السلام عليكم ورحمة الله وبركاته
أستكمالا لموضوعي السابق (اعترف غلطت وطحت بحيره كبيره) وم استجد من تطورات واحداث

http://www.66n.com/forums/showthread.php?t=272847

وراح اكتب بالعامي اللي حصل رجعنا نسولف ع الخفيف وبيوم تكلمنا انه م تنفع علاقتنا كذا وانه عندي نيه اتقدم لك لكن ابي امهد لأهلي وسألتها كيف اهلك اكيد بيرفضون لأن سبق وخطبتك قالت بوقف بوجه الكل عشان اخذك انتهى حوارنا واليوم الثاني حصل مشاده بسيطه واثنينا زعل واعطيتها بلوك ع الواتس اتصلت اكثر من مره م رديت عليها وارسلت رساله عتاب ولا ترسل خلاص واللي بيننا انتهى اليوم الثاني حاولت اتصلت طلعت مبلكه كل شي حتى الاتصال، طلعت رقم ثاني وكلمتها واتس من عرفت انه انا م عطتني فرصه عطتني بلوك حزنت كثييير قلت يالله فتره وترجع انتظرت تقريبا 10 ايام لا ارسلت ولا حاجة طلعت رقم ثاني كلمتها واتس ونفس الحكايه من عرفت انه انا عطتني بلوك مو مصدق كل هذا عشان عطيتها بلوك اتصلت عليها وجلست اتكلم 10 دقايق اوضح لها ليه عطيتها بلوك وكذا وان الله يوفقها ويسعدها م توقعت نهايتنا كذا وهي م تكلمت او نطقت حرف قفلت من عندها واحس براحه اني فضفضت وقلت اللي بخاطري جلست كم يوم لا ارسلت ولا ارسلت لها كلمت الوالده اني برجع اخطبها وهذا قراري النهائي امي انبسطت ووافقت وم عندها اي مشكله اني ارجع اخطبها لانها تبي تزوجني وبس تبي تشوفني عريس وبيتي ومستقل فرحت كثيير وجلست اتخيل كيف فرحتها لما اهلي يكلمونها انو بنرجع نخطب بنتكم وجلست ابني احلام كثيره وتخيلات ومن قوة الفرحه م قدرت امسك نفسي لما اهلي يخطبونها رسمي قلت بكلمها واقولها واكيد بتنبسط المهم طلعت رقم وركبته ع الواتس وكلمتها وحلفتها بالله انها كم دقيقه نسولف ولاراح نسولف بعدها و وافقت نتكلم سألتها ليه تسوي كذا قالت عشان م ابي اكرهك وانت صدمتني البارح نتكلم انك تتقدم لي واليوم الثاني تعطيني بلوك قلت لها ليه عطيتها بلوك والبلوك بس كان ع الواتس وتكلمنا كذا دقيقه ع الواتس، وقتها ببالي متحمس جدا بقولها تتزوجيني تقبلين في ع سنه الله ورسوله نكمل مع بعض بالحلال، وقلتها تتزوجيني؟
جلست دقيقه م ردت وجات الصدمه ع قولتهم جاوبت لا م ابغى اتزوجك الله يوفقك مع وحده ثانيه
انا م استوعبت والحماس راح وقلبي يدق بسرعه قلت اكيد تتغلى مو معقول بترفض اللي تحبه قلت لا تعطيني جواب الحين اهلي بيكلمون اهلك ووقتها فكري قالت م ابي افكر ولا تخلي اهلك يكلمون اهلي لاني رافضه ويشهد الله حاولت معها اكثر من مره لكن البنت راسها عنيد ورفضتني وقبل م ننهي الحوار قالت انتهى الوقت وعطتني بلوك،
وقتها م قدرت امشي مو مصدق ابدا، مو معقول ترفض عشانها زعلانه بسبب بلوك لو خنتها وجيتها بالحلال بتوافق اذا تحبني كيف ترفض وانا اللي حبيتها وداريتها واهتميت فيها وسويت لها كل اللي تبي رجعت البيت مو مصدق واقول ببالي اكيد تبي ترسل او تتصل ذاك اليوم الجوال م فارق يدي كنت متأكد انها راح ترسل او تتصل وتقول بحرق دمك لكن لا حس ولا خبر والان اكتب لكم بعد اسبوع ع السالفه وحذفت كل شي يتعلق فيها والحمدالله على كل حال والحمدالله أولا وأخيرا لعل في الأمر خير، م قصرت معها صح غلطت لكن جيتها مع الباب جيت نكمل علاقتنا بالحلال لكن رفضت، الله يستر عليها ويستر علي ويوفقها ويوفقني،
وامي كلمتني قبل كم يوم انه بنروح نخطبها لك رفضت وقلت موضوع الزواج لا احد يكلمني فيه الا بعد سنه وفلانه م ابيها الله يستر عليها م راح اخطب الا لما اتاكد انها طلعت من قلبي وعقلي واسأل الله يطلعها بأقرب وقت.

انت مو غلطت لما اعطيتها بلوك انت كنت بتجربها وتشوف تخضع لك وتموت حالها عشانك ولا لا
وتفاجأت ان البنت سحبت وردت لك البلوك ببلوك مؤبد
ولما شفت وعرفت ردة فعلها جاتك ردة فعل عكسيه وبديت تلين وتطلبها وتعتذر

عموما بعض البنات اذا حطت شي في راسها وزعلت لا يمكن تتراجع
وشكلها منهم
والله يوفقك ويوفقها

اكيد تتغلى

احس حياتكم راح تكون تحدي من اللي بيفوز على الثاني حتى بعد الزواج

طيب لو رجعت لك بترجع ؟؟؟

__________________
يا رب خاتمة حســنة ، وزلفى ، وحسن مآب ..

الله عالم اش كانت ظروفها م عطتني فرصه حتى نتكلم ع الرغم جايها نكمل بالحلال

م توقع تغلي لو تتغلى كان يومين ثلاثه اسبوع لكن تقطع كذا حتى لما كلمتها بموضوع الزواج كانت رافضه مو للهدرجه عاد تتغلى!!

اذا رجعت اتمنى م يكون بقلبي شي اتجاهها وقتها عشان م اضعف لأن اللي سوته مو شي بسيط

لو اخذتها وهاذي طريقتها في الزعل ما اعتقد بتستمر معها ، فأحمد ربك أنها جت على كذا من البداية قبل تاخذها

هلا الشيخ
انا مريت نفس موقفك بالضبط
وعطيتها بلوك بسبب المشكله ف تحليلي لل بلوك اهو :-

1- كانت ناطره اي غلطه منك علشان تنهي العلاقه
2- اذا انت معطيها بلوك من قبل ممكن الحين بتردلك إياه من باب اني انا الي ما ابيك مو انت الي ما تبيني

لاشك ان البلوك يجرح اب شكل كبير خصوصا اب علاقة الرجل والمرأه

انا نفسك
عطيتها بلوك مرتين ولما نرجع كانت تقولي عَصّب او تشره بس لا اتسويلي بلوك. لا أخفيكم اني كنت ابي اشوف ترجع ولا لا بس ثالث مره ما رجعت مع اني سويت نفس الي انت سويته وبينت لها اني شاريها وأبيها بس خلاص الله مو كاتب

صحيح وقتها صار في الم خفيف على فراقها لكن على الأقل ضميري مرتاح اني حاولت اصلح و قلت لها اني شاريها

بالنهايه أقولك ان راح تلقى بنت ثانيه والحياه من واقفه على احد

عاد أتصدق لو ترجع لك بعد فتره ترى عادي انت ترفض الرجوع لها ههههههه