السلام عليكم ورحمة الله وبركاته
انا فتاة تم عقد قراني قبل عدة اشهر ومن ذاك اليوم وانا قلبي مب مرتاح لا من ناحية خطيبي ولا من ناحية اهله وبقولكم ليش خطيبي ماكلمني وما زارني ولا مره هالفتره ماعدا ف العيد وكان جاي مع ابوه عشان جذي حسيته لو ما ابوه كان ما يا ولا شفنا رقعة ويهه وزارني بعد يوم عيد ميلادي بس هذاك اليوم كنت مشغوله وماقدرت اشوفه وحط الهديه وراح بدون ما اسلم عليه وع فكره انا وهو ماعندنا ارقام بعض يعني ما اتواصل معاه خير شر وماعرف اطباعه ولا اي شي من هالناحيه وبعد ماحدد يوم العرس لين الحين حسيته كانه مغصوب ع الزواج وفوق هذا ما يعطيني نفقة شهرية اما من ناحية امه ف هي ماتجي تزورنا بعد ولا تتصل ع امي تسلم علينا وتتخبر عنا حتى ف المناسبات العيد هذا ما جت تسلم ولا حتى رفعت السماعة تباركلنا ع العيد
مع العلم انه اخو خطيبي خطبوا اختي قبل ورفضت اختي بحكم انها ماتبا تتزوج هالفتره وع طول بعد كم شهر تزوجت من عايله ثانيه عشان جذي حسيت انهم بعدهم شالين ف خواطرهم
انا ااحين افكر بالانفصال طبعا بعد ما استخير لاني ابدا ما حس اني مالكة ولا احسهم عاطيني اي قيمه خصوصا خطيبي

تم تعديل العنوان ليتناسب مع المضمون

استهدي بالله ماكل الرجال بيزور من خطبها ترى بعضهم حيوي كذلك البنت موكلهن جريئات وتبي زوجها يمرها ويسلم عليها ويهديها قبل الدخول ترى الوضع جداً عادي ولاتكبرين الموضوع، وانصحك لاتكبرين دائرة الشك وتنتقلين منه الى امه وثم اخوه وثم امور حصلت بالسابق ....

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

وبعدين كيف تقولين مغصوب او انهم زعلانيين لان أخوهم بالسابق خطب اختك وارفضته هذا اصلاً دليل قاطع انهم شارينكم اختك رفضت اخوه وهو يجي مره ثانيه يخطبك ...

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

مكانه الأنسب

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..