لاصار مهرها 20 صارت عزيزه وغاليه
ولاصار 80 صارت بيع ومشترى هااه ؟!

تقيسون الامور على كيفكم وبهواكم وحسب تفضيلاتكم الخاصه المخصخصه

انا من قعر السعوديه والمهور عندنا معروفه من 50 60 70 80 توصل احيان 100
حسب بعض المقاييس

لا وازيدك من الشعر بيت نظامنا احنا حتى العرس على الرجال بعد
ولا خبرت في السعوديه احد باخذ مهر 20 و 30 الا في اندر الندره

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

لاوالله اني انا اللي ماخبرت احد زوج بنته وهي بنت باكثر من 30الف

ومهري 25
وعماتي 15
مع ذالك ماقلل من قيمتنا مع ان المحيط اللي احنا فيه اغلبه من الطبقه
المتوسطه ومافوق

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

بالعكس اختي كل ماقل المهر ارتفع قيمة الزوجه والعكس صحيح
والا رقام اللي تذكرها الاخت ماعمري سمعتها بصراحه وان شاءالله اني مااسمعها ولا تنتشر والا قولوا على الشباب السلام
شاب في اول عمره منين يبي يجيب كل هالمهر ومن غير قصر الافراح والذبايح والاثاث وخلافه
الله يعين بس

مشكلتك تقيسين على منطقة وحدة وتقولين اندر من الندرة على كيفك هو الله يصلحك في المدينة المهر من 25 ل35 وقليل يتعدوها والحمدلله ماشين على هذا النظام ولا مشكلة عندنا بس الزواج طبعا على اهل العريس ...
وبصراحة مستغربة من المثاليات الغريبة هنا لما يقولو ايش فرق المطلقة والارملة عن البكر في المهر في كل المجتمعات أكيد يكون فرق حتى في الشرع الثيب غير البكر مااقول في المهر بس فيه فوارق وشي بديهي هذي ماعرفت رجل قبله ولا فرحت ولا أخذت مهر زي اللي تكون تجربة ثانية لها ... أكيد لا طبعا

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

صح كلامك اختي

والله يابنت الحلال عمري قريب الى الاربعين وماعمري سمعت ان احد اعطى 80 مهر ولا احد طلب 80 والا 100 على قولتك
يمكن هذا يصير بين التجار يمكن ولكن انا ماعمري مر علي هالارقام اللي تقولينها
مع العلم اني من طبقه ولله الحمد اعلى من المتوسط وخالطت من الناس كثر شعر راسك ولا عمري سمعت هالكلام
واذا صحيح فيه يطلبون هالمبالغ نعم هذي بيع ومشترى ولا لها لاكرامه ولا حشيمه لا هي ولا ابوها
نعم كل ماقل المهر كل مازاد الاب من قيمة بنته لانه يحسس الرجال اني شاريك وبنتي مالها ثمن ولكن اذا طلب مبلغ كبير كأنه بايعها بيع
اما العرس ادري ان العرس على الرجال هذا الطبيعي

مع هذا الرد ،، والدي لا اتوقع انه يعرف عمري بالضبط وخاصة الاباء يرون ابناءهم صغارا مهما كبروا ودايما يقللون في عمرهم

المهر فعلا حسب عادات اهل البنت والاخ وحيد ذكر انه خطب من خارج العائلة حتى يتمكن من الشوفة الشرعية وكان حري به ان يسال عن مهور اقرانها في العايله قبل الخطبة ليكن على بينة ،، بعض العوايل مهر البكر تزيد على مية الف وبعضهم اربعين الف ففعلا الفرق كبير

ارى بان تناقش والد الفتاة او الفتاة مباشرة عن عاداتكم وعاداتهم وتضعون حلول وسط ،، ارى انه افضل من انهاء كل شيء بدون نقاش واقتناع

سوال للاخ وحيد ،، ماذا كان ردك عليها عندما طلبت منك وعدا منك بعدم الزواج عليها اتوقع المهر كان على اساس ردك

اختي المهور تكون عرف في المناطق مو في القبائل
وعلى فكره طليقتي الثانيه كانت من قبيله ثانيه ومهرها 25 بالرغم ان عمرها 26 وماعندها اولاد

الشبكة قديمة!!
قديمة لأي حد يعني

__________________

والله يااختي الشبكه ماعرفناها الا من المسلسلات