السلام عليكم ورحمة الله وبركاته
عندي استشارة وحابه أجد حلول من أصحاب العقول الراجحة ...القصة اني انخطبت من رجل علم ودين وجمال ولكنه متزوج استخرت وارتحت وافقت وحبيته لا عشقته عشق ذريع...في الاخير انتظرنا منه يحدد الملكة لكنه اختفى ..انتظرته عشرة سنوات لم يرجع ! انخطبت من اصحاب محطات ودين لكن معددين رفضت الجميع بسبب تحطم قلبي من السابق وقررت لا اخذ متزوج
والحمد لله لا تربطني به اي علاقة ولا اتصال ولكن احسست بحبه لي في الخطبه واحساسي لا يخيب ! ولعل في الامر خير لي وله ! مضي العمر عديت ٣٠ جاء شاب متوسط التعليم يعمل بشركة قبلت به تزوجت عشت معاه جبت طفلين ....خرجوه من الشركة التي راتبها ضعيف اصلا...صرت انا علي الايجار والكهرباء والانترنت والاكل تصليح سيارة حتي مشاوري مع السواق ان شاء الله اجر وهو متسدح ونايم حتي الدين اصلي صلاة وسيب اخرى ... اكثر من مرة طلبت الطلاق ما يبغى حاولت اعدل مافي فايدة وصلت قناعة صعب التغيير !!كرهت عمري معاه واستحملت عشان الاطفال ..يهدد باخذهم ....انا اعلى علم وثقافة وظيفة هو لا....فقدت انوثتي احس اني رجل ما الحل؟!

وعليكم السلام ورحمة الله
بالنسبة للقصة الاولى فكما قلتِ: (لعلها خيرة)، بما انك استخرتي، فان الله سيدفع عنك السوء.
وضعك صعب، لا يمكن للمرأة ان تستحمل ان تقوم بأعمال الرجل، لذلك انت تشعرين بأنك تكرهين كل ما حولك تجاهه.
احد الحلول هو ان تبحثي له عن عدة اعمال، وتعرضيها عليه، وتبييني له ان وضعه لا يحتمل، بالأسلوب الذي يناسب شخصية زوجك.
والآخر هو ان تتركي عملك حتى يشعر بتأنيب الضمير ويبحث له عن عمل.
واتركي الكماليات التي يمكن الاستغناء عنها بما ان الدخل لديكم ضعيف.كم مضى من الوقت وزوجك عاطل؟

انا اختي مثلك موظفة حكومي وكان زوجها موظف بداية الزواج .. بمجرد ماصار عنده اطفال فصل من الوظيفة واختي اللي تصرف حتى انها اشترت له سيارة مايحلم فيها وظلت تصرف على البيت حتى صار عنده اربع اطفال متخيله الوضع كيف !!
لكن الحمدلله الان انه تعدل من قبل سنة توظف وصار يشاركها بمصاريف البيت مو هي تشاركه ههههه
زنّي على راسه لييين يتوظف اختي سوت كذا لمحي له انك احتمال يستغنون عنك بالوظيفه ، لعل وعسى يتلحلح ويستحي على عمره شوي والله يعينك لكن انتبهي تتركين الوظيفه وانتي عندك اطفال .. اتخيل لو اختي تركت الوظيفه بوقت ماكان زوجها عااطل،، اطفالها بيتبهذلون خصوصا انها بمنطقه بعيده عن اهلي وماتشتكي لهم شيء ابداً

أختي مثلك اول ما تزوجة زوجه عنده محل تجاري وبعد ما جابت ٣ أطفال ترك المحل وجالس يسافر من ديره لديره. واختي الي تصرف على البيت

__________________
يارب أحفظ لي طفلتي ولا تبتليني بفقدها

اقطعي عنه الكماليات و اصرفي على الضروريات فقط، لو هو بس يدور على وظيفة و يبذل مجهود الله رح يرزقه
لكنه وجد فيك البديل و الاخ عجبته البطالة
زوج اختي موظف و راتبه فوق الجيد لكنه بخيل و لانها اشترطت ينقل قريب لمكان عملها الاخ ترحرح و هي اللي كانت تدفع الايجار و غيره، اما المعاناة النفسية معه فتحتاج موضوع لوحده، في النهاية للصبر حدود و حاليا طالبة الخلع منه.
كلمي اهله او احد يحترمه لعل و عسى يتحرك

قلتي في كلامك انك مره تصلين و اخرى تتركينها الحل من هنا يبدأ تعدلي في هذه النقطه و والله حياتك ستستقيم علي اكمل وجه
اما بخصَوص القصه الاولى فمن الشيطان ليس الا لانه النفس تحن للماضي و تجعله جميل و رائع
مهمتك الأن اهتمي بنفسك و اطفالك ثم زوجك و في الاخير اتمنى من الله ان يوفقك و يجعل حياتك كلها افراح و مسرات تحياتي لك
اخوك الرجل الاخضر

__________________

و ما تشائون إلا أن يشاء الله

أستغفر الله العظيم من كل ذنب عظيم