بحط الموضوع هنا عشان لا تختلط المواضيع ..
بعد نصائح الاعضاء هنا < راجعت نفسي ماقول اقتنعت لكن فكرت
كلمتنى وحده ىن اخواتى وقالت الوالد مريض تحاول تحننى عليه !
فكرت قلت بروح له اجرب رحت و تفااااجا جدا انى جيت < حسيت ان تصرفي غلط
و كانه ارتعب وانبسط و مدرى مافهمت ويسال فيك شيء صاير معك شيء
اخوك فيه شيء < اخوي الشقيق علاقته بالوالد شبه منقطعه
كنت بقوله او قلتها بينى وبين و نفسي " على اساس لو فينا شيء بنجيك !"
ماعطنى فرصه اتكلم يسال ورى بعض..
قلت لا انا بس جيت سمعت انك مريض و يطالع فينى ساكت احس ماصدقنى !
بعدين قلت انا بعتذر على كلامى لك اول و اسفه و ماقصده .. > مو صدق انا كنت اقصده على قول لماذا نتزوج نسوى اننا نحبهم !
سكت برضو مو مصدقني ومعه حق ، عجزت ابين شيء خلاف اللى داخلي
قال انا ابوك مهما صار و غلطت صح بس بسبب امك ووووو نفس الكلام يبرر لنفسه !
بعدها تعب و سكت وجو اثنين من. اولاده وبناته الكبار وبقولون انتى تعبينه ترفعين ضغطه ..
طلعهم هو و قالى فليكا بنتي تبغين ارضى عليك ؟ انا راضى بشرط
ايش هو ؟ قال تعطي اخوك و جدتك حقهم .. يقصد من تركت امي ..!
وحقي انا مسامحك فيه .. < مدرى ايش بباله !
جده هذى لى اكثر من 17 سنه ماشفتها او اكثر < ام امي
اجى الان واروح لها واعطيها من حقي ! عشان توزعها على بناتها !
اما اخوي فهو مساالم جدا ولو ياخذ شيء اتوقع يعطيهم منه > للمعلوميه
انا اعطيه ان طلب منى ويقول لى سلف لكن ارفض اخذه لانى اعطيه من حقه
والان مسافر هو للخارج وبيشترى بيت وعرضت عليه اشاركه ووافق
طبعا اشاركه من حقه وانا بهدف انى اعطيه مو هدف مشاركته ..
بس نصيبه طبعا من التركه ضعف نصيبي .،
وجده لو بتاخذ بيكون لها السدس وبيطلع مبلغ مو بسيط وخساره
على افتراض طبعا انها ماخذت لان مادرى عنها يمكن اخذه من امى بحياتها
قلت للوالد ماحد له شيء وماخذت حق احد
وامى ماتركت لى الا البيت بس وانباع قال لا تكذبي !
وان ماسويتى زي ماقلت لك لا عاد تجيني !! < ضاغطه على نفسي ويقول لى كذا
قلت طيب ابشر انت اصلا ماتبغانى بس ... وتمالكت نفسى ماكملت
بكى كالعاده ! ويقول ريحينى بقبري ..

تم تعديل العنوان ليتناسب مع المضمون

ندمت انى رحت
بحل مشاكلى وازيدها ..!
غير انى مو قادره احس ناحيته باي مشاعر جميله ولا رحمه ..'
لو شخص غيره مريض يمكن حنيت عليه لكن هو لا ..

الورثه اللي طحتي عليها وماوزعتيها لاخوك وجدتك اللي هم ورثه معك وعلا بالك انك متجمله فاخوك لما تسلفينه من حقه!!! فبتتعذبين بها وتحرقك يوم القيامه .. احذري من العقووبه واعطي الناس حقوقهم قبل لاتجيك العقوبه بالدنيا قبل الاخره!! الله المستعاان

__________________
مضى مامضى والله على المقبلات يعين ..! وعسى الله يزينها على القلب لاشانت~

إما أنك جاهلة (جاهلة بالحكم الشرعي) أو أنك تتعمدي تستفزي الأعضاء
ببساطة بأي حق تأخذين ورث جدتك وورث أخوك!!؟
أنتي تاخذين مال مالك أي حق بأخذه، مهما كانت عداوتنا أو كرهنا للآخرين لايجب أن نسطو على حقوقهم.
في أمان الله.

__________________
ياصبحِ لاتِقبل !!
عط الليل من وقتك..

خطوة ممتازة جداً

بارك الله فيكي

ماشاء الله "منطقك" فيه الخير وقابل للتحديث

وهذا شيء جميل

الاشكالية تكمن والله اعلم انه عندك اسئلة ولكن لم تجدي لها اجابات

اختصر الاسئلة هذه كلها بالسؤال التالي :

- ليه بيصير كذا؟

والاجابة المختصرة:

- مالنا شغل، هذا الله وهذه حكمته، انا علي بنفسي لأني راح اتحاسب يوم القيامة لوحدي، ولأنني انسانة ايجابيه ومفعمه بالحياة وبالتالي مااشغل بالي بالكوب اللي انسكب او انكسر وحاطة جهدي وبالي في الاكواب القادمة انها تتعبأ بشكل جيد وجميل وصحيح.

والله الموفق

وموضوغ الدراهم اللي مكنزتها على قلبك لي عودة لها ان شاء الله

بس ياريت تعطينا نبذة عنها؟ وش سالفتها وكيف صارت تحت يدك انتي فقط؟ وهل الوالدة وصّت؟ وهل سألتي اهل الشرع الثقات عن وضعك؟ وهكذا من بعد اذنك

__________________

اعوذ بالله موقف بشع جدا
وتصرفك ومشاعرك غريبه جدا !!
فليكا الشرع والدين عطا حلول
لكل مشاكل الكون وسالفه الارث
معروفه ماعرف ايش تريدي بالضبط؟!

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

صادق والله حسيت كذا انه استفزاز وزياده ردود والدليل تجيب سالفه مبهمه عشان يردو طيب من وين لك الورث وكيف وكيف!! وبعدين وش هالورث اللي مغير يبكي ابوها عندها عشان ترده وتوهم تذكروه 😄 بس يلا نعطيها ع جوها

__________________
مضى مامضى والله على المقبلات يعين ..! وعسى الله يزينها على القلب لاشانت~

احترت ايش اكتب لك هناك كثير من احاديث عن عقوق الوالدين
ويكفي ان اقول انها من اكبر الكبائر استغرب جدا من مشاعرك الجافة
تجاه والدك وثقتك في تصرفك تجاهه 💔
فليكا حسب معرفتي انك معلمه ومتفوقه في دراستك وينك من حديث ثلاث لا ينظر الله عز وجل لوجوههم يوم القيامه من ضمنهم عاق الوالدين !!

وحديث رضا الرب في رضا الوالد وسخط الرب في سخط الوالد ،في احاديث كثييير عن عقوق الوالدين واعتذر لو ازعجتك بردي بس والله وجعت قلبي ومتاكده رد فعلك لوالدك لم تاتي من عدم ولكن والله ما يستحق تضيعي دنيتك واخرتك 💔💔
الله يهدي النفوس ويعيننا على بر باهلينا

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

مايمدينى ارد على كل رد على حده بكتب باختصار
اللى يقول انى اتعمد استفز الاعضاء ! ايش بينى وبينهم !
سبق وقلتها ماحد مجبور يرد < المساله اختياريه ترى ..
و الرد المبهم او موضوع مبهم طبيعي اجل بكتب قصه حياتي كامله !
اشياء واشياء كثييره ما اذكرها < للمعلوميه بس ..
انتم عليكم من المذكور اللى مو مذكور مايهمكم ..
موضوعى دا سبق ذكرته باحد ردودي وجاء الان سياقا مع موضوع ارضاء الوالد < اللى نصحتونى ارضيه
ايش معنى فكرت ارضيه الان ؟! لان فعلا فيه امور بخلصها نهائيا قبل اتزوج
مابقي شيء على زواجي كلها كم يوم بس ..

مرحباً أختي

برافو عليكِ شاطرة

عجبني روحتك لوالدك وزيارته وإعتذارك منه .. والمفروض ما تندمي لأن الإنسان إذا فعل الصح والواجب لا يندم عليك .

عموماً سأعود إن شاء الله مرة أخرى للتعقيب على موضوعك في النواحي الأخرى


بارك الله فيك