لا تحرجي نفسك اكثر ...
هذا الموضوع سيتطور جدا ان لم يتنازل احد الشريكين ، خصوصا في يوم عظيم و مناسبة كبيرة كمثل هذا اليوم .!
استخيري الله عز و جل ، ثم توجهي الى بيتك ، فهو في النهاية دارك و مملكتك و ليس لاحد حق طردك منها !
وضعك ان لم تعجلي في تصحيحيه ، ستكون ضربيته غالية جدااااا ...
توجهي باختيارك الى اقل الضررين .

__________________
أشهد أن لا إله إلا الله و أشهد أن محمدا رسول الله صلى الله عليه و سلم

ركزي برد لوفتي زين
وانتبهي اختي
زوجك واضح عنييييييد
وانتي تاركه بيتك بدون سبب
وكل ماطال الوقت تعقدت الامور
انا ثالث مره اكتب لك ارجعي
والامر بيدك.. الله يستر عليك

زي ماقالو الاخوان والاخوات
اررررجعي غلط تخلين زوجك لحاله بسبب عنادك
الحياة الزوجيه مافيها بعانده واعاندك كذا ماراح تستمر الحياة والخاسر الأكبر المرأة موب الرجل
الرجل قادر يتزوج مثنى وثلاث ورُباع وبدل الوحده الف
المراة مالها الا رجل واحد فقط حافظي على زوجك وبيتك نصيحه لوجه الله من اخت لاختها
صدقيني كذا بتزيد المشاكل وتتعبين نفسيا وانتي تلاحقينه وماراح يتدمر نفسياً وجسدياً الا انتي ووقتها زوجك واهلك ماراح ينفعونك بشي
ومافيها شي اذا تنازلتي الرجل بطبيعته مايتنازل لانه رجل عنده كبرياء المراه عادي بالعكس انا ما اشوف انه غلط لو تنازلت شوي في الامور التافهه .. موب في امور لك حق فيها هنا أًقُوَلُ لكَ لا طبعا لا تتنازلين خذي حقوقك بهدوء وبتصرف صح
انتي الحين اسالي نفسك مرتاحه وانتي عند اهلك ولا حارقه نفسك واعصابك ومشتقه وتراقبينه وتلقينه هو مافكر فيك اصلا وعايش حياته
والله مافي احلى من بيت الزوجه حريه ومسكره عليك بابك محد يدري عنك ولا عن مشاكلك ومريحه راسك فكري بنفسك انتي وجنينك وبنتك وزوجك دلعيه وعطيه حقوقه وتدلعي عليه وتفاهمي معه بهدوء وصارحيه باللي يضايقك منه مافيها شي لان لو ماصارحتيه ماراح يفهمك ولا يحس وش فيك بالضبط او وش منه مضايقك موب عارف وش بقلبك الا بالمصارحة والكلااام

انا اقول ارجعي افضل وانتي براحتك
انا لو مكانك ارجع واتفاهم معه واعلمه بكل مافي قَلبـــي وبس ماراح اخلي زوجي

الله يوفقك وييسر امرك ويسهل عليك الولادة وتحضنين جنينك في حضنك بصحه وعافيه انتي وابوه يارب العالمين ويصلح مابينكم يارب ويسخركم لبعض

ارجعي بيتج وبلاش عناد

__________________

حاجة الناس إليكم من نعم الله عليكم ، فـ لا تملوا النِعم ☁✨

ردا على كلام اختك انه ما عندك كرامة
اناايضا بامكاني اقول انت ما عندك كرامة مكلفه على امك ماديا ونفسيا ومشاوير بالتاكسي عشان بنت ابوها مو سائل عنها !!

لا كلامي صحيح ولا كلام اختك صحيح ،، ابحثي عن الاصلح لحياتك فقط واللي يناسب نمط زوجك
فيه ازواج لما يحطون الوحدة في بيت اهلها ما يبغون ترجع الا لو هو دق،، ممكن يوم وممكن شهر حسب مزاجه ولو دقت طلبت الرجوع يعاند ،،
زوجك العكس وترا افضل فانت بيدك الرجعة مو بيد زوجك اللي ما تدرين متى يروق ،، وتلاقي اللي تنتظر زوجها يرجعها تتمنى تكون مثل موقفك مكالمة وترجع بينها ولا تجلس كذا معلقه وناقصهم اغراض ،، شوفي الجانب الايجابي دائما

اما على الكلام اللي يقوله زوجك بعد رجعتك ،، عادي اختي طنشي ولا كأنك سمعتي شيء ،، طالما قائم بحقوقه اعتبريه يكلم احد ثاني مو انت 😁

طمنينا عنك
هل عايدك زوجك او عايدتيه؟

اشوف دايما مشاكلك تافهه لكن النتيجه اخر شي بتطيحي سقف بيتك ع راسك

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

رجعي بيتك وتصالحي مع زوجك بعدها رتبي شقتك وعيدي ع بيت عمك
ولمي ملابسك واغراضك عشان تقضي 40 كامله عند اهلك
حتى تهتمي بنفسك وصحتك وجسمك
وخليك من مشاكل اللي مو في وقتها

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

اختي شو صار معك ؟

__________________
يا رب خاتمة حســنة ، وزلفى ، وحسن مآب ..

صباح الخير ..

كل عام وانتوا بخير يارب ..

اسفه عالتأخير بس ماقدرت افتح و ارد الا الحين ..

تعرفون انتوا ليلة العيد تتحرك العواطف وكذا .. وانا ابي اخلص شغلي و ماحبيت ابدأ بمقدمات واعتذار وعتاب و والخ .. قلت بدخل بموضوع لما رحت للمستشفى وانا عند اهلي وجلست اقول له عن كلام الدكتوره و اطمنه عالجنين و إني دخلت التاسع قال مو لسا بدري قلت لا وبعدها جلسنا نتكلم و صباح العيد عايدته وهو كان يرد يعني كأن مافي شي نهائي والظهر ارسل لي تجهزي شوي اجيك قلت طيب وتجهزت ورجعت ولما وصلنا هو نزل عند اهله وانا طلعت فوق ولقيت الغرفه دمار حوسه جلست ارتب وكذا لحد ما جا وجلس يلاعب بنته وانا اوريه حركاتها الجديده وكذا لحد مامضت ساعه نامت البنت وبعدها سئلني اخبارك قلت الحمدلله بس انت كيف متحمل المصاريف قال ليه قلت انا اسبوعين طلعت روحي قال ليه قلت جبت لها كذا وكذا وكذا ولما تعبت جبت كذا والخ قال طيب ليه ماكلمتيني ؟ جا ببالي ان ممكن حليبها يخلص بس ماتوقعت وقلت لما يخلص اكيد تكلمني .. قلت مابي اكلمك وخفت ترفض قال اجل تستاهلين بعدين كيف ارفض بشي ينقصكم ؟ وسئلته انت قلت شي لهلك قال قلت لهم انك تعبانه وجالسه عند اهلك لما تتعافين ، قلت ماقلتلهم شي ثاني قال لا مثل ايش << طلع ع نيته وتاركني عشان ارتاح ويقول ماكلمتك لان ذبحتيني بس تعبانه ولو كلمتك اجيبك ع طول ومابغيت اجيبك لما تتعافين .. المهم الشي الحلو بالموضوع يقول بغيت انقل الغرفه للثانيه ( اكثر موضوع نشف حلقي بيني وبينه ابيه ينقلها لغرفه اكبر وهو يأجل والحمدلله الحين بدأ يساعدني و يسوي اللي ابيه وبدينا نجهز ونخلص امورنا ..

انا اعترف ان مرات تلعب فيني الهرمونات ومرات اتصرف غلط ومرات يكون الحق معي وفجأه يكون علي .. بس الحمدلله البعد هالمره فادنا كثيررررر كل واحد راجع نفسه ع تصرفاته وهو بدا يشوف مطالبي القديمه بتعديل البيت وقرر ينفذها الحمدلله ،،،

اشكركم من قلبي على وقفتكم معي وعلى نصايحكم النابعه من قلب وحتى لو بعضها كان قاسي لكن كلها لمصلحتي كانت ، الله يجزاكم خير ويسعدكم ولا يحرمني منكم 🌹🌹🌹

__________________
تم تغيير النك .. < ريتاج2016 سابقا