بِسْم الله

بدخل بالموضوع


مشكلتي من رفضي لولد عمي ما زلت أعاني منها
"ما ودي ارجع أتكلم بذاك الموضوع لأني كنت جاهلة و طائشة واسمع للناس و تجربتي هذي خلتني اكبر من عمري ب20 سنة لأني تعلمت منها الكثير و الكثير"

اولا احنا بنات عائلتنا " بنات العم " ما يتزوج مننا احد من باقي الجماعة او حتى من بعيد الا اذا كان يملك مواصفات ممتازة ؛ هذا طبعا في اعتقاد جماعتنا ان ال فلان محد ياخذ منهم الا عيالهم

وخارج القبيلة مشطوب عليه تماااما ولو يسمحون كان انا من زمان متزوجة

المهم غالبا احنا لأولاد عماتي و أعمامي

المشكلة من لما رفضت ولد عمي العائلة كلها شطبت عليّ محد يبغاني لاعتقادهم اني ما ارضى آلا برجل كااامل و الكمال لله .. و الحقيقة اني عادي ممكن اقبل باقل واحد اذا كانت اخلاقه عالية ؛ أو يمكن يتوقعون اني أفكر في شخص ثاني مدري عنهم

انا الحمدلله فيني مواصفات مميزة و واثقة من نفسي ثقة كبيرة جدًا ولكن يحز بنفسي ان الناس تتراجع عني بسبب ماله مبرر الا ظنونهم و اعتقاداتهم

مثل زوجة اخوي دايم تلمح لي انهم يفكرون يأخذوني لولد اختها "اختها من جماعة ثانية و ساكنة بالديرة في البر لكن الولد متعلم و جامعي ما فيه شيء و كل بنت تتمناه " بنفس الوقت ترجع تقول بس إنتي ما يرضيك مرضي و لا يعجبك شيء و بسرعة تضيع الموضوع
ودي أقول لا عادي دام الولد جامعي و هم أصلا ناس خلووووقين جدا جدا 💔
لكن مقدر أرد و لا يمديني حتى ارتبك و اسكت بقهري وقلة حيلتي




مدري يمكن ما وصل لكم اللي فيني لكن جد انا فيني غصة و لا ادري وش أسوي فرص كثير جالسة تضيع مني وكل مره يكون السبب خارج عن الإرادة لكن بموضوع زوجة اخوي احس ممكن اقدر أغير فكرتهم عننا لكن ساعدوني كيف المح لها اني بارضى بولد اختك و لا عندي مانع

هو ما هو وسيم و ع قد حاله لكنه بااااار جدًا بأمه و جامعي هذي تكفي و ماليه عيني والله
لكن هم يعتقدون اني أفكر في الوسامة او المكانة الاجتماعية و انا ما همتني لأننا ما شفنا الشر الا من الناس اللي اهتمينا لمكانتهم و وزنهم

ما لجأت لكم الا اني فعليًّا محتاجة توجهوني و تشغلون لي شوي من عقول الحريم و تدابيرهم "بالخير 😩😂" و لا استغني عن ردود اخواني الأعضاء

ما ودي هالرجال يطير مثل غيره💔

هي زوجة اخوي حاليًا عندنا وبتسافر مع بداية الدوامات
يعني ما عندي فرصة الا هالكم يوم

ساعدوني


اضافة : الولد اخلاقه عالية بشهادة الجميع يعني باذن الله لو صار اللي ابيه اني ما راح أندم .


تم تعديل العنوان ليتناسب مع المضمون

الله المستعان كم ابغض هذه العادات التي ما انزل الله بها من سلطان!
وهل لو اتفقت مع زوجة اخيك اهلك رح يوافقو
اظن انه مشكلة قبول اهلك بهذا الرجل اصعب بكثير من ايصال قبولك لزوجة اخيك

__________________
ربنا هب لنا من ازواجنا وذرياتنا قرة اعين واجعلنا للمتقين اماما

في بيننا وبينهم صلة قرابة و عمتي متزوجة منهم + أبوي ما يهتم للشكليات و ممكن يوافق عليه اذا شافني موافقة من قلب

انا كتبت ان بعض من التضخيم هو في تفكير الناس عننا و الا احنا اخف من كذا بكثير
"كلامهم اننا م نتزوج من برا وافق ان بناتنا كلهم لعيالنا ف خلاص طغت الفكرة عليهم اننا كذا مع انه مو صحيح 100٪‏"

طيب ايش الاسباب الي خلى الناس بتاخذ هدي الفكره عنك ؟؟
فقط بسبب رفضك ؟؟ او في كلام انقال من وراكم ؟؟

ع العموم طالما هي زوجة اخوكي .. تقدري تتكلمي مع اخوكي .. طبعا لاتقوليله ماابغ هالرجال يضيع مني مثل باقي الفرص الي راحت ومن دا الكلام ...
لاااا لأن ماتدري ممكن هوا من النوع الي يحب الفضفضه ومايخبي شي عن زوجته و يقول لها كل كلامك ..
بس ممكن تجيبيها من ناحية النقاش معاه والكلام .. مثلا كأنك بتسأليه غريبه الناس ماخذه عني ذي الفكره ؟؟ اني ابغى الرجال الوسيم ووو وانا اصلا دي الحاجات ماتهمني ؟؟ تتوقع من فين جابو ذي المعلومات الغلط ؟؟ تتوقع طلع كلام من ورانا ؟؟

وحيبدأ هو يتكلم ويبرر ويقول رأيه وكدا .. بعدها قوليله حتى زوجتك استغربت لما قالت كدا وكدا وقوليله الهرجه ..
اكيد هو راح يسألها اذا هي قالتلك كدا او لا .. وبيصححلها الفكره بدون ماتقوليها له بطريقه مبشاره .. عشان مايقولها بالصريح ..
اشوف انها فكره حلوه

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

جيد اذن الامىر سهل
بكل بساطة قولي هاد الكلام لزوجة اخوك اثناء جلسة بينكم
انك كل ما تتمنيه هو انسان طيب وخلوق ولو جاء من هو بهذه الصفات رح توافقي عليه
وانه الفكرة الي عند الناس انك صعبة وما يرضيك حدا ما هي صحيحة
هالكلام كافي جدا لايصال القبول لزوجة اخيك
المهم ان تكوني قوية وخلي الحياء وعزة النفس على جنب
لو رح من ايدك رح تندمي وتلومي نفسك انك ضيعتيه من ايدك
الله ييسر لك ما فيه الخير

__________________
ربنا هب لنا من ازواجنا وذرياتنا قرة اعين واجعلنا للمتقين اماما

مستحيل أستعين باخوي مره صعب
أصلا حتى لو انا وإياه اخذنا و اعطينا ما أتوقع بيروح يسولف مع زوجته عن كلامي
غير كذا هو كبير بالأربعين و انا بأول العشرين حتى باتكلم معاه مستحيل يفهمني

فكرة جميلة
انا اكثر من مره كلمت اختي بحكم انها علاقتهم ببعض ممتازة قلت وصلي لها اني موافقة ع ولد اختها لكن اختي قاهرتني تقول اذا لك بيجيك من الله لا تتعبين
ولما اضغط عليها تقول طيب اذا جئت و اذا جات تتهرب .. يعني محد مساعدني

لكن بأحاول أطبق اللي قلتيه و الله يسرها

فعلا لو راح راح أندم أشد الندم لهذا باسوي كل اللي اقدر عليه و لا راح أكتف يدي و انتظر

ابنتي الكريمة
أسأل الله العلي القدير أن يبدل عسرك بيسرين وييسر لك الخير ويحنن عليك الجميع ويختار لك الخيرة المباركة
ببساطة هذه الأعراف حكم بغير ما أنزل وترك لأمر الله عز وجل في كتابة وفي سنة رسوله صلى الله عليه وسلم واتباع أوامر وضوابط الآباء والكبراء وهم لا يفقهون.
وقيمة القبيلة ومكانتها وفخر الانتساب لها محفوظ ولكنه لا يساوى عندالله يوم القيامة شيء.
بداية يجب أن تنظري بهذه النظرة أولاً لله عز وجل ثم لتغيريها في ذريتك بإذن الله ثم تنشري هذه التوعية وغيرها من أجل تغيير هذه العادات والتقاليد وإبدالها بما يرضي الله.
النصيحة:
أكتبي ما كتبته هنا وغيره برسالة وأرسليها لمن تثقين بهم من المتعلمين ويخافون الله من أقاربك من أعمام وأخوال وإخوان وغيرهم ممن يستطيعون فرض التغيير للإرضاء الله ثم تحقيق المصالح للجميع.
وحاولي تفعيل هذا التصحيح عبر جميع وسائل النشر الأسرع انتشاراً واستشهدي بالقبائل التي غيرت هذه الأعراف والتقاليد للأفضل لتستفيدي وتفيدي ويرجع لك أجر الجميع بإذن الله.
وفقك الله

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

رودي الحبيبة ، عسى ربي يسعد قلبك و يفتح لك ابواب الفرح ...... امين
بعطيك وجهة نظري و الله اعلم ...
بالنسبة لي ، اشوف ان البنت يبغالها تنتظر و تختار على مهل و لا تستعجل ابدا ، لان رزق الله مقسوم ، و نصيبك بيجيك بإذن الله ، و اللي ما هو بنصيبك ، ما راه تاخذينه لو مدري وش تسوين ، عشان كذا ، اقولك عيشي حياتك و فوضي امرك لله ، و الله ما راح تضيعين ابد ...اشغلي نفسك بدراسة او اي شي و خلي التدبير لرب العالمين ...
بالنسبة لولد اخت زوجة اخوش ، اشوف انك توضحين نظرتك للحياة بصفة عامة ، عاد هي اكيد بتفهم ، فاذا ربك راد بيجمع الشمل لانك اخذتي بالسبب ، اما ذا كان مب كفو ، عاد الله يبعد عنك الشر كله .
الله يوفقك يا الغالية و يعطيش اللي يتمناه قلبك .. امين 🌷🌷.

__________________
أشهد أن لا إله إلا الله و أشهد أن محمدا رسول الله صلى الله عليه و سلم