جزاك الله الف خير اخي الرسمي

و الله ما اعرف انا اش ابغا منه هو وعدني انه يبعد عنهم و انه ما يفتح حسابات من وأريه و يقولي انت ما تعرفين السبب الحقيقي ل هذي الحسابات

بس هو في حسابه كان يعبر عن رائيه الحقيقي في أشياء ما يقدر يكتبها في حسابه الي باسمه

امس دخلت في نوبه بكاء جاء و حضني و يقولي ليش تبكين قمت قلت له بسبب موضوع الحمل و أني تعبت من المحولات الحمل
و انا ابكي في الأساس على طعنته لي

و صحيت اليوم الصباح حصلته مرسل لي رساله مفهومها انه ما يحب يشوفني حزينه

عموما لازوجك ولاغيره يستطيع ان يريحك..الجأي الى الله وحده القادر على ان يبدل حزنك فرحا ..ادعي ان يمسح على قلبك والنسيان مسألة وقت قد يقصر او يطول لكن بالنهاية ستنسين صدقيني..المهم لاتستسلمي لمشاعرك واقنعي نفسك ان ماحصل قد حصل ولن تستطيعي ان تعودي بالزمن للوراء لمنعه..انا لا ااتفلسف لكني احكي لاني مررت بتجارب اقتسم فيها الالم والخذلان والاحساس بالخيبة معك ولو بصورة مختلفة

و نعم بالله

و الله أني كل ما حسّيت نفسي مكتابه او فيني البكسه سجدت ل ربي

ربي يفرج همي و همك

وهذا انا استمريت بحياتي مامت ولا يعني اني لا اعيش صدمات او ان الالام توقفت نهائيا لكنهاالدنيا دار شقاء وتعب وزي مافيه يوم مر بيكون هناك ايام حلوة والراحة عند عتبة الجنة فقط

مرحباً أختي

الحقيقة زوجك واضح إنه يحبك ولكِ أهميه في نفسه .. وأنتِ كذلك واضح حبك الشديد لزوجك وتعبك النفسي من الموضوع .. اسأل الله أن يديم المحبة بينكما

رأيي الشخصي .. أن تصدقي زوجك حتى لو ظاهرياً وتحاولي أن تهدئي نفسك من الإنشغال بالموضوع

وحاولى أن تستغلي فرصة أن تكوني قريبة منه وأنت تبكي .. ثم تحضنيه وتفضفضي له أنك تعبانه من الموضوع وأنك واثقة فيه ومصدقته .. بس ترك أثر في نفسك وما حترتاحي إلا لما تحسي بالأمان وأنه أبتعد نهائي عن العائلة بكاملها وترجع حياتكم زي زمان .. ثم تقولي له لو تعرف قد إيش أحبك ومتعلقة فيك وواثقة فيك وحاسة بالأمان معاك حتعذرني وتعرف إني أخاف عليك من نسمة الهوا

ثم بعد ذلك .. حاولي خلاص أن تتوقفي عن البكاء وأن تجددي حياتك ويظهر عليك التفاؤل والسعادة والإهتمام به وخصوصاً العلاقة .



بارك الله فيك

جزاك الله الف خير اخي الرسمي

و الله أني اكتب و دموعي على خدي احس انه غدر فيني قهرني
انا حاولت اهتم و امشي الحياه بس مو قادره احس أني عايفته ودي كل شيء يوقف و كل واحد يروح في حاله. لاني عجزت أصدقه ما شاء الله اخوها في رابع يوم يعرفه أعطها حساب اخته !!! مفصفص تغريداتها فصفصه لدرجه حتى تغريداتها من 2013 مشيك عليها. يسال اخوها متخرجه من اي جامعه و هو ما يحتاج عارف كل شيء عنها !!! يبي يسوي تنبيهات ل حسابها على أساس كل ما تغرد يعرف !!! بعد ما صدته المفروض خلاص انتهي الموضوع على قولته هو يبي يوصل لها الصور يروح كمان يشيك على تغريداتها !!!

مع أني لما قلت لاخوي عذره صدقه و قال فلان مستحيل يسويها يقول يوم كنّا صايعين ما سوا هذي الحركات مو اللحين

بس انا عجزت اصدق و الا ابلع الموس و اسكت
هو جالس يحاول ينفذ كل شيء ابيه بس احس النفس عافت

يا أختي ما تمرين به طبيعي جدا..وأي وحدة بتكون مكانك بتنقهر جدا..لكن ما الحل في رأيك..انت تحبين زوجك وهو يحبك ولا تريدين الفراق..الحل هو الدعااااااااء..لا تيأسي أختاه..ممكن تقولي مالي نفس ادعيله وهو ما يستاهل..ادعيله عشانك وعشان ابنك في الاوقات المجابة وتصدقي بنية هدايته وربنا يعصمه من الفتن ما ظهر منها وما بطن ..وترى زمنا يخووف..وأعرف شخصيا رجل متدين جدا قريب لي وزوجته اكثر من اخت انفتن فترة من الزمن بالنساء وصار يغازل وعلاقات بالتلفون وزوجته انجنت وتقول الحقوني مصدومة واستغربنا منه جدا ﻷنه كبر على هاﻷمور وايام مراهقته كان متدين ..لكن وسائل الاتصال الحديثة اصبحت تفرق بين المرء وزوجه....ثم بعد فترة عاد إلى رشده ..ما أسمعه من زوجة هذا الشخص أنها تقول أنا أضغط على نفسي حتى لو كنت مقهورة من زوجي وأدعو الله أن يسخره لي وﻷولادي وأن يعصمه الله من الفتن ما ظهر منها وما بطن..وأن يكفيه الله بي ويكفيني به..وأتيقن اجابة الله لدعائي ..والحمد لله أمورهم مستقرة ربنا يصلح حالكم

ام عمر جزاك الله الف خير
و الله انه قهر لدرجه احيانا أفكر اسوي فيه زي ما سوا فيني بس أقول ما يستاهلون أبوي و امي أضيع تربيتهم فيني عشانه
الله يهديه
انا حاليا أفكر أتوظف و أكون نفسي بعدها باطلب الانفصال هذا الي أفكر فيه لاني ما اقدر أعيش معه بهذي النفسيه أشك في كل شيء أشك في اتصالاته أشك في خروجه حاله لا تطاق

واضح هدفه الزواج بس مادام هي ماتبادلة نفس الشعور ولا مهتمه فيه تطمني وعادة الحرمة اذ شافت رجال يلاحقها زي طريقة زوجك تنفر منه مهما سوى وحاول وزي ماقالوا لك البنات لايدري انك تعرفين لانك بتقصرين عليه المشوار ويصير كل شي قدامك مالك الا تدعين ربي يصرف قلبه عنها ولاتتابعينهم علشان ماتتعبين نفسيتك لان اخاف يصير موقف يستفزك ويبين عليك او تكلمينه و ذا الشئ مو في صالحك