اسبوع أو لا الله أعلم .. بس أنت أخبريه أن الهدف إنجاب لأن كثير منهم مكتفي من الإنجاب وما يبي .. يبي مرأة تبسطه جنسيا بس (بصراحة أقولها ) ولو غير مجرى الكلام لا تستجيبين . لا تستجيبين وتسوين نفسك بتجذبينه لك ترى الرجال بالعربي ما يحبون اللي هذي طريقتها وهي منطقيا تعتبر قلة حياء من المرأة بدون زعل .. كيف رجال غريب تتكلم معه بها الشكل والله سبحانه يقول :

عَلِمَ اللَّهُ أَنَّكُمْ سَتَذْكُرُونَهُنَّ وَلَكِنْ لَا تُوَاعِدُوهُنَّ سِرًّا إِلَّا أَنْ تَقُولُوا قَوْلًا مَعْرُوفًا .. أي معروف في كلام جنسي وما العذر ؟
واصرفيه للأمور الجدية مثلا تخبريه إن ما عندك مانع في مساعدته ماليا وتحمل تكاليف بيتك وعيالك ( تقصدين نفسك وعيالك إن شاء الله ) ليش لأن الرجال كثير منهم يبي يتزوج بس لما يتذكر المصاريف يوقف .

أنت بالطريقة ذي رغبتيه أكثر من سوالف الجنس وهو راح يقلبها براسه ما دام متكفله بنفسها وبعيالها وببيتها راح يقول أنا وش خسران ويجيك .

إذا تمم الله لك على خير هو أو غيره تقدرين تجذبينه لك بحسن التعامل واللطف أسمع عن وحدة تزوجت مسيار وأكرمت زوجها المسياري إكرام ما بعده شرت له سيارة وتعطيه فلوس ومعه في كل شي يبيه .. حتى الرجال أحبها وأعلن زواجه منها .. ثم في كل الظروف إياك تتنازلين عن الوظيفة مهما كلف الأمر ولو صار وساعدتي زوجك في أي شي حاولي تسجلين عليه بطريقة لبقة مؤدبة إن مشى عدل الحمد لله .. لف ودار وطلق تاخذين حقوقك .

__________________

صادق اخوي ولد ال زيد في بعض كلامك
لكن ما احب اجذب احد بفلوسي
اول ما ينقطع السيل يقلب عليه!!
عيشتن قشرا!!


عموما
الحين اش رايكم استمر معه
ولا اتركه ؟؟

الحين هو يطلب مني صور خاصه
وطبعا رفضت رفض قاطع

هل ارفض الصور واستمر معه ام ارفضه؟؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

لا لا تقولين عيشتن قشرا .. الإنسان يدفع أموال ويسافر برى سياحة .. عشان يستانس وينبسط .. ويدفع فلوس عشان يتعالج يبي العافية ويدفع فلوس عشان وجهه للكرم والفزعة للجار والقريب عشان العيش بكرامة .. ويدفع عشان مرأة يحبها وسمعنا عن حريم هن من دفعن المهر لرجل فقير اختارته عشان يجيبه لأهلها على أنه هو من دفع المهر .. فما فيه أي حرج ولا مانع إنها تدفع شهريا بين 1000 أو 2000 ريال على بيتها وراحتها الشخصية والإنسان يشتري راحته فكيف ما تشتري مستقبلها المهم غاية الأهمية ، وبالنسبة لي أعتبره موقف مشرف من المرأة ( صحيح ماهي ملزمة فيه ) لكن ما الواحد ما يتخاسر على راحته 1000 و 2000 خاصة والمسألة ماهي مجرد سفر وإلا مصروف يطير في الهواء على توافه الأمور .. .. وخوذيها مني كم مرة يتكلمون الرجال ( من محدودي الدخل ) ومشكلتهم المصروف وأنت لاحظي كثير منهم يريد موظفة .. قال يا أخي تفكني من مصاريفها ومصاريف عيالها وهو يقصدون غالبا مصاريف اللباس ولا يقصدون المأكل والمشرب .
هذي وجهة نظري قد أكون فيها مخطئ لكن أراها عادية في حالة أن المرأة اضطرت
بالنسبة لطلب الرجل للصور .. فلا تعطيه أي شي وقولي أنا استجبت معك لهدف واحد محدد حتى ما راح أطول معاك في الكلام لأن المعلومات وعندك وتبي بيتنا أدلك عليه ولك حق شوفة والقرار لك . وأنا أوعدك بكل شي ينقصك إذا صرت بالحلال من رومانسية ومن دلع ومن ومن .. لكن بالحلال . خلي كلامك عام يصلح له ولغيره . وأخبريه إنك ماديا مكتفية ما أنت بحاجة مال وعندك استعداد تتحملي مصاريفك الخاصة أنت وعيالك . بس وقفلي الموضوع .. إن أصر على الصور وانحدر في الكلام فاتركيه . ويرزقك ربي من واسع فضله

__________________

والله يا اخي في ذا الوقت قليل الرجال امثالك
مو كلهم بيقدر العطاء المادي!

وانا بالعكس كل كلامي معه انه ما بيشوف ريال مني
يعني عكس ما اوصيتني به!!
حتى هو يضحك يوم اقوله ويقول انه يمزح
ماهو بحاجة مالي
(هو فعلا حسب اعماله غني )
يقول سئلتك عن مالك اختبرك
لان الانسان يعرف عند المال او في السفر!

اما الصور لم ارسل له الا صوره واحده
وانا لابسه العبايه والنقاب
"هو طلب حتى لو بالعبايه"

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )