السلام عليكم

أيش رايكم بالصديق اللي تحط رأيك في قضية ما
في إحدى مواقع التواصل الاجتماعي ومايعجبه رأيك
ويتعصب لرأيه كون هذي القضية تعني له شيء كبير
وتحاول توضح له موقفك ورأيك و ماهو راضي يسمع لك
ووصلت لمرحلة إنك تعتذر وبرضه ماهو راضي يسمع
ويوصفك بأوصاف تضايقك و بعدها تتركه ،
وتكتشف إنه مسوي لك حظر في نفس موقع التواصل
اللي طرحت فيه رأيك ، وانت تزعل وتحذف رقمه من الواتس
وبعدها بشهور يرجع يرسل طلب صداقة و تقبل في صمت،
يحط لك لايكات و يعلق على خفيف و إنت مازلت صامت،
يرسل رسايل على الخاص (دعاء و كذا ) و إنت مازلت صامت،
ولا هو حاول يعتذر عن تصرفه معك سابقا ولا إنت قادر تتقبله
مرة تانية في حياتك .. كيف تتصرف ؟!
الان مرة على الموقف تقريبا 3 سنوات و يمكن أكثر
لكن أنا للاسف مو قادرة أنسى شعوري السابق وأنا أعتذر
وأحاول ألم الموضوع وهي تقولي : لاتسوي نفسك طيبة
وترفض تسمع لي .
أنا مو قادرة أتقبلها من جديد في حياتي ، و أنا مو قاعدة
أعاقبها أنا فقط ما أقدر أضغط على نفسي في تقبلها
من جديد.

عادي لا تضغطي روحك

لا يحل لمؤمن أن يهجر أخاه فوق ثلاث يلتقيان فيعرض هذا و يعرض هذا و خيرهما من يبدأ بالسلام

هذا اللي بقوله لنفسي دايما
انا لو تقبلتها مرة ثانية في حياتي راح أضغط على نفسي
وهي قاعدة تضغط علي بشكل غير مباشر

انا اعتبرت علاقتي فيها انتهت من لحظة خلافنا واصرارها على عدم سماعي وتفهم موقفي
ماتتخيلي لأي درجة صدمتني ردة فعلها و جرحتني
لأني فعلا كنت أشوفها صديقة مقربة تفهمني وافهمها
لكن فجأة صار شي تافه بيننا وخرب كل شي
للان اذا تذكرت الموقف أزعل وأتنكد
رجوعها من جديد في حياتي يرجع لي مشاعر سيئة ويضايقني
معقولة ربي يحملني فوق طاقتي ويجبرني على شي ما أتقبله و يزعجني؟!

ان لم تكن صلة رحم
فمن لا ارتاحين بصحبته سلام سلام وخلاص
لا تجبري نفسك عليها

و الله ما افتي يا قلبي
بس الاسلام دين رحمه و حرص على تقوية العلاقات الاخوية و الاحسان الى الناس
وهذا شيء جميل و طيب جدا
و في حالة صديقتك ما اقدر افتيك😊ان قلت كلمة بتكتب علي .

صدقتِ

كلامك اللي لونته بالأحمر ماعليه خلاف
لكن الاسلام أيضا يهتم بمشاعر الناس
مو نقعد نغلط على الناس ونجرّح فيهم و نتركهم ونرجع نتوقع نلقاهم مثل ماتركناهم.
صح الموقف قديم والمفروض نفتح صفحة جديدة وننسى الماضي
لكن أنا ما أقدر بعد كل التجريح اللي سمعته و التهزيء .
وفوق هذا ما أعتذرت بس قاعدة تحاول بطرق غير مباشرة
يمكن هذا اللي مخليني ألتزم الصمت معها ولا أتقبلها من جديد
يمكن لو اعتذرت كان الوضع اختلف , يمكن ..