كلامك صحيح ومنطقي جدا
يمكن ابحث عن شريكه لاني ساعات احس اني بحاجه لشريكه
ولكن بنفس الوقت ادور اللي تجمع الصفتين مع بعض
صفه انها تكون ام لـ اولادي ونفس الوقت انها تملى عيني
وهذا اللي مخلي الموضوع شوي صعب

جرّب تبحث انت بنفسك ( بمكان عملك)
بمكان تقدر فيه تتكلم مع البنت باحترام ورسمية وبنفس الوقت تعرف طباعها كيف
تعرف وش تبي وهل رح تتحمل أطفالك وهل بتتقبلها انت كزوجة
لما الإنسان ينجرح بعنف من خيانة أو غيره
يبدأ يدخل بعلاقات كثيرة عابرة عشان يتشافى..أحيانا العلاقات هذي تزيد عليه همه وتتعبه أكثر
ابحث لكن لا تخطب وتحلل وتتفق على المهر
اصبر لين تشوف هالإنسانة مناسبة لك او لا
تمهل لو 6 شهور
الله يوفقك
وأنا اعذرني أرد عليك وأتدخل بتفكيرك لأني فاهمة تماما وش الشعور اللي تخلفه الخيانة ي كيانك... شعور مدمّر لا أظنك تكلمت عن أحد عنه
ولكنك تحتاج تفعل عشان تمضي بحياتك

كل الناس تحط مؤخر ليش رافض فكره المؤخر حتى لو 40 الف مؤخر تمام

المؤخر بالنسبه لي مرفوض تماما ولو اجلس طول عمري بدون زواج
كل شي يجي بالغصب الا الزواج
الله يقول امساك بمعروف او تسريح باحسان
ماقال امساك غصب
العلاقه الزوجيه المفروض انها تقوم على ود وحب وتفاهم واذا الاثنين شافوا نفوسهم ماعندهم استعداد لتكملة المشوار الانسحاب افضل بكل هدوء
اما ان الزوج ينجبر على انه يبهذل بنت الحلال عشان تروح وتطلب الطلاق وتسقط المؤخر هذا مايقبله عاقل

سبحان الله من البدايه شكيت ان عمرها مكذوب فيه حتى كتبتها بمشاركه بموضوعك السابق..ليتك ماتنهي شي قبل ما تسمع من البنت شرايها باللي صار..

ارسلت لها وقلت لها الظاهر ان ابوك مايبي يزوجك وسألت وش فيه قلت انه طالب 50 مقدم و50 مؤخر وهالشي مومعقول

اللي اتشاددوا في الموضوع اغفلتوا عامل مهم .

( البيئه والمتعارف عليه ) .

مثلاً أنا نشأت في بيئه فيها حاجات معروفه بالنسبه ليا وعرف ماشيين عليه .

طبيعي يختلف عن شخص جاي من بيئه ونشأه غير عني .

مثلاً الأخ يشوف انو مهر البكر 50 الف بينما غيرو بشوف انو البكر المفروض ماتاخود اقل من 100 الف وهكذا .

يعني انا ما اعرف ليه في لوم في الموضوع ..

ونفس الشي بالنسبه للمؤخر . يكون مرفوض تماما عن اشخاص بينما مقبول عند تانيين ولازم عند غيرهم ..
..

بالنسبه لموضوعك اخوي اسأل الله انو يوفقك .

لكن الموضوع يبغالو تفكير .

ابتداءً من رسالتها مروراً بفرق العمر وانتهاءً باللي صار ..

في تقدير المهر يَ ترجع لعاداتكم يَ لعادات اهل البنت بالتراضي بينكم .

واللي قالوا اختبار من الأب . مافي داعي ابداً لاختبار كذا لأنو ردود الناس مختلفه ومو معقوله حيمشوا على نفس التصرف المتوقع منهم ..

واذا على نُقطة الخوف الخ . فالسؤال عنك كان كافي جدا وماشاء الله الرجال خبره في هالشي ويطلعوا تاريخ المتقدم من إلى ..

إن كُنت لسى حابب تكمل حياتك معاها فالأفضل جلسه مع ابوها وأخوانها يكون كُل حاجه فيها واضحه وتذكر لهم نفس اللي انذكر في رد سابق ليك بخصوص المهر والعيشه الكريمه اللي حتوفرها لها بعد الارتباط إن شاء الله ..

.

ربي يوفقك ..
..

__________________
اِهدنِيْ فِيْمن هَدَيْت ..

ساعات افضل للزوج تحديد المهر
لانه المتبع عندنا ان الاب يقول اشتري رجال ولا يشترط ابدا المهر ولا يجيب سيرة الفلوس
وبهذي الحاله الواحد يستحي ويعطي اكثر من اللي متوقعينه
واما بالنسبه للمتبع عندنا والمتعارف عليه
مهر البنت من 40 الى 50
الثيب على حسب عمرها وكم اولادها

مو دفاع عنهم او كذا لاوالله بس فعلياً الشايب اللي هو أبوها ماشوفه غلط في شيء !!
1- ان المهر خمسين رقم عادي جداً وممكن هذه مهور الثيب عندهم لأن البكر غالبا 70 و 80
2-مؤخر !! طبيعي جداً يطلب مؤخر لأن الرجال له مواري طلاق اكثر من مره ولازم يضمن حق بنته

العمر مانبي ندخل في النوايا بس مين اللي قالك عمرها ؟ اذا هو الشايب ترى جد يمكن مايعرف عمرها ويحسبه 37 خصوصا انك تقول جميله ومرتبه ومو باين عليها واغلب الاباء مايعرفون اعمار عيالهم
انا ابوي للحين اتوقع يحسب عمري 19 هههههه


في النهاية الأمر خيره لك ولها
ومن رسالتها لما قالتلك بصوم شهر اذا تزوجتك وانا ماعجبني اندلاقها صراحة !!

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

مدري وين انتي عايشه اختي
في السعوديه انتي؟
لان ارقامك غريبه
ممكن يدفع 80 الراجحي لكن المساكين اللي مثل حالتي لو قالي 80 ذبحته
والمشكله تجون بعدين تقولون المراءه ماهي سلعه وهالكلام وانتم خليتوها سلعه
80 هذي مافيها جماله هذا بيع ومشترى صارت

اما ان ابوها اخطأ هو من حقه يطلب اللي يبي وانا من حقي اقول لا