اقتباس:
المشاركة الأصلية كتبت بواسطة abo marym
ربينا يكرمك يا رب
ويحفظك ويثبتك
وانا تحت آمرك فى
اى وقت ان شاء الله
طيب هو بطل الحمد لله
واتمنى ان تكونى انتى ايضا
قد توقفتى نهائى
طالما قد انصلح حاله
اذن لا مانع من فرصة
آخيرة له
ولكن يجب ان يكون رجل
ويعمل ويعتمد على نفسه
لان اهله لن يعيشوا له
العمر كله
اعتقد ان ما بك من خوف
لانك بداخلك تعلمى انه
هو الوحيد من يوفر لك
احتياجك عند ضعفك
ورجوعك لهذه الاشياء
وهذا فى حد ذاته مصيبة
توجب الابتعاد عنه
هداه الله وصرف عنكم
كل سوء وكل شباب المسملين
ابنتى انتى بحاجة الى موقف
صارم بدون ضعف وتردد
استخيرى الله عز وجل
وهو سبحانه لن يضيعك
اتمنى منك المداومة على
قرآة سورة البقرة مرة كل يوم
وبعد اسبوع انتظر تخبرنى
بالتغير الذى شعرتى به
|
ربنا يجازيك كل خير ويسعدك دنيا وأخرة ويرزقك الفردوس الأعلي
للاسف انا لسة لم انتهي من هذه المصيبة بس باخد اقل حاجة ممكنة لم تصل لقرص بس عشان تسكين الالم بس اكيد مش هستسلم لوضعي والتحاليل اثبتت اني مش عندي أي مشكلة في الإنجاب وكشفت كتير عند دكاترة معروفين وكلهم اكدو اني سهل انجب بعد مشيئة الله
وبالنسبة اني اخد قرار صارم انا فعلا محتاجة ده جدااااا لانه بيستهبل هو اه بطل المرة دي بجد بس لسة زي ما هو حتي انه حن عليا ووداني اكشف واعمل تحاليل بالعافية والله وهو اه بعد ما عرف نتيجة التحاليل مش راضي يعيده ولا يكمل وعمال يأجل ويوعد ويخلف
انا بشتغل وهو قاعد ع السرير بكسب فلوس وهو بياخد من اهله كل الناس حواليه بتبني حياتها وهو متمسك بأمل هو متأكد انه مابقاش ينفع يعمله بس للاسف مش قادرة اعمل اي خطوة برده حاسه اني متكتفة شايفاه كويس وممكن يبقي احسن من غيره من تفكيره وكلامه بس مش بشوف منه أي فعل
متأكدة انه عمره ما خانني وده مخليني متمسكة بيه لان كل اللي حواليا خاينين ممكن اي حد يشوف انه مكانش أمين عليا وانه سبب في دخولي هذه الحياة بس هو كان ضايع مكانش عارف بيعمل ايه ومكانشدمتوقع نتيجة افعاله وانا اللي انجرفت في الطريق ده بكل لا مبالاة وبصراحة متوقعتش اني مش هعرف اخرج من الدوامة دي الكل مستغرب من اني مستحملة العيشة بالشكل ده امي زارتني في رمضان بعد ما مشيت قعدت تبكي لاخواتي اختكم فيها حاجة ازاي عايشة كده دي مدفونة لقتني متبهدلة وكل كلامي بعصبية وعماله اتخانق معاه وبيتنا ظلام حتي الإضاءات مكسل يغيرها هيموتو ويعرفو سر تمسكي بيه امي قالتلي لو ماسك عليكي حاجة قوليلي وانا هسامحك واداري عليكي حلفتلها لا عشان اريحها قلتلها لو سبته اضمن منين اتجوز تاني ومتبهدلش وقلتله حجج فارغة صدقني انا لو عارفة نفسي ولا عارفة حتي انا عايزة ايه كنت فعلا خدت قرار اعدل بيه حياتي
يمكن فكرت ان عدم الانجاب حجة اهرب بيها من حياتي دي بس مش عارفة برده خايفة من كل حاجة
وانا هعمل بنصيحة حضرتك وهبدأ من اليوم بقراءة سورة البقرة وابلغ حضرتك بالنتائج