بفرح جدا اما بشوف رد حضرتك في اي موضوع ليا ربنا يجازي حضرتك كل خير ويرزقك الفرودوس الاعلي
بالنسبة لاخويا انا عارفة طبعا انه ميعجبش حد لانه مستهتر جدا وده اللي بالفعل حصل المدير كلمني وقالي انه قعد معاهم وان شكلهم مش محتاجين الشغل وكمان اتاخرو علي معادهم ساعة ونص بس قالي هيجربهم ورغم انه هو محتاج اتنين فقط قالي شوفيلي واحد تاني كنت قلتله انا عليه صغير ومحتاج شغل وظروفه صعبه ورغم صغر سنه بس بتاع شغل بجد مش زيهم وقالي ياريت يبقي مش متزوج لان الراتب مش قليل للمتزوجين
واللي فهمته من الكلام ده ان ممكن يشغل ابن خالتي بس اخويا غالبا لا وانا عرفته ان اخويا محتاج حد يشد عليه وانه مستهتر شوية وميعرفش حاجة في الشغل ده عشان الامانة ومش ابقي خدعته
وقبلها قلتله انا ماليش دعوة بتصرفاتهم وهو قالي انتي في فريق تاني ومش هاخدك بذنب حد ومالكيش دعوة بيهم ومتتدخليش تاني خلاص وانا هتصرف معاهم بس شوفيلي الشاب اللي ١٨ سنة
بالنسبة لزوجي بوست ايده انا واهلي واهله يشتغل وهو كالعادة بيقول في دماغه مشروع وهيعمله ومستني اخوه بيصفي حاجات ويديله فلوسه وانا قررت من زمان بما اني فشلت ان اخد قرار شجاع ومقدرتش ع الانفصال اعيش لنفسي واشتغل واعيش مع نفسي لوقت ما يحدث اي جديد
بس المشكلة ان انا خبيت علي ماما في الاول كلام المدير انهم مش عاجبينه اوي وانهم مش بتوع شغل لحد ما لاقيت اخويا وابن خالتي رايحين يكدبو عليها عشان ياخدو فلوس ويقولو صاحب الشغل قالهم يجيبو اجهزة جديدة وانا عندي معلومة من خالتي انهم بيقولو لها تخلي ماما تديهم فلوس رغم ان ماما بتجيبلهم حتي السجاير والشحن وكل حاجة يبقي عايزين الفلوس لغرض تاني روحت قلت لماما صاحب العمل قال كذا كذا يعني متصرفيش وان ابنك بيعمل حوار واستني اما نشوف هيشتغلو ولا لا

__________________
لا حول ولا قوة إلا بالله العلي العظيم

يالطيييييييييييف كيف كذا يكدب على امك !؟
الله يعين مامتك عليه

و خلاص انتي كذا عملتي الي عليكي

ربنا يهديه هو للاسف عنده الكذب طبع بسبب ومن غير سبب كل حياته تأليف حكايات وقصص وبرده للاسف ان امي اللي مدلعاه والوحيدة اللي واقفة معاه ومانعة اي حد يهاجمه ولا يزعقله حتي بابا اما يتكلم ماما تقف في صفه ربنا يهديه ويريح بال ماما وبابا ويخف حمله عليهم هما وانا واخواتي بجد اعصابنها تعبت منه ومن تصرفاته

__________________
لا حول ولا قوة إلا بالله العلي العظيم

بارك الله فيك اعجبني جدا انك كنت أمينة ونبهتي المدير لإبراء الذمة والحمد لله بما انك نيتك صافية الامور انحلت لحالها..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

__________________

شكرا لزوقك يا قمر ولله الحمد يمكن دي اكتر حاجة كويسة فيا بكره الكدب والخداع جداااااااا حتي لو هروح في داهيه والمدير استأمنني مستحيل اخونه ولو علي حساب نفسي انا حتي ربنا يجازيكي كل خير يااارب ويرزقك الفردوس الاعلي انتي انسانه كويسه ومتدينة وانا دايما بتعجبني ارائك ربنا يحققلك كل اللي بتتمنيه
بس انا زعلت في الاخر بعد ما قولتله كده عشان بعتلهم رسالة واتاخرو خمس دقايق في الرد قالهم خلاص مفيش شغل شكله كان مقرر وظبط الحوار معاه فقال كده اكيد مش ندمانة علي اللي قلته نهائي بس زعلانة عشان ماما وبابا كانو فرحانين وبيثقوا في اي شغل انا فيه ونفسهم اخويا يشتغل حسيت اني خدت منهم فرحتهم وحرمتهم منها ربنا يقدرني واعرف الاقي ليهم شغل احسن من ده بكتيرررر لانه كده كده كان مرتبه قليل

__________________
لا حول ولا قوة إلا بالله العلي العظيم

ربنا يكرم حضرتك ويررقك الفردوس الاعلي يااارب بالفعل حصل تطورات كثيرة في موضوع الحمل وانا طلعت سليمة وهو عنده مشاكل بس بيتعالج حاليا ممكن اكون ما اتغيرتش كليا من حياتي السابقة بس اتغيرت بنسبة لا تقل عن ٩٥ ./. ولله الحمد ولحضرتك فضل كبير في ده عمري ما انساه ابدا وبعي لحضرتك دايما ومبقتش بتهاون في حاجة خااالص هو بس موضوع الشغل ومستنية اشوف هيعمل ايه مع اخوه لكن خلاص لا تراجع ولا استسلام بإذن الله وربنا يقدرني وابقي كويسة وراضية ربي وربنا يرزقني انا وكل اللي نفسه بالذرية ياااااارب

__________________
لا حول ولا قوة إلا بالله العلي العظيم