حق جدتك واخوك بالورث أهم من مبادئك
واحكام الله نطبقها شئنا ام ابينا
أخوك لا هو سفيه ولا فاقد للأهلية علشان تتصرفي بامواله دون اذنه
حتى لو كان عنده مشكلة بالتفكير المفروض الدليل يتقدم للقاضي وهو الي بيحكم
مستغربة من البعض هنا كيف يحاولوا يبسطوا الامر بحجة انك تعذبتي بحياتك وووو
لدرجة انهم صاروا يدوروا لك على مخرج شرعي علشان تستمري باكل مال اخوك وجدتك
دون وجه حق
وتحسبونه هينآ وهو عند الله عظيم

لو الاخت توصل لهذه القناعة وان هذا الي بيصير فيها اذا ما ردت الاموال لاصحابها
انا متاكدة رح يكون تصرفها غير مع اخوها وجدتها

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

السلام عليكم أختنا الكريمة
عندي تعقيب على مسألة حفظ مال أخيكِ وأعتذر منكِ لأنه ليس صلب الموضوع
لكن أتوقع بأنكِ لا تعلمين بالحكم الشرعي فيه
هل كنتِ تخرجين الزكاة عن مال الورث الخاص بأخيكِ والخاص بكِ وجدتكِ خلال هذه السنوات المنصرمة؟

أنتِ تعتقدين بحفظكِ لمال أخيكِ لديكِ .. لكن في الحقيقة الزكاة تأكل هذا المال لأنه جالس بدون حركة
طبعاً أنا لا أفتي .. لكن ابحثي في موضوع الزكاة
حتى اليتيم على ورثه زكاة لذلك أمر وكيله بتشغيل ماله للحفاظ عليه

بالتوفيق

__________________

مافاتتنى هذى النقطه وافهمها جيدا
ووجهنى فيها مستشار مالي لحفظ راس المال .
شكرا ..

الحمدلله .. العفو
أعتقد بأني أتفهم جزء من شعورك بعدم الرغبة في إعطائهم أي جزء من الورث لأنهم لا يستحقون التمتع بهذا المال
أمي رحمها الله توفت قبل أقل من سنة بعد معاناة تقارب العشر سنوات من شلل كان سببه مضاعفات بعد عملية ورم في الدماغ
وكان لها بعض الذهب المصوغ (كمية بسيطة)
عند البحث عن تقسيم هذا الذهب كنت أخاف أن يكون لأحد من أهلها نصيب فيه لأنهم هداهم الله لا يستحقون منه أي شيء (سامحهم الله)
لكن حسب القسمة الشرعية لم يكن لهم شيء من الورث

الشاهد حتى لو كان لهم نصيب كنا سنعطيهم إياه رغم مرارة هذا على قلبنا
لكن شرع الله أولى بأن يتبع

نحن لسنا في المدينة الفاضلة .. كلنا لنا أخطاء وقلوبنا مليئة بالسواد
لكننا نحاول الإصلاح قدر المستطاع

بالتوفيق أختنا الكريمة.

__________________

اكرر شكرى للجميع و كل الاراء اخذها بالاعتبار

اخوك وخايفه عليه من اخوانه لا ياخذون الي عنده
مع اني اشوف انه مقبل على بيت وحياه ومصاريف مهب مفكر باخوانه لكن وجهه نظرك
لكن جدتك وش العذر بتعطي اخوانك بعد

مدرى من قائل لك انى اكلت ماله !!؟
اكلت ماله لو صرفته لنفسي لو حرمته منه لو مافكرت فيه نهائيا < والله لو سويت كذا مادرى عني
من كنا اطفال وانا الى اجيب له حقه ، الحين صرت باكل حقه !!
مع انه حلال لي انا اللى جاهدت جهاد العالمين عشان استرجع هذا الورث مع انه ضاع منه اللى ضاع
بامكانى اعتبر اللى ضاع هو حق اخوى و جده و اللى وصل لى و اخذته حقي انا .. < اعتقد ماحد يقدر يقول لي لا
وان جده تبغى حقها تروح تدوره و تحاول تاخذه مو تجي لى انا و بتاخذ من اللى استرجعته ..
حتى اخوى كان يقول ناخذه بالاخره ! بامكانى اقول حقك بالاخره ان شاء الله
هذا حقي انا بالدنيا .. لكن ماسويت كذا ..

ليش شغل القطارة؟

يختي فهمينا قصة حصر ارث الوالدة عشان نعرف نوّجه عطينا رؤوس الاقلام

انسانة كانت عايشة وماتت

ماذا كانت تملك؟ (بشكل عام) مثلاً مبالغ في البنك مع كم عقار على مشاركة مع كم شريك وهكذا.

من هم ورثتها؟

من منهم يعرف باملاكها؟

لماذا انتي الوحيدة فقط اللي تعرفي ماذا تملك؟ وكيف تمكنتي من التصرّف (يعني بوكالة او بتزييف او كيف؟)؟

ماهو الأساس الذي قسمّتي عليه الحصص؟

وهكذا

اعطينا موضوع متكامل الله يسعدك عشان نعرف نتكلم مضبوط

واما بخصوص تأثري بالافلام العربيه في حكاية مابعد الموت، فهذي صراحة حدثت لأحد من الجماعة، توفى وعليه ديون ولم يخبر اهله بذلك او لم يكن حريصاً وقت حياته في سداد الديون وكتابتها، فلما توفى بدأ يأتي في منام كذا شخص من اقاربه وتم تفسيرها (مع انها كانت واضحة وماتحتاج الى تفسير) بأنه المسكين بيتبهذل تحت الارض (في قبره) وعياله مو جايبين خبر وعايشين حياتهم بعد ماودعو فلوسهم عليهم ولم يسددوا الديون التي عليه بسبب عدم معرفتهم بها.

__________________

تسالون اسئلة ماجت على بالي انا ..!
بجاوب على اللى اقدر عليه < مع انى قلت بالاول مو موضوعي هذا
امي كانت موظفة وماكنا نشوفها الا بوقت ضيق و كونت لها تجارة وصرنا مانشوفها الا بالليل
كنت وقتها جداا صغيره > ماذكر كم كان عمرى
كنت انزعج من بقانا بالبيت لحالنا وكنت ابكي و مره مدرى ايش جاها < صحوه فجاءه
فاخذتنى معها مرت على كدا محل اغلبها بقالات وتاخذ منهم فلوس ..
عرفت بعدين انها لها و عرفت انها مسويه تجاره < اظن الوالد مايدرى
تطور الوضع وصارت نهائيا ماتجى البيت بالايام واظنها كانت تسافر لامها < بس اتوقع
انها كانت سفرات عمل لها .. قضت حياتها كذا ! صح كان بينها وبين خواتها مشاكل
معها شركاء اكيد اثنين اللى اعرفهم بس ..
هذا اللى كنت اعرفه بعدها ماعدت اشوفها لمده سنواااات ..
ليش انا اللى عرفت ؟ لانى بنتها الكبرى ولانى دورت وراها < لما ماتت وصلنى بس
الذهب حقها < وقت مرضهاارسلته لي مع مبلغ < ماكلمتنى عن شيء ثانى مدرى ايش السبب
وللامانه ماقالت هذا لك ولا شيء اللى وصلته قالت تقول خليه عندك هذا حق امك ..
هل يعتبر ورث او لا ؟ مدرى ، اعتبرته انه لي ..
وعرفت بعدها بوقت ان فيه ورث اكبر .. و ماوصلت لكل شيء حسب ظنى ..
يمكن هى ماكانت تبغى ابوي ياخذ شيء مدرى ..!
ورثتها ؟ انا واخوي كان لنا اخ ثالث وتوفي رحمه الله قبلها < بسببها
كيف تمكنت من التصرف ؟ ربي الهمنى التصرف و ساعدنى شريكها < الله العالم هل هو
صادق او اخذ شيء او ايش مسوي .. سالت عنه كثييييير و الكل يثنى عليه
كانت اصعب مرحله .. وانتقل لي كل شيء او الشيء اللى وصلت له بس
ماهو الاساس اللى قسمت عليه الحصص ؟
ماقسمت حصص ولا شيء و لا علمت و تصرفت من نفسي ..
ماحصلت على كل شيء بوقت واحد لاا ..
جده ماكانت بالصوره نهائيا جت مره وحده بعزا امى و راحت ولا رجعت
ولا سالت عنا والا يومك هذا ماشفتها ولا سمعت حتى صوتها ..

اتمنى ما تسال اسئلة ثانيه لانى تعبت ..
على فكره اخوى يدرى ان عندها محل لانه كان يروح معنا صغار
بس ماسال عنه الان مدرى نسى او ايش ولا سالته عشان لا افتح على نفسي باب

يااااااا الله!!!!!!
اختي الفاضلة ضاعت مني الكلمات
انت تتحملين الان امانة عظيمة،، انا عن نفسي لم استطع ان انام قبل ان أبرئ ذمتي بأن أبين لك الحكم الشرعي
وإن كنت لاتستشيرين الان بهذا الخصوص

اختي
بالنسبة للذهب ، وضعوه عندك بمثابة أمانة وهذا معنى "خليه عندك" ، وحتى لو لم تقلها من اوصلت الذهب، فإن الذهب من املاك الوالدة، وبمجرد موتها يصبح من التركة

وكذلك ما وصلتِ اليه من التركة بواسطة شريك الوالدة او غيره

كله من التركة اختي والامر عظيم جدا فلاتتهاوني

ولا يغير من حكمها كتركة كونك وصلت اليها بصعوبة او بغير صعوبة،
إن أردت أن تأخذي اتعاباً على جهدك في الوصول الى التركة فقد يكون ذلك جائزا وأخبري الورثة بذلك ثم قسمي البقية حسب الشرع باستثناء والدك الذي قد تنازل


ولا يغير من حقيقة هذا الحكم الشرعي انه ربما ضاع جزء من الميراث، لأنكم معنيون بما وصلتم اليه


ولااااايجوز ان تحبسي حصص الورثة وتؤخري تسليمها لهم فإنك تفوتين عليهم الانتفاع بها
فالله الله في المال


اختي الفاضلة
نعم كنتِ مظلومة من والديكِ سابقاً، لكن هذا لايعني أن تصبحي ظالمة

حرمانك من النفقة سيُحاسبون هم عليه

اما أنت فستحاسبين على ماتحت يديكِ من اموال
فاتقي الله فيها