السلام عليكم انا سبق طرحت بعض مشاكلي مع زوجي وحاليا بعد عشرة عشر سنوات انا في بيت اهلي لاول مره وحطوا تحت كلمة اول مره عشر خطوط

رغم كثير مشاكل وظروف مرت علينا ماعمري تكلمت فيه عند اهلي ابدا ابدا كنت احيانا اجيهم وانا متزاعله معه وارجع بيتي بدون ما احسسهم بشيء

هالمرة جت منه كان هاجرني اسبوعين وزعلان من موقف ماله حق يزعل طلبني فلوس قلت ماعندي وحقيقي هو مزنوق لكن انا شكو وقلت له كثر خيري ما اكلف عليك ولا اضغط عليك ديونك هذي انا مالي شغل فيها فسوى عمره زعلان وفعلا اسبوعين طفشني كرهني حياتي وفي الاخير قال يالله روحي عند اهلك انا ببيع البيت
لي هنا وخلاص شلت عفشي ورحت لاهلي ولي الان اسبوعين

من ثاني يوم ابوي دق عليه ورجع سالني ليش عمي يدق انتي ايش قلتي له
قلت ماقلت ولا شيء الا كلمة انك بتبيع البيت وانفجر وزعل تخيلوا كان متوقع اني بجلس عند اهلي واسكت مثل كل مرة بس هالمررة غيييييير
اول مره يطلعني من بيتي
ثانيا سالفة بيع البيت مو من حقه يبيعه وانا (مساهمه معه فيه بدون اثباتات خطيه ساهمت بالاثاث)

ومن وقتها يجلس اسبوع ويدق ولا ارد ويرسل يالله نطلع نفطر برى فقلت له مالي خلق
اختفى اسبوع رجع دق مارديت ارسل ابغى اسمع صوتك قلت له مالي خلق اكلم احد

الاخ ماشاء الله صار راضي علينا لما الموضوع كبر وصار عند اهلي واهله

يعلم الله اني انسانه واعيه كثير وماحب اطلع اسرار بيتي لاحد لكن هو حدني وعلمت ابوي على اكثر شيء ضايقوني اني ساهمت ودعمت وهو ماقدر وبرضه على سهراته مع اصحابه

وابويه انسان فاهم متعلم راقي يقول اذا فيه شيء زيادة قولي لما يحي لازم نتفاهم معه على كل شيء ونثبت كل شيء ورقي
وماترجعين الا وحقوقك راجعه لك وانت راضيه
ويشترط عليه مايسهر مع اصحابه بوميا لوقت متاخر احس هالشي لو ماجاء بطيب وقناعة مايجي بغصب تايدوني

اياعات اقول خلاص اتركه ويتزكني ويعيش مع اصحابه حر طليق وانا ماكون على ذمته لكن اطفالي مالهم ذنب ابوهم رائع معهم ولله الحمد

فانا عارفه زوجي يبغى الموضوع ينلم بدون مايتدخل احد وهالطريقة حاليا ماتنفع معاه
وغير كذا اخاف يحقد علي ويكابر اكثر واضح الي مو حاس انه غلطان والغلط راكبه من راسه
ياترى ردة فعل زوجي كيف بتكون لو ابويه حجر له وطلب كل شيء قدام ابوه واخوانه
هل بيعتذر بيعترف بغلطه والا بيحقد علي ويمكن ينتقم مني مع السنين
هو شخص عنيد جدا جدا جدا عصبي متهور متسرع

يعلم الله قد ايش صبرت وتحملت وعذرت وعطيت بس ماقدر كل هذا ولا بان فيه شيء للاسف

استخيرى الله اولاً

واظن انه لا داعى لتدخل الجميع
يكفى والدك وانت

وطالما رجع لعقله
فهذا جيد

الحمد لله


اسأل الله ان تبارك وتعالى
ان يصرف عنكم كل هم وضيق
انه سميع قريب مجيب الدعاء

__________________

__________________

اسأل الله في هذا الشهر الفضيل أن يجمعكم
على خير ويلم شملكم من جديد إنه على ذلك لقدير

أختي الفاضلة
اتمنى ان يقتصر اللقاء على ابوك فقط
بمعنى انتم الثلاثة
وأن يحاول ابوك بتلطيف الجو بالكلام الجميل
مثل / انت ولدي وهذي بنتي وكلاكما عينان في رأس

صدقيني مهما كان عناد الرجل إلا الكلمة الطيبة تكسرالعود اليابس وتجيب راسه
و تكون لها تأثير اجابي

لاتتهوري وتذكري كل شيء امامه سواء قديم او جديد
حاولي بأن يكون الموضوع مقتصر فقط على مشكلة البيت وبيعه


اتمنى لكم حياة سعيدة

جزاكم الله خيرا ماقصرتم جميعا
اليوم زوجي جاء على باله يشوفوني واطفاله مان يرسلي مسج وقلت تعال بعد التراويح
لكن انا ماطلعت شاف اطفاله وبعد كذا ابويه جلس معه على انفراد وذكر له كل شيء وعاتبه قاله مثل ماتغلي عيالك انا بعد اغلي بنتي ومارضى الغلط عليها
وقال هذا جزاها يوم وقفت معك تطلعها من البيت
و كيف انه يجروء يبيع البيت وانا شريكته فيه
وكذلك قاله الا متى السهر مع اصحابك يوميا خلاص انت رب اسرة ومسئول عن عائلة وفي الاخير قاله انا غلطت عليك والا معي حق قال معك حق
يققول ابويه ان زوجي كان ساكت وعينه في الارض
وبعدين قال باخذ زوجتي واطفالي ابويه رفض قال اذا صلحت وضعك المادي وحليت مشاكلك يكون خير والله يحييك مع ابوك على كلام ابوي انه طلع والدموع في عينه

يعلم الله ماكنت ابغى اصغره قدام ابوي لكن عشرة عشر سنوات صبر وتضحية ومداراة وستر ومع ذلك ماقدر كان يبغاله وقفه قوية وقدر الله وماشاء فعل

ومثل مازعل فجأة رضى فجأة ومثل ماطلعني بكيفه يبغى يرجعني بكيفه

والله ييسر اموره ويهديه ويصلح الحال
والحمد لله على كل قضاء وقدر

بادرة طيبة من زوجك
لكن اعتب على ابوك بقوله
( اذا اصلحت حالك حياك مع ابوك )
أنا لا أؤيد حضور والد الزوج لإعتبارات عدة :
1- الزوج بادر وأعترف بخطائه
2- عدم تشعب الموضوع واشراك اهل الزوج
3- تعد المرة الأولى لخروجك لبيت اهلك
4- قد يكون هناك تبعات مستقبلية تؤثر على العلاقة الزوجية وأخذ موقف من أهلك

اتمنى لكم حياة سعيدة

ابوك زودها ... واتوقع زوجك انجرح من موقفكم وماراح ينساها .. والله اعلم

الاخت صبورة وحكيمة
معرفكِ يوحي بأن لكِ اهتمامات بالحكمة والقول والفعل الصائب، وإذا ظهر لكِ الموقف الحكيم سوف تستلمي له لأنك تبحثي عن الحكمة.

برأيي أولاً مطالبة زوجكِ لكِ بالذهاب للفطور سويةً ورفضكِ لطلبه لا يجوز لكِ منع زوجكِ من هذا الحق وأنتِ مخالفة للشريعة السمحاء وتعتبري بنظر الله وبنظر دينه عاصية ومذنبة.
تخيلي كثير من الزوجات عندما يتشاجرن مع أزواجهن يذهبن لبيت أبيهن من غير رضى الزوج وهذا ذنب ومعصية، فالدين الذي يحث المطلقة التي طلقها زوجها المكوث في بيت زوجها حتى تنتهي عدتها ولا يجوز لها تذهب بيت أبيها، يا ترى! ما حكمة الشرع في هذا الأمر؟ دين الله غزير وعميق والله حكيم في وضع الدستور والقانون، فمن المؤكد أن هذا يصب في مصلحة الناس ولكن أكثر الناس لا يفقهون، بل لا يريدون الإلتزام بالحلال والحرام. فالناس تعرف أن هذا حرام ولكنهم يستسلمون للأهواء الشيطانية، وبعدها تزيد عندهم المشكلات وتتعقد أحوالهم وتختلط المشكلات بشكل شيطاني وتتفاقم المشاحنات والغيض والقهر والكره بسبب عدم اذعانهم لنصائح الدين والالتزام بقوانينه الحكيمة.
ثانياً أبوك لم يكن موفقاً بما فيه الكفاية في إدارة المشكلة بشكل حكيم من غير أن يتسبب بجرح كرامة زوج إبنته، وأعتقد بأن الموقف الحكيم لأبيك كان ينبغي إعطاء زوجكِ فرصة ليصحح غلطه أفضل من أن يكسره بهذه الطريقة، التي ربما تبقى في نفسه وينفجر عليكِ في يوم ما وتقل عنده الثقة بكِ بأنكِ لا يمكن الاعتماد عليكِ في حفظ الأسرار الزوجية، وربما يشعر بأنه حصل خذلان منكِ.

ثالثاً أنتِ تقولين أن عليه ضائقة مادية وقروض ، وأنتِ تقولين لنا وفي نفسك (أنا شكو) هذا كلامكِ.
من قال لكِ بأن الحياة الزوجية التي فيها تعاون ومشاركة وسند للزوج وقت الأزمات يكون الموقف الحكيم (أنا شكو) هل هذه حياة زوجية مستقرة.
إذا كان الصديق وقت الضيق ، فكيف لا تكون الزوج هي الصديق وهي القريبة وهي السند وهي المحامي وهي نعم الكرم والعون لزوجها ؟ لماذا نسيتي كل هذه الابجديات في الحياة الزوجية ؟
زوجة تعيش مع زوجها على الحلوة والمرة وتصبر على وضعه هي المرأة الحكيمة وليس من الحكمة نردد الكلمة المتداولة بين النساء (أنا شكو) صحيح أنكِ ليس لك دخل بقروضه ومشاكله ولكن من الحكمة والخلق لخلق المودة والرحمة أن تتعاون الزوجة مع زوجها من أجل يسير الركب على أحسن ما يرام. أنا لا أعفي زوجكِ من الخطأ فهو ليس من حقه يطالبكِ بأي مال يتعلق بالسكن أو النفقة ولكن يأخذ المال من زوجته بالتراضي الموافقة ورضى النفس، هذا هو حكم الله.

أرجو أن يتم توعية زوجكِ بطريقة حكيمة بهذه الأمور من غير مس بكرامته أو طعن مشاعره ورجولته.

لما قالك اخرجي من البيت ما كنتي خرجتي لأن مش من حقه .. في القرآن .. لا تخرجوهن من بيوتهن ولا يخرجن الا ان يأتين بفاحشة مبينة ..
هذا بيتك وبيت اولادك ..
لكن قدر الله وماشاء فعل ..
الآن والدك عرف بالموضوع .. اي حاجة هتحصل بعد كده او طلبات تقوليله الموضوع خرج من ايدي للاسف ووالدي هو المسئول.. مادام والدك بتقولي انه رجل راشد وحكيم وعاقل ويعرف يتصرف .. طبعا بعد ماتصلي استخارة ..
يعني متكلميش زوجك بعند .. كلميه انه للأسف مش هتعرفي تلمي الموضوع لوحدكم مادام والدك عرف وان زوجك لازم يقنع والدك ويراضيه باللي عايزة ..
ربنا ييسر حالك وادعي ربنا ديما ..

__________________
الله معى .. الله ناظرى .. الله شاهد على ..