السلام عليكم ورحمة الله وبركاته ,,,,,,,

ما ادري كيف أبداموضوعي لكني بختار كلمات بسيطه تعبر عن مشاعري مشكلتي مع امي ما ادري وش مشكلتها كبرت وتزوجت وانجبت عيال بس والله ماني قادره افهمها انسانه غريبه الاطوار جدا و اكيد فيه سبب اجهل اسبابه عصبيه جدا ولا تكتم عصبيتها وانسانه متشأمه جدا الى أبعد الحدود والله ثم والله ان علاقتنا بأهلنا سطحيه جدا وهي السبب الكل ما يكلمنا خالات ولا عمات والجيران ماحد يكلمنا خلتنا نعيش في عزله تامه عن الناس دائما تهاوش الناس واني اشوف الوضع قدامي ولا اتكلم مستحيل احد ينصحها بتطلعه كافر نتكلم بين اخواني وخواتي حتى اخي الاكبر والله ما يكلمها والثاني يجي من العيد الى العيد يخاف من المشاكل لاحد يقول لي امك ما امك لانه ماحد عايش وضعنا سببت لي احراج مع زوجي و اهل زوجي من عائلة جدا محترمه والله اني متفشله من زوجي وتجيني كتمه بصدري اذا شفت صديقاتي كيف امهاتهم يعاملون عيالهم واجلس ابكي لحالي بغرفتي اروح الى بيت اهلي كل اسبوع لاني ما ابغى اقطع اعيالي عن أهلهم بس والله كل مره اروح تقط علي كم كلمه ثغثني ولمن نجلس نسولف المواضيع تجيب الكدر مافيه الا فلانه سوت وفلانه قالت واتطلع من بيت اهلي واني متظايقه وياثر دى الشي على زواجي والله اني مخنوقه حتى لمن والله ولدت سافرت انسانه ما ادري ويش فيها مع اني اقدرها لاني اخاف الدنيا تدور وعيالي لمن اتركها يسوا مثلي والله اني اكلمها مجامله بس وفي داخلي مشاعر ثانيه ودائما تتعمد تحرجني وتعيب في زوجي و اهل زوجي مع انهم والله محترمين جدا عطوني حل والله بموت مع العلم مو بس معاي مع اخواني كلهم واخوي الصغير توه امس يقول لي طلب نقل الى منطقه بعيده تجنبا للمشاكل وحتى لمن اهديها شي قيم والله تقول وش دى في مثلها في سوق ابو ريالين و ابوي مسكين شخصيته ضعيفه انسان في حاله بس والله احراج دائما صوتها الى بره البيت

الله يكون في عونك
طيب يااختي فسن مشكلتك بالضبط ؟

انتي الان في جهاد مع امك
يعني حاولي ما تزعليها وعامليها بالحسنى قد ماتقدري
ولا تقولي ليش مو زي امهات الباقين هذه امك اللي ربي خلقها بطبعها هذا خلاص
هنا يجي دورك في البر
تداريها وتسايريها وتنصحيها بأحن نبره وشوي شوي تحاولي تدليها عالخير
وتدعيلها
وتتحمليها
معليش هذه امك عاد واحتسبي الأجر
وقد ماتجرحك تحملي واحتسبي وبيني لها ضعفك
الله ييسر لك امرك

أختي

اتضح لي ان امك متسلطه جدا ً .. حد المرض !
وأسفــه جدا ً على الكلمه لكن هي حقيقه وعليك تفهمها جيدا ً

المتسلطه غالبا ً ماتكون قد نشأت في حياة صعبه قاسيه عند أم أو أب متسلطين كذالك .. !
الشخصيه المتسلطه قاسيه جدا ً ..لاتخجل ولا ترحم .. لكنها تخاف جدا ً

ولتعلمي أخيتي ان هذا النوع من البشر تكونت له هذه الشخصيه نتيجة تربية قاسيه تعرض لها في صغره ..
ولهذا السبب هي لآترحم لأن منظر الدموع والبكاء يجعلها تثور غضبا ً .. فهو سيذكرها بماضيها وضعفها .. !

فهي تصرخ .. وتزجر .. وتسب وتشتم .. لتغطي شخصيتها الهشه من الداخل ..

عزيزتـي ..

أرى فيك إمرأه واعيه ناضجـه مثقفه .. تعي تماما ً معنى التعامل مع إنسان يعاني إضطراب نفســي
امك بحاجه إلى علاج .. قد يكون هناك إستراتيجيات بالتعامل معها ..
مثل إظهار القوه أثناء هجومها عليك .. وعدم البكاء ..

ولآ تنزعجي كثيرا ً ..
بر الوالدين لآيعني ان أبقى معهما جمادا ً لا أرى ولا أسمع ولا أتكلم ..

حقوق امك عليك واضحه .. خدمتها و طاعتها فيما يرضي الله فقط ..
ولا يحق لك السكوت .. فلنفسك عليك حــق .. !

__________________

تعاملي مع أمك على أنها حقيقة لايمكن تغييرها، هذا طبعها ويصعب جداً أن تتخلص منه إلا بوعي ومبادرة منها بعد أن تسمع للنصائح، وأعتقد أن إمرأة بهذا السنة وبهذه الشخصية من الصعب عليها أن تسمح لأحد أن يؤدي لها النصيحة، لذلك حاولي أن تمسكي العصا من المنتصف، أن تصليها وتبري بها، وبنفس الوقت أن تتجنبي الدخول معها بنقاش أو تتيحي لها مساحة لأن تتصرف معك بما يسوء ومايحزنك.

__________________
ياصبحِ لاتِقبل !!
عط الليل من وقتك..