السلام عليكم ورحمة الله و بركاته

مشكلتي ليست مشكله بحد ذاتها الا اعظم صراع اعيشه حاليا
انا بنت من اسره كريمه لم اتعود في بيت الاهل على الالفاظ النابيه او القذره ..
تزوجت زوجي و رزقت بولدين
زوجي بطبعه بعد المعاشره قذر اللسان
المفترض هذه الالفاظ تكون بين اصدقائه بالاستراحه كأغلب الرجال
لاكني اراه و اسمعه في البيت في السياره الخ الخ
حاولت حاولت لاكن اخوكم اصمخ ..
لان في حالات المشاكل لابد من التجريح
في حالات المزح لازم كلام قذر !
لاكن خلق معي تعب نفسي من التجريح في كل مشكله لانه سليط لسان و اتعب كثيررررر من الكلام اللي يوصم بداخلي .. اجلس وقت طويل عشان اتعافي من حرارة الكلام اللي يوصلني ..
غير الجفاف الفضيع بالكلام اللطيف لي كزوجه
.
.

انا لو اخوض في غمار شخصيته يبي لي ملف كامل
راح اختصر انه شمالي شرقي و اهل الانماط بيفهمون ..

..

مشكلتي الحاليه : او استشارتي الحاليه منكم :

يوم الاربعا السابق صار في اشكال بسيط من ناحية اني كنت اطرح فكرة اخذ رقم ام طالب عند ولدي بالمدرسه عشان لو صار شي اساله و هكذا
رفضض بحجج انا اشوفها غير مقنعه ( يقول ايش يدريني وش يصيرون الحريم ممكن تصير راعية شباب او اخلاقها منحرفه او تبع مخدرات فاقولك لا ) قلت وش هالحكي الحريم معمرين بيوت كيف هالكلام طال الكلام قال ما ابي لك اي علاقه ب احد بس بيت اهلك وبيت اهلي الخلاصه كنت واقفه وقتها اجمع ملابس الاولاد وهو بالسرير فجاه مع عصبيته واحنا نتكلم قام و مسكني من ملابسي و دفعني برا الغرفه ...! ( مد يده يعني )
ما راح افصل ايش صار لان نفسيتي متدمره من ذاك اليوم
بلوزتي انقطعت من جنب يدي تعورت لاني طحت و كيف ورمت عيوني من البكي و كيف احساس انه مد يده هذا لحاله مدمرني ..
طبعا جا هو فجر للخميس تاسف و قال حقك علي ووووووو كلام يطول طبعا قلت كانك قاعد تكلمني كانها مشكله عاديه قال لا بس اهدي نفسي عشان اعرف اتكلم معك . قلت يدك لعاد تمدها علي وووو
الخلاصه قلت ماعاد ابي لساني يطب ع لسانك سالني الى متى ! قلت مدري يبي لي وقت عشان يهدى خاطري ..
لنا الان 6 ايام .. امور البيت قايمه بها بس حتى النظر لوجهه ما اناظر ما اكلمه الا اذا كلمني وكلها تخص الاولاد
هو معليش ع الشفافيه سوا نفسه يومين ادا جا يجي يبوسني ع خدي مدري ليش قلت بنفسي يحاول تهدا النفوس بعدها انقطع و انا معد يهمني ..
كتبت لكم وضعي كامل لا تقولون خلاص اعتذر انا ما شفت انه شايف موضوع كبيراقلها يسعى يسار يمين لاكن اكتفى بيومين و بعدها خلاص اكتفى
انا ما اعرف ايش اسوي بحالي لان كل يوم عن يوم اكرهه
و احس بوجع بداخلي فضيع
لان حتى اهلي ما خبرتهم قلت الرجال مرا و ما راح يكررها بس بنفس الوقت خايفه يرجع و يكرر و اشوف صمتي عنه و زعلي منه عقاب
لاكن هل هو فاهم الوضع اللي انا فيه او يحسبني اتدلع او اني معطيه المشكله اكبر من حجمها !
لان بديت اكرره اشوفه فعلا ! سبحان الله كيف اول لو زعلت ما اطول اصلا بنفس اليوم انا اسولف و اتكلم
ابي راي شخص حكيم و شكرا

__________________
لا إلة إلا أنت سبحانك إني كنت من الظالمين

السلام عليكم أختي الكريمة ...
القاعدة ... لا يخلون أحد من عيب .. و أنت لم تنجحي في إكتشاف عيوبه قبل الزواج .. و ذلك إختيارك
لك منه ولد .. فتحملي .. حاولي إحتواءه و ترويضه .. إدرسيه .. إفصليه عن عالم البذاءة الذي يجلبه من بيئته و تربيته المتواضعة .. إن كان يبعد عنك فتقربي منه ..
و إجعلي موقفك الصلب منه أبعد الحلول.. أعانك الله