السلام عليكم ورحمة الله وبركاته
انا عندي مشكلة حارقة دمي وتعباني نفسيا وعايزة نصيحتكم في الخطوة دي اللي ناوية اعملها لاني بجد انا والعيلة كلها تعبنا اتمني متتاجهلوش وتساعدوني لاني بجد محتاجة لنصائحكم
انا والدي وزع املاكه علينا اعطي اخي اضعافنا ثلاث مرات واختي الصغيره اقل منه انا واختي الكبيرة لم يعطي لواحده مننا حقنا مع العلم انه اتفق معانا لما يبيع المنزل اخويا مش هياخد حاجة لانه خد حقه المهم اخويا مدمن وصرفو عليه كتير وطول عمرهم بيفضلوه لدرجة تعبتني انا نفسيا واخواتي بس اختي الصغيرة اللي خدت حقها جوزها مبسوط ومش محتاجة حاجة المهم اخويا ده مستهتر فوق الخيال عدا سن التلاتين وبياخد مصروف من بابا مراته سابته وخدت ابنها وهو ولا هنا ولا عايز يجتغل ولا يعمل اي حاجة واحنا خلاص زهقنا من كتر الكلام مع ماما انا شخصيا مبقتش عايزه حاجة انا قادره ابني نفسي بإذن الله واشتغل وربنا ما يحوجني لحد
المشكلة في اختي الكبيره من كتر خوفها من ربنا مش راضية تطلب حقها عشان ماما متزعلش لاننا اما بنكلم ماما ونقولها ليه بتفضله بتزعل مننا وبتطلعنا غلطانين بس اختي حاليا في غربة مع زوجها وزوجها راجل متدين ومحترم وبيشتغل طول اليوم وبعيد عن اهله مغترب هو كمان وعندهم طفلة لكن مرتب زوج اختي بسيط جداااااا وهو قالها متطلبيش من حد حاجة وربنا الرزاق وهو كمان برغم ان اهله مبسوطين ماديا مش عايز يطلب منهم لانهم هما ما عرضوش يساعدوه فقال من البر ما اتقلش عليهم ولا هيطلب منهم حاجة اختي من يومين بتكلمني علي النت بتسالني ممكن تعمل ايه اكل حلو لزوجها بالدقيق عشان مش عندها ارز ولا اكل وصعب تطلب منه وتحسسه انه مقصر لانه بيتعب جامد وفي نفس الوقت عايزة تعمله اكل حلو عشان بيرجع من الشغل متاخر وتعبان وهو بصراحه كل فلوسه بيصرفها عليها وبنتهم مش بيجيب لنفسه اي حاجة صعب عليا حالها اوي اقول يبقي ليها آلافات عند اهلي حتي مش جهزؤها في جوازها وماما راحت عندها شوية ومعاها اخويا صرفت كل الفلوس علي اخويا وابن خالتي يشربو خمره ودلوقتي قاعدين معاهم في البيت بيصرفو عليهم وبيشربو مخدرات مش اختي اولي بالفلوس دي ده حقها ليه يدوه لاخويا يضيعه وهو قاعد في البيت ولا عايز يشتغل ولا اي حاجة
فانا تعبت من الكلام مع ماما واقولها نبعت لاختي كل حاجة ربنا يسهل ومبتعملش حاجة اهم حاجة عندها اخويا وبابا برده بيدي لاخويا ففكرت اكتب لوالدي ورقة مع هدية واقوله الوضع كله وانه عارف ان اخويا مشيه مش مظبوط ولا حتي سائل عن ابنه واختي اولي بحقها لو جوزها حصله حاجة وهي في الغربة هتتصرف ازاي وهي مش معاها اي مال بس طبعا هقوله الكلام ده باحترام واني مش اقصد انصحه ولا حاجة ده هو والدي ومهما حصل انا تحت رجله انا بس بقوله حاجة ممكن مش واخد باله منها او ماما مخبية عليه عشان يفضل يعطي لاخويا وبس واني من حبي ليه مش عايزاه يشيل ذنب ظلم لاختي وان اختي اولي من المخدرات وان طول عمرها والله ما كانت بتاخد مصروفها منه عشان توفره ليه وتقوله حوشهولي رحمة بيه وطول عمرها عارفة حق ربها ونحسبها من المتقين بتخاااف ربنا جدااا لدرجة الوسوسة ومنتقبة اعمل كده واكتب لوالدي الورقة واختفي شوية في بيتي لاني مش هعرف اواجهه وممكن ماما تزعل مني ولا اعمل ايه اما اقول لاختي تطلب منهم تقولي ربنا الرزاق وزوجي امرني ما اطلبش من حد ده لدرجة ان خالتي خدت من اختي مبلغ سلف عشان ابنها وهما في الغربة وحاليا قاعده تصرف علي ابنها في المخذرات واقول لماما تقول لخالتو تبعت لاختي اي جزء ونحاول نكمل عليه امي تسكت ومتقولش وكل ده عشان توفر لاخويا وابن خالتي
قولولي اعمل ايه ولا والدي هياخدها بحساسيه ويقول مبقاش الا بنتي تقولي اعمل ايه محتاااارة بس بجد تعبت نفسياااا والله كرهونا في اخونا حتي هو اناني يقولها مش مهم اخواتي المهم انا يا هموت نفسي


تم تعديل العنوان ليتناسب مع المضمون

__________________
لا حول ولا قوة إلا بالله العلي العظيم

و عليكم السلام و رحمة الله و بركاته
والدك ادي رسالته كبركم و علمكم و زوجكم
و هنا انتهي دوره
اذا قدر يساعد و ينصح فجزاه الله خيرا
اذا لم يقدر او لم يرد لا يكلف الله نفسا الا وسعها
توزيعه لاملاكه
اعطاءه للبعض و حرماته للبعض
هذا و ان كان فيه ظلم كبير لكم
رب العالمين هو الي يحاسبه مش انتم
الله يهديه و يراجع نفسه
لكن منطقيا هي ليست ارث عشان كل واحد يطالب بحقه
دعمه لاخيك رغم فساده
هذا ابنه مبتلي ربنا يرفع عنه
حط نفسك مكان والديك
وش بايديهم يعملوا
يرموه في الشارع يبقي فلذة كبدهم
و ما يهون عليهم
و ستدركين ذلك لما تنجبين
ساعتها تحسي بوضعهم
بالنسبة لمشكلة اختك
يمكن تجيه بالحسني من غير ما تربطي وضعها الصعب مع وضع اخوك الاصعب
لانه فعلا ما لو علاقة
هي تزوجت رجل من المفروض يقوم فيها
اذا ظروفه صعبة و اهلك و انت تقدروا تساعدوا كثر الله خيركم
لكن مثل ما قلت بالكلمة الطيبة
مش اعطيها من املاكك بدل ما بتصرفها علي ابنك المدمن
هذا مؤلم للنفس فما بالك للوالدين

__________________

جزاك الله كل خير علي ردك عليا ونصحك ليا وفعلا كلامك اغلبه صح
انا عمري ما اقدر احاسب والدي وعارفة فضله عليا وياما حرم نفسه من العلاج حتي عشان يوفر لينا بس الاموال اللي بتكلم عنها بابا جمعنا انا واخواتي البنات وقالنا البيت ده اللي ليكم حقكم بعد ما اموت واخوكم خد حقه واتفقنا نبيع البيت وكل واحده تاخد مبلغ بابا وماما اعطو لاختي الصغيرة وقالولنا هنعطيكم اموالكم كمان يومين واما نقبض الباقي اول ما كانو بيقبضو يدو لاخويا ويسفروه يتفسح وماما بتعمل كل ده وبتفهم بابا انها بتحاول تخلي اخويا يشتغل وتاخد الفلوس وكل ما اخويا يحتاج تعطيه وهو قاعد مش بيشتغل وينام للمغرب وانا واختي يقولولنا ربنا يسهل المهم ان انا مش اقصد احاسبه انا اقصد احسسه ان اختي عملت كتير عشاننا ومن اكتر واحده فينا كانت بتراعي ماما وبابا وهي اولي ان لو معاه يساعدها بدال ما اخويا عمال ياخد الفلوس ويشرب يشتغل ويتحمل المسؤلية وخاصه ان بابا دايما بيقول علي تفكيري صح ومش عاجبه وضع اخويا ولا دلع امي ليه
بس بعد كلامك انا مش هتسرع واحاول اخد بنصيحتك علي قد ما اقدر وربنا يجازيكي كل خير ويباركلك

__________________
لا حول ولا قوة إلا بالله العلي العظيم

أنت أدرى بشخصية باباكى
أنا شايفة تكلميه أحسن و تخليه يشوف الوضع صح و تبقى عملت اللى عليكى تجاهه ونصحتيه فى الدنيا بالحسنى و المعروف و الكلام الكويس بدل ما يتحاسب على أنه ظالم يوم القيامة
و بدل ما بيصرف على أخوكى يخصص مبلغ مناسب كل شهر يعطيه بنفسه لمرات أخوكى عشان تصرف على ابن أخوكى

متكلميش باباكى أدام مامتك لأنها ممكن تأثر عليه و تخليه يزعل منك

__________________

قرأت في بعض الفتاوي ان العلماء ذهبوا الي انه يجوز لكم تذكيره بحقوقكم و ان ذلك ليس من العقوق شرط مراعاة اللين و الكلمة الطيبة
فان رأيت فعل ذلك تعاطفا مع ظروف اختك

و اكيد والداك و ان كانا اثمين في حرمانكما
فهما لا يقصدان ظلمكمما فقك يرونكم افضل حال من اخاكم هداه الله و ربما يخشون لو حرماه من المصروف يلجأ للسرقة او حتي القتل و يورطهم فيما لا طاقة لهم به كما نري و نسمع من البعض
الله يكون في عونهم و يهدي اخوك و يصلحه

__________________

صعب اكلمه وجها لوجها ده انا بتكسف اكلمه اطمن عليه لو مامتي مسافرة وحتي لو طلبني بتكسف ارد وبتكلم بالعافية واما كنت عايشة معاهم كنت بتكسف اكل ادامه ولا اخد مصروفي مستحيييل اقدر اكلمه وجها لوجه للاسف انا طبعي خجول جدااا وده مسببلي مشاكل كبيرة وعشان كده فكرت في الجواب واني اختفي بعدها كام يوم لحد ما الموضوع يهدا وهو فعلا مخصص مبلغ بيعطيه لمرات اخويا وابنه لان اخويا ضاااع خلاص وهي مش عايزاه بس اخويا بينصب عليهم ويقولهم هدور علي شغل اصل معرفش مين مات واللي قاهرني اكتر اختي النهارده بتقولي طب ليه ماما مش عايزة تققول لخالتو تديني فلوسي حتي محدش بيفكر فيا خااالص كده كأني مش بنتهم لان ماما لو اخويا عايز فلوس بتستلف ليه من تحت الارض محتارة اعمل ايه

__________________
لا حول ولا قوة إلا بالله العلي العظيم

انا هتكلم معاه بكل حب وحنيه وعمري ما هحسسه باي حاجة وحشة لاني عارفه هو حساس اد ايه وبالنسبة لاخويا عمرهم ما شافونا افضل حال منه من صغرنا ماما تببع دهبنا عشان خاطر تدي لاخويا يصرف هو واصحابه وتداري علي بابا مصايبه وطول عمرها تحرمننا عشانه لدرجة انها بالفعل كرهتنا فيه تخيلي اما واحده فينا تشتغل عشان تجيب حاجة ليها وهيا نايمة ماما تاخد مرتبها وتديه لاخوها من غير مبرر ولا مصيبه حصلت وكل اللي كانت تقول ادوه لاخوكم سلف اول ةا يبقي معاهم فلوس يدوه هو ويعينو الباقي عشان لو احتاج لكن احنا مش مهم نولع بس الحمد لله ربنا رزقنا برهم برده وعلاقتنا بيهم كويسة بس احنا نفسيا تعبانين بس والله ما عايزين حاجة خلاص الواحد زهق وانا بشتغل وربنا رزقني بعقل بيحب يعتمد علي نفسه وبحب أمن نفسي لكن اختي اللي في غربه ماما عشان بتكره جوزها مش عايزه تساعدها برغم ان دي فلوسها واداتهالهم سلف عشان ابن خالتي ومحتاجاها دلوقتي لكن ماما عندها تولر الفلوس لاخويا وابن خالتي احسن وجوزها يتصرف
انا معايا مبلغ عايزه ابعته لاختي لكن المشكلة انه ميكملش الحد الادني للارسال بقول لماما حتي تقول لخالتي تكمل عليه تقولي سيبي خالتك في حالها وجوز اختك يتصرف سكتت معرفتش ارد اقول ايه الحكاية كبيرة اووووووي ومليانه مواقف مش ادامي الا بابا استنجد بيه يحاول يبعتلها اقل حاجة جوزها ١٢ ساعه بره البيت ومش عندها تليفزيون وفي غربه وتليفونها باااظ مش معاها وقعده لوحدها لو حصلها حاجة هتستنجد بمين
طولت عليكي معلش اصل مشحونه لسه مكلمة اختي وبتقولي محدش بيفكر فيا خاالص
وبجد جزاك الله كل خير علي بحثك عن الفتوي ومساعدتك ليا ربنا يرزقك الفردوس الاعلي ويحققلك كل اللي بتتمنيه

__________________
لا حول ولا قوة إلا بالله العلي العظيم

والدي الطيب دايما بتسعدني بردودك عليا وربنا شاهد عليا ربنا يرزقك الفردوس الاعلي
الغيبة بحاول اظبط حياتي بقي لاني تعبت والحمد لله ربنا كرمني واتحسنت كتيييييير
بالنسبة لان بابا يسيبه ورث كان صعب لان اخواته مكانوش هيسيبوه لينا وكان عليه مشاكل وبعدين هو باع قبله حاجات تانيه لاخويا واعطاه كل مانملك فكان عايزين يدونا علي الاقل نص ما خد اخويا بس امي كله حاجة تديها لاخويا عشان كده نفسي اتكلم اقول لبابا كفايه كده بقي مش كل شؤيه تقولولنا هنديكم وتعشمونا وترجعو تجرحونا بسبب اخويا قولولنا وخلاص مالكوش حاجة واحكيله علي وضع بنته اللي في الغربة لوحدها لو جوزها حصله حاجة هتترمي بطفله في الشارع ومش هتعرف ترجعلنا تاااني خلاص هي نصيبها تعيش بعيد اولي بيه يأمن لها اي حاجه يعتبر نفسه بيجهزها والله ده هيا دي احن واحده عليهم واكتر بر بيهم بس امي عندها اخويا كل حاجة برغم انه مطلع عينهم والله خلوني لو شوفته بس بتعب نفسيا بقيت اتجنب اروحلهم البيت عشان مش اشوفه وبحاول اقابل ماما بره بحجة اننا نخرج
بس انت راي حضرتك ايه اكتبله الجواب بكل ادب واحترام وحب وحنية واذكرله مواقفه الجميله معانا الاول وبعدين اوصفله حالة اختي واختفي فتره ولا اعمل ايه جزاك الله كل خير ربنا يسعدك دنيا وآخرة زي ما بتسعدني انا وغيري

__________________
لا حول ولا قوة إلا بالله العلي العظيم