زوجي عنده 3 أيام بالأسبوع يطلع لأصدقاءه وكنت متأقلمة ع الوضع ..

الآن كل شوي يزيد يعني قبل امس طلعة اساسية لاصدقاءه يوم الاثنين
وامس مادريت الا لابس ومتجهز بيروح ! طبعا سكت .
واليوم اهله عازميننا اول مادخلنا قال معليش صار فيه اجتماع عند اصدقائي ! وطلع وتركني عندهم !
وبكره وبعده برضو بيطلع !

انا مليت ، ومليت ومليت بكل ماتعنيه الكلمة من معنى .. اجلس بالبيت وتتعطل اموري واحتاج اغراض محد عندي .

اهلي بمدينة ثانية وانا هنا لوحدي .. مليت والله

ايش الحل ؟

بداية الزواج كان مرتين بالاسبوع حتى قبل سنتين وهو مستمر ع هالوضع
الستنتين الاخيرة مرة صار مايمسك نفسه كل يوم مهيت بيته وطالع .

انا بايام الاسبوع ما اشوفه كويس ومررررة مدلع نفسه الظهر بجي يتغدى ويريح
العصر ينام
المغرب يشرب قهوته
اذا اختاج شيء فيعد صلاة العشاء اقدر اروحله ،، طبعا بما انه صار يروح لاصدقائه بعد العشاء فاشغالي تتعطل بالاسابيع !

__________________
سبحان الله وبحمده ، سبحان الله العظيم

هل طلعاته يوميا
بمعدل كم ساعه في الطلعه
تتكنسل مشاويرك بسبب طلعاته لاصحابه


انا زوجي مثل زوجك متعلق باصحابه مع انهم نفس اللي بالدوام اقله مامليتوا من بعض بس اعرفه اجتماعي ويحب الطلعه ضرووري ويمكن اقلك يوميا لو اقلها ساعه ونص او ساعتين بس اشوفها عادي دام يجلس معانا ويقضي مشاويرنا ويطلعنا مو لازم اغير طبعه واخليه زي ما انا ابغى

كلنا سوا اختي
زوجي من الشغل يتعشى يخرج لصلاة العشاء ما يرجع إلا نص الليل
الأول كنت انتظره واطلب منه يرجع بكير
الان خلاص تعودت اسهر قليلا على التيفي وانام
يوم يكون مطر وبرد وما يخرج احس نفسي مقيدة
هو عودني الله غالب

الأساس انها 3 مرات بالاسبوع لكنه متوجه انها تكون كل الاسبوع الا يومين !
وزي ماقلت اذا طلعلهم خلاص مايرتبط فيني يعني اجلسي بالبيت .
تخيلي حتى لما اجتمع مع اختي تخلي سايقها يرجعني لان زوجي طويل العمر مع ربعه مو فاضي لي .. كل اسبوع لما نجتمع في الويك اند هي ترجعني وانا والله مليت .

زي ماقلت طول اليوم مايبغى يسوي شيء الا بعد العشاء .. واذا عنده طلعة خلاص مسسستحيل يسويلي شيء ..
ولا يرجع الا نص الليل

__________________
سبحان الله وبحمده ، سبحان الله العظيم

الله يكون بالعون

__________________
سبحان الله وبحمده ، سبحان الله العظيم

انتوا تعودون الرجال ..
اذا تاخر على البيت كلميه يرجع ..
اذا زودها بالطلعات كلميه عشان يخفف ..
اذا طلب منك ترجعين مع السايق قولي له انت ترجعني ..
اذا طلب منك تقضين مشاوريك مع خواتك قولي لا . اقضيها معاك ..
حبه حبه لين يتغير من نفسه ..
اما يعجبكم الوضع ف البدايه جلسات في بيتكم بالساعات وطلعات مع خواتك الرجال يتعود
ويشيل ايده من مسؤوليات البيت . مالي ومال وجع الدماغ ..

انا اتكلم بشكل عام .. اغلب الحالات تبدا كذا الى ان يتعود الرجال عقب صعب يتبدل ..

خوات زوجتي كذا ..
اما زوجتي احيانا اخليها تطلع معاهم واحيانا انا اطلب منها نطلع نخلص مقاضي البيت والذي منه ..
ما عجبني وضعهم .. الحمدلله من نفسها الان تعودت اذا بغت شي تقول لي .. واحيانا تصر انا اللي اوديها ..
خواتها الان يحاولون تغيير ازواجهم لكن بدون فايده ..
خلاص تعود سنين على ها الوضع .. ما بيتغير بين ليله وضحاها ..

اخ خالد معاك ف كلامه لاكن بعضهم , مو قصه تعود بعضهم كذا هايت ما يدري عن بيته اسمه انه متزوج لو الزوجه تتكلم من هنا ل بكره م فيه فايده وبعضهم يقول مالك شغل اجي واطلع متى م ابي وبعضهم يشوفه تحكم تتحكم فينا ,
لو ع الكلام والنقاشات فيها فايده كان ما صار فيه مشاكل وطلاق

__________________
اللهم احفظ لي بنتي فهي فرحة عمري وضحكة سنيني ..

خليه يحب جلسة البيت اكثر من طلعته لاخوياه