السلام عليكم

أبي ادخل بالموضوع على طول ارجوكم ساعدوني
الحمدلله تزوجت قبل اربع شهور و كانت حياتنا كويسه جداً في الشهر الاول
مع مشاكل بسيطه و دلع و تنحل بينا بسرعه
أنا سافرت و تركت زوجتي بسبب ضروف العمل و أنا ودي اخذها معي
لكن هي الآخر تعمل ..

المهم عاتبت مره زوجتي انها ما تسأل عني وآني أنا دائم الي أسأل عنها
حتى لما ارسل لها ما ترد الا بعد ساعه او ساعتين
المهم قالت لي انها حامل وانها ما تاكل و تعبانه جدا
فرحت و اعتذرت منها وقلت لها هذا كله بسبب اني اشتاق لك
المهم مشت الامور و أخذت اجازه من دوامي اسبوع علشان اشوفها
قبل لا أسافر بيوم قلت لها بحكم انها تعبانه وما تأكل و صحتها تدهورت
قلت لها شوفي الي يناسبك ما أبي اضغط عليك إذا مرتاحه عند اهلك خليك عادي و إذا تبغين تجين شقتنا براحتك ..

قلت لها هذا الكلام يعلم الله عن حسن نيه وما أبي اشقيها و تطبخ لي و تنظف الشقه
المهم انها كبرت الموضوع و زعلت و قالت لا تجي وما أبي اشوفك
وحاولت اني ابين لها اني ما اقصد وآني جاي علشانها بس رافضه
وجيت في الاجازه و رفضت انها تقابلني و وحاولت فيها بس رافضه مره
وكل يوم اجلس احاول فيها و تقولي خلاص انتهينا وجلست اسبوع كامل في شقتي لحالي
ومع هذا كله ما سمعتها كلمه تجرحها ودائم تفسر أي أمر خطاء لو اقول لها السلام عليكم زعلت

كلمت امها وشرحت الموضوع و تفهمت الوضع و قلت لها شكلها متوحمه فيني
خلصت إجازتي ورجعت دوامي بعد محاولات عديده فاشله معها

المهم جلست تحط حالات في الواتس تدعي علي أنا صراحه انصدمت
وتعبت نفسيتي مع ذالك سكت ولا قلت لها شي
بعد فترة اعطتني بلوك في جميع أمور التواصل بينا
وكنت أسأل عن حالها عن طريق امها و كنت اشتاق لها كثير بس ما اقدر اكلمها

طبعاً أنا موظف عسكري وجتني مهمه في اليمن
وارسلت لها عن طريق التليجرام ادري انك زعلانه سامحيني إذا اخطأت عليك ويعلم الله انه بدون قصد وقلت لها أنا رايح اليمن مدري والله راح ارجع حي او لا
على الاقل طمنيني عنك

بعد هذا الكلام كلها قرت الرساله و اعطتني بلوك !!! اصدمتني صراحه
معقوله الوحام ينزع الانسانية من ألانسان و يخليه قاسي و عنيد و يفسر الامور خطأ

اعتذر على الاطاله وهي الان حامل في الشهر الثالث

معقوله مافي احد مر بمثل هذي المواقف
ولا احد عنده نصيحه

اهلاً آخى العزيز

ردك الله سالم غانماً

وحفظك وكل شاب الاسلام
من كل سوء


اللهم آمين


نعم رأيت مثل حالة زوجتك
وهنا تحدثت اكثر من اخت
عن كرهها لزوجها اثناء
شهور الحمل الاولى


وبعدها ينتهى الموضوع
بإذن الله تعالى


ليس امامك الا الصبر ان شاء الله
مع كثرة الدعاء والتضرع الى الله
عز وجل


وخصوصاً انك مسافر ولن تعود
قريباً فانت لن تخسر شياً


وخلى امك واخواتك يتواصلوا معها
ومع امها وكذلك ابوك مع والدها


ان شاء الله تعود المياه لمجاريها



يسر الله آمرك ورزقك من حيث
لا تحتسب

__________________

اشكرك اخوي على كلامك الجميل بس هل الوحام يعدم الانسانية
ويميت المشاعر و يولد الحقد و الكراهيه

لالا اخوي ماتوقع كل هذا بسبب الوحام
اتوقع زوجتك من النوع الزعول الله يعينك
كلمها وقول لها صارحيني وش مضايقك
وعطها من الكلام الحلو ياقلبي في شي مضايقك لازم نتصارح انا ماعرف وش الي بقلبك
يمكن السبب انك مابينت لها شوقك
وتصير ترسل لها انا مشتاق انا ماصدق اوصل البيت عشان اشوفك ومن هالكلام
يمكن ان المصروف الي عطيتها قليل
لازم تتكلم معها وتشوف سبب زعلها هذا
واذا مافيه انتظر لبعد الولادة ان استمر
فهي من النوع الحساس الي يزعل من اشياء بسيطة الله يعينك تصير تنتبه لكلامك معها عشان ماتزعل

انتظر لحد ماتولد
واتكلم معها بهدوء
ومحبه
واذا مانفع خلك حازم وقوي

انتي بتصيرين حرمه مثل الاوادم
ولا الله يستر عليك

دلع حريم زايد

__________________
سبحان الله والحمدالله

__________________

صديقتي الروح بالروح جرحتني بكلامها وانا ما قلت شي اصلا و زعلت مني و سحبت علي بعد هالزعلة وانا ما قلت شي ابدا يزعل والله انصدمت وتضايقت منها
و تركتها على راحتها بعد ما عدت كم شهر تكلمني و هي تضحك تقول حتى حاراتي طردتهم من البيت مع العلم ان اخلاقها احسن اخلاق
المشكلة تمشي و تتهاوش و لا تفكر تعتذر
يوم خلص الوحام رجعت لانسانيتها وانا لا زلت مستغربة بصراحة
وحدة من معارفنا كان زوجها بيتزوج عليها لانها كرهته ، بعد ما ولدت رجعت علاقتهم تمام التمام

__________________

يعطيكم العافيه و اشكركم على كلامك الجميل

كيف احذف الموضوع هذا ؟