السلام عليكم ورحمة الله وبركاته
أتمنى أن الجميع يكون بصحة وعافية والله يعيننا ويعينكم على اغتنام هذه الأيام الفضيلة.
أطرح موضوعي وأنا راغبة بالإستفادة من خبراتكم الطيبة بارك الله فيكم.
قبل أيام من زعل زوجي كان معاي العذر الشرعي وخلال ما كنت معذورة كنت أريحه بطريقة أخرى_بالحلال أكيد_ اليوم اللي طهرت فيه كانت أختي مكلمتني بتجيب عيالها عندي بعد العصر لإنها رايحة المشفى_للمعلومية ثلاث أطفال صغار لأختي مع ثلاث أطفالي صغار يعني ما يتركون وحدهم_ يومها زوجي جاي من العمل مهدود حيله تغدينا ودخل ينام من الإرهاق دخلت الغرفة وهو يا الله يفتح عيونه فطلب العلاقة فوضحت له إنهم الحين جايين بالأطفال وأنا أساسا بلغته من قبل الغداء قالي إنت تتهربين!! قلت ما أتهرب وحاولت أبين له إني مشتاقة له بس الحين بيطبون علينا ما راح نأخذ راحتنا ولما شفته زعل طاوعته وبس بدأنا بالمقدمات دق الجرس فاضطريت أقوم وشفته لبس ونام فحسبته خلاص تفهم وقدر الوضع جلست مع الأطفال يمكن حدود ربع ساعة وبعدها قمت أغتسلت أتفاجأ بعد ما أطلع إنه زعلان يقول دقيت عليك الباب قلتله والله ما سمعتك وش قلت وضحت له مبرري إني لما شفته لبس ونام إنه نام صدق وهو أبدا مو مقتنع جيت أراضيه بعد ما طلعوا وأحضنه يدفعني بزعل ويقول شكرا ماأبغى وطبعا حتى يبين مدى زعله قطع سلك النت عن البيت 🙂 طيب ياعيني زعلان مقدرة والله بس النت وش ذنبه المسكين!! الله يصلحه بس، وبالليل شال مخدته ولحافه ونام مع عياله هههههههه مكيف العيال خربان من أسبوعين والجو حاااار بالغرفة وكم مره نطلبه يصلحه ويقول طيب الشيء اللي استفدته من نومته عندهم إنه صلح مكيفهم اليوم الثاني 😅 وللحين معتصم بنومته مع عياله له ثلاث أيام طبعا ما كلمته فيهم حتى يهدأ... وشلون أراضيه بطريقة صحيحة وجزاكم الله خير.

يحدث غالبا اختي
انا لما ما ينامون الاطفال يزعل وش ذنبي انيمهم غصبا عنهم اغمض لهم عيونهم ههه
لم تذنبي لذلك خليه اما ككيف يجي يصالحك البسي شي يحبه وتزيني وضعي عطره المفظل وسياتي ان ما كان اليوم فغدا
الله يصلح ما بينكم

هههههههههههههههه تسلمي وفا شكل زوجك جنوبي شرقي مثل المحروس اللي عندي يا يسير اللي في رأسه يا يزعل بغض النظر عن الظروف مواتية أو لا ولو زعل لازم يخرب المصلحة العامة وش ما كانت😕
للأسف ذي الطريقه ما تلين رأسه عنده مكابرة عجيبة لا إله إلا الله

حليها بالمرح لو تعرفي إنه يتقبل
إتزيني وخوذي مخدته لغرفتك ولما يدخل ياخذها سكري الباب وتمسكي فيه قولي وقعت بالفخ وسامحني حقك علي ومن هالكلام
الله يهديكم

دامه اخذ مخدته ونام بغرفه العيال الحقيه ونامي معاهم هههههههه

اكره الزوج اللي كذا ومايقدر ويحسسك انتي الغلطانه وانك انتي ماتبينه
كانه اعمى مايشوف الوضع قدامه
ذي اسميها حركات اطفال
الله يكون بعووونا احنا الحريم ع هالرجال

داويه بالتي كانت هي الداء

غرناطة شكرا لك فكرتك جميلة بدخرها لوقت الحاجة😉
وحشني جنونك شكرا لك ما حبيت أسوي شوشرة وألفت انتباه الأولاد خفت يكون ردة فعله عكسية.
تحملتك كفاية شكرا لك
تركته زعلان ثلاث أيام وبعدها رحت له و بررت له موقفي والمفروض أنه يتفهم موقفي بدون ما يصعد الأمور ويزعل بشدة بعد ما رضي يقولي صحيح راضيتيني عشان النت يرجع وتبغي السوق عشان تقضي للعيد!!! قلت لا حبيبي ليه تفكر كذا زعلك هو كبير عندي ما كان يحتاج أساسا تعبر عنه بفصل نت أو شيء عشان تبين إنك زعلان لأن قدرك كبير عندي وزعلك يهمني النت مفعلته بجوالي والسوق ما احتاجه الحين للعيد بحتاجه قرب موعد الدوام حبيت أوضح له أن زعلك له أهمية عندي وما راضيتك عشان مصلحة ، قالي طيب وش شعورك وأنا نائم عند الأولاد فحاولت قد ما أقدر ما أبين تضايقي من ذا الحركة وقلتله أنا حبيت أتركك تأخذ وقتك وتهدأ لأني جيتك في أول زعلك وشفت كيف ردة فعلك على أعتذاري لو جيتك و كلمتك وقتها أكيد بتغلط وأنا ممكن أغلط بالحكي والشيطان بيشعللها بيننا لكن الحين لما جيتك أكلمك بعد ماهديت تقبلت كلامي، وجلست أهايط عليه وأكبر رأسه بالكلام الحلو لين أستحى من موقفه اللي سواه😉، وراح سيدا صلح النت وعادي ما بينت إنه كان هامني موضوع النت مع إني كنت متشفقه عليه عشان وقت تقديم وظائف وكمان دورة كنت ملتحقة فيها أون لاين والحمدلله أولا وآخرا جزاكم الله خير.

الحمدلله اختي

الله يصلح مابينكم ويآلف مابين قلوبكم