ام روان

اهنئك على تغييرك. واعتقد سويتي الي عليك.

كأني لاحظت من كلامك انك مقصره نوعا ما بالجماع. حاولي تغيرين شوي بهالنقطه اذا تحسين انك مقصره.

اذا مانفع، حاولي تستعطفينه

الحمدلله وكويس لاحظتوا تغيري
بطلت احرق اعصابي زي زمان
جايني برود تجاه انفعالاته

زوجي غاب عن عمله اليوم
احسه تعبان من خلافنا
طلب العلاقه وبعدها رجع طبيعي
صار يتودد ويسولف
هالكلام خلال ساعه
انا ساكته ومحتاره
مدري اعاتبه والا امشيها وخلاص

تغيرتي نعم ولكن ما زال بعض الملاحظات

1. نعم الزوج الغير مشبع يصير نكدي لذا الاسلام امر المراة بعدم رفض الزوج اذا طلبها لان الرفض يسبب مشاكل مالها داعي

2. اذا كان الكلام من فضة فالسكوت من ذهب ،، في فترة التغيير هذه يحتاج زوجك وقت طووويل حتى يتعود على ام روان الجديدة ،، وانت لازم يكون تغيرك ملحوظ تماما وفي كل الظروف ،، كثير من مسجاتك وكلمات كانت فقط للتعبير عن مشاعرك او الرد بالمثل ولكن فعليا ما استفدتي شيء منه ،، قبل ما ترسلين اي كلمة وقبل ما تقولين اي شيء ،، فكري في ردة فعل زوجك ،، بيزعل ويثور والا بتاخذين اللي تبين ،،
3. مثلا لما اعتذر منك وردتي بردك معليش بيقول في نفسه هذه نهاية اللي يعتذر منها ،، هو اساسا مو متعود يعتذر وانت يحتاج تدربيه ،، فلما اعتذر كان المفروض تشكرينه وبكلمة لطيفة تقولين لو جت ابدر من كذا كانت الذ بس تظل حلوة منك
4. لما طيح العطر وارسلتي المسج ،، رسالتك معناها انا ما نسيت اخطاءك وجالسة انتقم ،، مع انه توكم طلعتوا من مشكلة ،، هو كبير وعاقل واكيد جاءفي باله هذا الشيء ،، رسالة صراحة مستفزة جداااا ولا الوم زوجك على انفعاله
5. بصراحة كلمة (كل واحد ينام بمكان افضل) وكلامك خلاص لا تنام (بغرفتي) وسوالك ايش تبغى لما دخل عليك الغرفة مرة كبير مهما كانت المشاكل ومهما فعل المفروض ما تقولين هذا الشيء ،، اذا انت تشتكي من عدم الاحترام منه فانت برضو غير محترمة معه ،، العقاب على افعاله ما تجيء بتقليل الاحترام له ،، وتوقعي زوجك راح يتذكر هذه فترة طويلة
6. كطبع في الرجال ،، كثير منهم ما يعتذرون صراحة ،، يعتذرون بالافعال بوسه وايس كريم وحلاوى ،، وكلها لطيفة وجميلة واعتذار فعلي ،، تقبلي طبعه كرجل وتقبلي اعتذاره وافرحي فيه وكافئه عليه حتى يصير عنده ارتباط لما اعتذر القى شيء جميل من زوجتي
7. سبة لك وتجريحك ،، اولا بيكون فيه فرق اذا هو كذا مع الناس كلهم او فقط معك ،، اذا هو طبع فمعناها مو لشخصك انت ،، هذا طبع فيه فمو لازم تددقيين على كل كلمة ،، ولازم تبحثين جديا عن طريقة تقليل من هذه الكلمات منه مو عشانك وعشانه فقط عشان اطفالكم ،، اشرحي له كيف انت مهتمة باطفالكم وما تبغي يتعلموا منكم هذه الاساليب في الحوارات ولازم نضغط على نفسنا ( اذكريها بصيغة الجمع مو انت ) ولازم تشرحون للاطفال بشكل عملي ،، مثلا يعتذر منك باسلوبه امامهم وانت تشرحين لهم انه هذا اعتذار لانه سوا هذا الغلط ،، المهم انه لما يشتمك خلي هدفك اصلاحه مو الرد واخذ بثأرك ،، وعموما نسبه كبيرة من الرجال كذا للاسف ولا ننكر هذا ،، فمو انت الوحيدة اللي كذا ،،

مشيها حبيبتي

طلبه للعلاقة اكبر اعتذار

لازم تحسين من داخل نفسج ان حاجته عندج عشان جذي مِو قادر يخليج

وتبين الصج تغيرج كبير وقوي وملحوظ بس جان زين تفكرين قبل ما ترسلين اي رسالة

__________________
لا اله الا انت سبحانك اني كنت من الظالمين

كيف تغيرتي وانتي اول ماقالتلك اخته روحي زني على راسه قمتي نطيتي وافتعلتي مشكلة من لاشيئ ..
خلاص دام قالك لا يعني لا وانتي ادرى بزوجك..
يعني بشو فادتك المناسبه الحين..
زوجك من النوع اللي ياخذ الموقف ند بند..يعني بتكونين زينه بكون زينه معاك.
بطولين لسانك بطول لساني.
نصيحتي لك تحتوين زوجك ولا تخلين المحيطين فيك ياثرون عليكم.
اخت زوجك بشو فادتك الحين هي ومناسبتها..

اخطأه واخطئك

أخته قالت لك زني عليه ، وانت قلت أبشري ةرغم انك أدرى بزوجك

ثانيا لحقتيه وقالك خلاص اسفين يعني هو يحس بس مايبي ينبهك بهالشي عشان ماتكبر براسك على طول دفيتي الباب بقوة وهالحركة مستفزة قام ولحقك

انا اشوف زوجك يتضايق من الاصوات العالية ومن كثر الزن وكثرة الكلام ما ابرر له لكن هذا اللي لمسته ،
لما طيح العطر عاتبتيه كان ممكن تمري الموضوع بدون عتب وبدوةن ماتقولي الافضل ننام كل واحد بمكان ليشششششششششش يا اختي

الحب من غرفة النوم ولو افترقتوا مات كل شي

عذرا اشبعي زوجك من هالناحية ، ولا تعطيه مبرر ينام خارج الغرفة ، ولا تعطيه ظهرك
زوجك بيتغير للأحسن واستعيني على ذلك بالله وبالصبر وكثرة الاعمال الصالحة

الله يسعد قلبك ويعينك

__________________
يا رب خاتمة حســنة ، وزلفى ، وحسن مآب ..

كلام سليم

ماشاء الله تبارك الله، واضح أنه فيه تقدم على صعيد الحياة الزوجية، وأنه الجميع مهتم وحريص على استقرار العائلة
مسألة زني عليه، خطأ أنك قبلتيها، لأنه رفض انتهى الأمر خصوصاً أن شخصية زوجك لايوافق بعد أن يرفض غالباً، وخصوصاً أنه عنده موقف من أخته، وكان الأولى أن تقولي لها اعتذر، وهي تروح وتتصل على زوجك تقوله بطريقة ماتدري انكم منسقين مع بعض، لعلك تقنع أم روان تجي لنا، قلت لها واعتذرت، وصراحة ماتوقعت انها بتعتذر، وهناك تكوني حققتي أنك رحتي، وبنفس الوقت، وصل لزوجك أنك سمعتي كلامه وعطيتيه جوه.
طلبه للعلاقة الزوجية معاك هذا يدل على أنك مثيرة له، وهذا شيء مهم جداً، وأنتي أيضاً محتاجة هذا الجانب كثير، لذلك استمتعي وانبسطي.
قدرك أن تكوني زوجة لهذا الرجل، الذي فيه سلبيات، مثل أي زوج بالدنيا، ومثلك انتي ومثلي، وكل واحد فيه عيب شنيع وغير مقبول، صدقيني لايوجد أحد راضي تماماً.

فيه نقطة مهمة، وهي اكتشفتها من خلال تجاربي، طريقة الطلب أو نبرة الصوت أو رد الفعل، كثير منا لايشعر بطريقة حدة ردوده، اللي بالتالي يفهمها الطرف الأخر على أنها قلة احترام أو تمرد أو تجاوز، عل ىسبيل المثال عندي أخت عمرها 21 سنة، حادة في رد فعلها وأجوبتها وتبريرها لنفسها، طبعاً ردودها منرفزة، ولكنها هي لاتشعر أنها تعاملت بحدة، إنما فقط جاوبت وصححت الصورة ودافعت عن موقفها، الكثير منا ينفعل ويزيد النار لأنه لم يفهم أن هذا طبعٌ فيها، وكنت أنا واحد من هؤلاء وربما لازال هناك بقية باقية، ولكن أحاول وأسعى أن يكون تجاوبي وانفعالي حتى لو كان فيه اتهام هادئاً ومعقولاً، واكتشفت أن هذه الطريقة تحقق مكاسب ونتائج إيجابية، حقيقة من المهم أن نكتشف ذلك وأن نعيد طريقة تجاوبنا وردود أفعالنا.

__________________
ياصبحِ لاتِقبل !!
عط الليل من وقتك..

اختي روان ..
أنا من فترة طويلة ماشاركت لكن في موضوعك حبيت اقولك رأيي لإني متابعة اغلب مواضيعك ونوعا ما
عرفت شخصية زوجك من كلامك عنة وشخصيتك انت كذلك ..
وسبق في احد مواضيعك بينت لك هو ايش يحتاج ونوعية احتياجة ..
لكن الآن اقولك من اللي لاحظتة ان زوجك حساااس جداً .. ليس للمواقف فقط وانما للمقاصد ايضاً ..
يعي ذكي من هالناحية ويفهم مقصدك من لغة الجسد ونبرة الصوت والاسلوب وكذا ..
حتى لو كلامك منمق وسليم ومافية اي عيب .!
يعني ممكن تجين تقولين له أنا مااهنتك انا ماسبيتك لكن انت قلت وقلت ..
صح ممكن مااهنتية كلامياً .. لكن اهنتية برفع صوتك بحركاتك بإيماءات وجهك ووو
احياناً العين تتكلم ابلغ بكثير من الكلام فهو يفهم هاللغة تماماً .. ويمكن تقولين انا ماقلت شي
وش علية من اللي في قلبي .. صح
لكن انتِ قلتي كثير من خلال لغة جسدك وفضحتي اللي في قلبك .. فهمتي علي !
يمكن انتي يهمك كثير العبارات ولا تلتفتين للغة الجسد ولاتعني لك شي ويمكن ماتفهمينها اطلاقاً ..
ويكفيك ان اللي قدامك يقولك كلام لطيف بغض النظر عن مقصدة او رأيه فيك ..
لكن هو عكسك تماماً يهمه رأيك فيه وانك ماتحتقرينة داخلياً حتى لو كلامك ينقط عسل ..!
الله يوفقك ويسعدك على قد ماأنتي مهتمة بإنجاح هالعلاقة ..

__________________
زاهدً فيما سيأتي .... ناسياً ماقد مضى ..!