المشاركة الأصلية كتبت بواسطة مهره

المشاركة الأصلية كتبت بواسطة شبح الفراق

الحمدلله إنها عدت على خير .. ربنا يسعدكم ويوفقكم

أختي الكريمة للتنبيه فقط
إطعام عشرة مساكين هي كفارة اليمين .. أما الصيام فهو آخر شيء إذا تعذر الإطعام أو الكسوة أو عتق الرقبة
طبعاً لا أفتي بذلك .. لكن هذا ما نسمعه من الشيوخ .. وأنصحك بالبحث أيضاً
بالتوفيق.

المشاركة الأصلية كتبت بواسطة ريتاج2016

اي طبعا وقت الزعل مستحيل اذكر له مواقف زينه لان همي مشكلتي الاساسيه اللي صارت .. بس الحين بما ان رضيت خلاص راح الكره المؤقت .. وعلى فكرة علقت ع موضوع الاستطلاع هل تختار نفس شريك حياتك < اخترت نعم وكتبت نععععععممم اكيد ومدحت فيه وقلت مع ان حاليا زعلانه ببيت اهلي والخ .. يعني وانا زعلانه مدحته .. وفيه موضوع اخر يقول ان البعض مايكتب المشكله بالتفصيل بل يخفي بعض الشغلات عشان الحق يكون معه وهذا اللي صار للأسف ومع هذا الكل طلعني غلطانه بس خلاص الحين تعلمت

المشاركة الأصلية كتبت بواسطة ريتاج2016

حبيبتي mimomea ربي يسعدك ماقصرتي ..
اللي صار لما جا ..

كان عاقد النااااظر و وجهه مايتفسر وانا كنت البس البنت وماطالعت فيه ولا كلمته لان عيونه شرار .. و البنت فرحت بشوفته وكانت تسولف وتحرك ايديها تبيه يشيلها .. ماشالها .. بدل ملابسه وانسدح وانا كملت شغلي ببنتي ونومتها وانسدحت وكنت ع جوالي و هو ع جواله وكان يتابع هدف وبعدها تحمس وكان بيقول تعالي شوفي >> لان يعرفني لي بالكوره واحب اتابع و اشجع و الخ بس منع نفسه وانا لاشعوريا طليت معه هههههههه وفهييت لما قربت عنده لاشعوريا بسته وقلت انا اسفه < لأني احبه اضعف قدامه والله > قاللي بسيطه حصل خير قلت يعني سامحتني قال ايه وبعدها جلس يلوم علي وقال مادريت انك بتروحين مشي حسبتك بتتصلين ع اهلك لو ادري كان ماخليتك عشان البنت برد عليها والخ .. وقال ان اهله دروا لان اخوانه صغار شافوني وقالوا لاهلهم شفنا فلانه طلعت تبكي و وصلها اخونا والخ وسألوه قالهم امور تافهه وماقالهم شي .. وبعدها قال اللي زعلني بعد رفع صوتك و كلامك قليل الادب كيف طلع منك اول مره اسمعه ماتوقعتك تقولين كذا < قلت له غلطت وحتى استغفرت لان قذفتها بدون قصد > قال طيب حلفت انك ماترجعين لازم اكفر قلت اي عادي 3 ايام .. المهم قال لي لوووو لي عللاقه كان اوريك ؟ لو كنت العب كان اعترف لك؟ وعندي محادثتها من اول ماضفتها تبين تشوفين قلت لا لأن واثقه بس غرت مو بيدي .. المهم شوية دلع مع عتب وكذا تصالحنا وصارت ليله حلوه الحمدلله وقاللي بكره بطلع بدري من الدوام ونطلع نتغدا برا ان شاء الله والخ ..
يعني والله فرحت .. لو كان هو غلطان 100% كان مارجعت بس لما شفت الاراء منكم ومن الاهل وجلست افكر طلعت غلطانه لانه كان يبي يشوف غيرتي وكان يضحك ويستفزني وانا اللي زودتها معاه وغلطت وسبيت وطلعت .. الحمدلله الحين تصالحنا وكأن شيء لم يكن والفضل لله ثم لكم الله يسعدكم يارب ويحقق لكل عضو مبتغاه