فتره وتعدي وتمشي الحياه وتتعودين علي الوضع ..

لكن نصيحتي لك ان تزيدي الاهتمام هالفتره لانه معروف بعد فتره من زواجه بالثانيه يبدأ يشتاق لزوجته الاولي ويعود لها فأستغلي هالفتره ولا تقلبيها تحقيق عنها ونكد وليش تروح معها وتطلع اهم والزم ماعليك انه يكون عادل معكم في الايام واذا كان عندك حاولي تخلينه يطلع ويمشيكم دون مقارنات معها

ماشاءالله عليج اختي حسيت انج عاقله متفهمه وصابره
عسى الله يثبتج ويزيل همج ويفرح قلبج

اللي اقدر انصحج فيه
هو التغافل ثم التغافل
لانه يا حبيبتي مافي حل للمشاعر السلبيه سوى التغافل
والانشغال بهوايه او شي يسليج بجانب التغافل لانه الفراغ يدمر الانسان في هذه الحالات
والانشغال افضل حل

حاولي واحرصي يوم ريلج يطلع ويا الثانيه
هالوقت بالذات تسوين لج جدول مكثف
مثلاً اطبخي طبخه حلوه مارسي هوايتج مارسي الرياضه اطلعي ويا عيالج او اهلج

المهم اذا قعدتي تفكرين وتفكرين وتتخيلين اللحظات اللي قضاها ريلج ويا الثانيه
شي طبيعي جداً لما يوصل البيت بتكونين حاقده عليه ومالج نفس تشوفينه

عشان جي لو انج بتكونين شاغله نفسج تماماً جسديا وعقلياً اهم شي عن هالتفكير
مشاعرج لما تشوفينه ماراح تنقلب

وكل ما فكرتي قرصي نفسج المهم سوي شي يخليج تطلعين من هالتفكير اللي اييب الهم
لاني اتخيل نفسي مكانج
اكيد بحتر وانقهر
لكن التغافل والانشغال احسن حل لراحة القلب
ودايماً استغفري اذكري الله
والله القرب من رب العالمين سعاده كبيره
وحبي نفسج اكثر واهتمي بنفسج وجابلي عمرج و عيشي اوقات جميله بمفردج الزوج مب كل شي
صح الكلام سهل والتطبيق صعب
لكن هذا الشي الحرمه الذكيه اللي تطبقه
انها تعرف تعيش وتستمع بحياتها سواء ريلها موجود ولا مب موجود

جزاكم الله خير ويعطيكم العافيه على ردودكم الي تزيدني قوه وصبر
فعلا كلامكم صحيح مافي زي التغافل والانشغال لأني عندما اطبق هالشي ارتاح نفسيا ومايصير بينا مشاكل الحمدلله
بس زي ماقلتي اختي الكلام سهل والتطبيق صعب والتحكم بالمشاعر جداا جداا صعب لكن انا احاول وكل اسبوع أكون أفضل وأفضل الحمدلله

__________________
اللهم مالك الملك، تؤتي الملك من تشاء، بيدك الخير إنّك على كلّ شيء قدير، رحمن الدّنيا والآخرة ورحيمهما، تعطيهما من تشاء، وتمنع منهما من تشاء، ارحمني رحمةً تغنيني بها عن رحمة من سواك،،