28-11-2016, 02:00 PM
|
المشاركة الأصلية كتبت بواسطة HHL
السلام عليكم زوجي مسافر مع اصحابه لبالي وله الان خمس ايام ماتصل ولاشي والتواصل بيني وبينه واتس اب فقط ومجرد اهلين وش اخباركم ومع السلامه مايسولف ولايتكلم ولاشي حتى لما احاول انا اسولف معاه يسلك ويقول انا بروح انام بروح اطلع بروح البس مايعطيني مجال اصلا..متضايقه جدا من حركته هذي رابع مره يسافر فيها وقبل كان يتصل ويسال وكل شي،، لكن هالمره غير!!! تعذرت له اول ثلاث ايام قلت ممكن مشغول متلخبط وضعه لكن باليوم الثالث قلت له وينك؟ ماسمعنا صوتك مشتاقين ومن هالحكي قال لسا ماشريت شريحه ،، وسكت وبعد خمس ايام بدأت اتضايق فعلا وقلت له بكل هدوء وباسلوب دلع وينك عني ومن هالحكي ، قال ان ماشريت شريحه مابقى على سفرته شي ( علما بان باقي على سفرته خمس ايام ) انا صراحة حزت بخاطري ،، الوضع عادي ومازعلت قدامه واعلق على صوره بالسناب وطبيعي الوضع لكن ماني عارفه وش قصده بهالحركه،، وهل في شي مخليه بعيد عني لهالدرجه ، كأن ماعندي زوج!!!تخيلو حتى كلمه حلوه ..كلمه اشتقت لكم ماقالها ، انا افكر بيني وبين نفسي قلت حتى لو ماقدرت تكلم بالجوال ولو ماقدر يشتري شريحه ولو ماقدر يحمل برامج اتصال مجانيه وحتى لو ماقدر يتصل علي من واحد من جوالات اخوياه اللي معه اقلهاااا يحسسني انه معي واني على باله بالواتس اب يعني لو كان بينا مجرد كتابه اقلها احس بوجوده معي،، ويسولف ويعلمني باخباره ...!!!حتى اني تعبانه بالمستشفى لي يومين وتخيلو يقول لي الحمدلله على سلامتك بالواتس اب!! حتى لما درى اني تعبانه ماراح وقال بكلمها بسمع صوتها!! انا هنا حسيت انه مو زوجي اللي اعرفه ومتغير لدرجة غريبه وفيه شي ساحبه عني......... لدرجة اعوذ بالله بديت اشك انه مايبي اصلا يخلي مجال مفتوح للاتصالات عشان مااكلم بوقت مايبيه وياخذ راحته بامور غير لائقه وبنفس الوقت اتعوذ من الشيطان , لاني سمعت عن بلاوي هناك اعوذ بالله وهو رايح مع 3 من اصحابه وهو الرابع واحد منهم ماحبه ابدا ولا اثق فيها ابدا وراعي بلاوي وبنات وخرابيط وانا بصراحة ماني عارفه ايش طريقة التصرف الصحيحه! لاني جاني تبلد مو طبيعي تجاهه صرت اكلمه اقل من عادي لاني جربت اللين جربت اني اخزه بكلمه حتى قلته مع الكلام ولا فاد عجزت اعرف معنى السحبه!! وليه يقول مايسوى اكلمك  !!! ومع العلم انهم مغيرين سكنهم مرتين يوم مااعجبهم وماقال مايسوى مابقى على رجعتنا اربع ايام! مادري عجزت اعذر له .... مااقنعني!هو رح يجي بعد خمس ايام ايش اسوي؟ هل اكلمه اللحين او اصبر لين يرجع من السفر لاني عجزت القى له تفسير لان فيه اكثر من حل وحل والموضوع مايقتصر على اني مابعد شريت شريحه!!! هل هو فعلا مستخصر يشتري شريحه يكلمني ويكلم امه فيها!! او في سبب ثاني ، انا بديت اوسوس واحس انه في امر اكبر من كذا وقلت يمكن الامر بسيط وهو لاهي وماله خلق ولا ادري انتو وش رايكم خصوصا الرجال هل تشوفون الصح انه يسوي كذا ويقصر بحقي؟ |
28-11-2016, 06:47 PM
|
المشاركة الأصلية كتبت بواسطة Heart225
اسحبي عليه وانشغلي مع صديقاتك او اهلك واطلعي وفليها
وردي علي سلامه بسلام مثله وبس حقريه لا تسألين عنه ولا تسولفين معاه كلمة ورد غطاها حقرتك له راح تشغله وتخليه يسال طول ما انتي ورآه وتشرهين ووينك ما راح يسال فيك هو مستانس وانتي حارقه قلبك لو منك افلها واطلع ولا اقعد فاضيه دقيقه هذي فرصه ذهبيه لنفسك. دلعيها وانبسطي كلها خمس ايام. |
28-11-2016, 08:18 PM
|
المشاركة الأصلية كتبت بواسطة Heart225
اسحبي عليه وانشغلي مع صديقاتك او اهلك واطلعي وفليها
وردي علي سلامه بسلام مثله وبس حقريه لا تسألين عنه ولا تسولفين معاه كلمة ورد غطاها حقرتك له راح تشغله وتخليه يسال طول ما انتي ورآه وتشرهين ووينك ما راح يسال فيك هو مستانس وانتي حارقه قلبك لو منك افلها واطلع ولا اقعد فاضيه دقيقه هذي فرصه ذهبيه لنفسك. دلعيها وانبسطي كلها خمس ايام. |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
