مساء الخير ..
اعتبرها فضفضة لكن مااستغني عن توجيهاتكم و خبراتكم ..
احس انى الان اعيش اصعب فترة بعلاقتى مع زوجي < ماتعودت على الكلمة دي للان ..
احبه و حبه لي وااضح جدا بكلامه باهتمامه .. وان كنت اعتقد احيانا ان تعلقه او حبه
شكلي لا اكثر ، بمعنى تركيزه على الجسد و الملامح < نظرته حاده وصرحت له انى ارتبك من هذه النظره
و يضيع الكلام ان جيت بتكلم وانسى موضوعي ..بلا مبالغة
اول لقاء لى معه كنت عاادي جدا بنظرى عريس لقطة جاه و مركز
بس تغير الوضع الان < ماعرف السبب ..!
يمكن بعد اخر موقف منه وصده عني وتجاهله لي < اثر فينى معقول !!
تغير الوضع زي ماقلت احس كل مره اقابله فيها مدرى ايش فينى
قلت جراءتي كثييييير ، صرت اخجل والله !
ياااما قابلت رجال وتعاملت معهم ولازلت لكن مايصير معي مثل مايصير لى معه !
رجفه ارتباك انسى كلامى .،! < ايش صارلى مدرى ...
والجوال دا حكاايته حكااايه ، احط يدي على قلبي ان مسكه < ودى اقوله تكفى واللى يسلمك بلاش جوالات ..
الشيء الثاني المزعج انى كنت ومن وقت مبكر جدا مستقلة بنفسي ومعتمده على ذاتي
اعتماد كااامل .. فطبيعي فيه ناس و شخصيات بحياتى لها مكانتها وطبيعي عندى
ارقام ناس مختلفين حتى راعي البقالة ^_^ ..
ابراهيم ماهو مستوعب هذا الشيء للان ..< مع انه ذكي جدا
لكن عند هالموضوع يقفل مخه ..!
يبغي يكون سمعى اللى اسمع فيه و يتكلم بلساني و يقرر عني ..! حتى باكلي !!
اطيعه صح لكن احيانا اشعر بالاختناق شي صعب جداا جداا
خاصه يوم يقلب المواقف الى خصام و سين و جيم ..
الى متى اخفي عنه بعض الامور و العلاقات ؟! لانه ماراح يعديها على خير
ومازلت لا انسى موقف الصد منه ..< يمكن صار درس لي
ان طلعت معه مشوار وشفت رجل في طريق ، امشى بالطريق الثانى < الله يرحم يوم كنت
اقول اخوي هذا مكانى بطابور الكاشير ..
اخر موقف : محادثه مع شخص محترم جدا جدا و بخصوص عمل
ومتطوع وبلا مقابل قدم لى خدمة انسانية ، شافها ابراهيم .. < قلت له واللي يسلمه بلاش جوالات
و ثاار كالعاده و اتصل فيه و كلمه ثم سكت ..
زعلت انا و طلبت يرحعنى البيت < صرت اتعجب من صمتى !!
حاول يلطف الجو و لكن مارديت .. رجع قال باخذ جوالك و نغير لك الرقم ..
مارديت مدرى ايش جانى !
لما وصلنا البيت وبنزل قلت ابراهيم عطنى جوالي .. قال بغير الرقم وبجيب لك غيره
قلت ابغى جوالي . سكت مارد .. < يعنى مو معطينى اياه
قلت مو نارله الا جوالي معي .. قال حلو اجل نروح بيتى .. عادى فاضي انا ماعندي شي
لاول مره حسيت انى بصيح "ببكييي " ...

تم تعديل العنوان ليتناسب مع المضمون

عندي نصيحة واحدة لا اكثر و ناوية اطبقها على نفسي لما يظهر سي سيد

خذي دورة للمقبلين على الزواج انتي و اياه
افهميه و هو يفهمك حتى تقللوا حدة صدام الشخصيات اللي بينكم
كان في السابق عريس لقطة لكنه الان مشروع العمر و دخلتي في العملي بعدما كان نظري
شئ طبيعي اللخبطة و الرجفة لانه اكثر من مجرد عريس او "رجل لقطة"

موفقة

ماظن استفيد من الدورات ..
و هو مستحيل يدخل دوره .
ممكن كلامك صح انه صار اكثر من مجرد عريس لقطة ..
عباره عميقة ..

لو حسيتي إن ودك تبكي أبكي لاتكتمي في نفسك
طبيعي اللي بتمري فيه، هذي فترة انتقالية
وبحسب ما أشوف من البنات
هذي الفترة البنت تصير نفسية وهي بنفسها مو فاهمة نفسها، شي طبيعي جدا
لا تدققي على نفسك وتركزي كثير وتقولي : انا ليش صرت كذا / أيش صار لي !!!
هذي أسئلة تحسسك انك انسانة مو طبيعية وتعززك فيكِ الشعور اللي ماتحبيه.

وبالعكس شي حلو إنك صرتي هادئة وماتجادلي
وتسمعي كلامه، لكن لاتنسي نفسك و لاتنسي
إنتِ أيش تبي، عبري عن رفضك بأسلوب.
معليش سالفة تغيير رقمك بدون موافقتك، تحتاج وقفة !
شكله حاب يعمل أبديت كامل على حياتك، عادي
مافي مشكلة وخليكِ مرنة معاه و استغلي الفرصة وإنتِ كمان غيريه بدون مايحس، لكن مثل ماقلت لا تنسي نفسك و انتبهي تذوب شخصيتك تماما فيه.

فليكا كل مااشوف معرفك اتذكر لما تقولي مشروع دراستك القادم تعدد الزوجات ي ترى لسه ع رايگ وعادي يعدد زوجك اكيد لا فاللي بوصلو لك انك تحسي بالناس وان كل حرمه تحب زوجها وماتبيه يعدد عليها وكمان ان افكارك وتصرفاتك تتغير اذا تزوجتي مو شرط تكوني زي زمان تكلمي هذا وذاك لو لغرض حاجه لان عندك زوج تتنازلي عشانه .. فعادي قولي الله يرحم ايام زمان وابدي ايام جديده وحسني شخصيتك مو شرط شخصيتك اللي زمان هي الصح بالعكس ممكن تكون غلط والان يعيد تأهليك الرجال ويعلمك الشيء الصح .. موفقه

__________________
مضى مامضى والله على المقبلات يعين ..! وعسى الله يزينها على القلب لاشانت~

يازينك يا فليكا واللي يصير لك شيء عادي جدا
واكيد الوحدة بعد الزواج تتغير
بالنسبة شي جميل ان عنادك قل
لكن لا تشوفينه انكسار 😎فالقوة مش في العناد و فرض الراي
دمت بخير

صعب علي ابكي ..
طبعا ماخليته يغير رقمي لانه معتمد بكل جهة حكوميه و باعمالي بعد ..
هذا اللى خائفة منه ان شخصيتى تذوووب فيه ..

مرحبا أختي فليكا

انا والله احيانا احس شي بحياتك مني او من اللي عشتيه

عشت الاستقلالية والاعتماد على النفس وكنت حابه هالشي وايضا بعد الزواج ارتحت لاني كنت ابي ارتاح او ابدخل في هالحياة

سكوتك غريب ، ارجح لانك تحبيه وآخر موقف اثر فيك وصرتي تكرهي يبعد عنك ويجافيك مثل أول

لكن لو بغينا نجي للصدق هو معه حق يغار عليك نظرته مختلفة عنك

برأيي غيري الرقم وهذا افضل لك اللي كنتي تستعيني فيهم ما عليه لا تتواصلي معهم الحياة الزوجية مختلفة وهو راح يساعدك بما أنه يحبك ومهتم فيك ..

بداية الحب من الشكل الخارجي ما عليه لكن من يتعرف على شخصيتك الحلوة راح يحبك اكثر ..

سؤالي ليش تخليه يمسك جوالك ؟؟

احيانا في سوالف خاصة بينك وبين صديقاتك او اخواتك ليش هو يطلع على جوالك ويمسكه ، يعني يحسسك انه مو واثق ولا كيف ؟ او يبي يشوف اذا مازالت صورة المشهور على جوالك ؟؟

لا تسكتي نصيحة على هالشي ؟
انت تقدري تمسكي جواله وتفتحي فيه اللي تبي ؟؟

اذا لا
اذن وحده بوحدة مثل ما يقولوا

هالفترة طبيعي فيها التوتر انت بتغادري العزوبية إلى حياة افضل باذن الله

__________________
يا رب خاتمة حســنة ، وزلفى ، وحسن مآب ..

تعلقتي فيه ؟؟؟

اذا ايه هالتصرفات بسبب التعلق خخخ

__________________
يا رب خاتمة حســنة ، وزلفى ، وحسن مآب ..

اهلا
تصارحتي معاه يا فليكا؟

قولي لي بإسلوبك المناسب
انك حاسة انه يسيطر (او شوفي كلمة اخف) على تصرفاتك بشكل يشعرك بالقلق. تكلمي معاه عن صدوده في الموقف الاخير. و اتفقا على منهج يناسبكما اذا حصل زعل. انك تفضلين المصارحة و ان ذلك الأسلوب جرحك. يعني فضفضوا لبعض..
واكيد هو راح يقول بعض ما يزعجه. تقبلي بعضه و تفهمي الاخر و بيني وجهة نظرك و برري فيما ترين انه يبالغ.
اللي اعرفه انه من طبقة رفيعة. و عادة يكونو فري. ؟؟
هل هو متشدد. هل يسمح لنفسه بامور و لا يسمحها لك؟
لا تغضبيه في النقاش ليعاند. لمن حسسيه بالذنب 😅عشان يخف عليك

__________________