المشاركة الأصلية كتبت بواسطة حبق

اعتقد ان اللي بقلبك" ليه كل مره انا الغلطانه وانا اللي اتكلم وافتح حوار ليه مايبادر مثل ما ابادر ..ليه يقدر يجفاء "
الرجال على ان الحلول قدامهم وبسيطه كلمتين حلوين مع ضمه تنهي ازمه
بس يتكبرون عنها باسم الرجوله وتبي تكسر راسي
واحنا بكبرياء الانثى نحترق بصمت
عاد اللي يبادر هو الاقوى
قلوب: تعودي تطنشين اللي بقلبك لا تشيلين ولا تكبرين المسأل بينكم ولا بتكبرين بسرعه و الطاقه السلبيه تملى بيتكم ..
ترا انا كنت مثلك بالايااام جفاء وتوصل لاسبوع واحيانا ترجع لي الحاله .. واخرها قبل اسبوع ههه

الله يسخرهم لنا

المشاركة الأصلية كتبت بواسطة *علو الهمه *

السلام عليكم ورحمة الله وبركاته ..
الكريمة الحائرة ..
لابد أن تعلمي الرجل تفكيره ليس كالمرأة يحتاج الوقت المناسب كي تتحدثي معه فليس كالمرأة نتحدث لمن نريد وفي الوقت الذي نُريده ..
تركيبته البيولوجية والنفسية تختلف عنكِ ياكريمة ..عادة يختار اللغة بدقة وواقعية فليست كلغتكِ فيها عاطفة لو تلاحظي نبدأ أنا بحس أنا ووو هكذا نحن بنستخدم كلمات عامة لكن لو خصصتيها يفهمها فحوراكِ العام ياحائرة يقضي على الحوار نفسه ثم تعودي منكسرة بسبب أسلوبه ...
بدل مايكون حوار كي يتحقق الإنسجام بينكما ودافىء بتحول سلبي ..
لازم تنتبهي تشعريه بإنك تفهمين أكثر منه وأنت الصواب وهو الخطأ ..
ابدئي عباراتكِ أنا أثق برأيك لكن مارأيك إذا كان هكذا ..
في حواركِ كوني صريحة واقعية كي ينسجم زوجكِ معكِ ..
ولغة الجسد ستساعدكِ كثيراً على جعل الحوار بينكما هادئاً ..
لا تتحدثي بصيغة أنا المتكلم خليها نحن ولو أصر على موقفه حاولي تتفهمي سبب ذلك واشرحي شو سلبيات ذلك وإيجابيته ..
الثناء الثناء الثناء المدح سيساعدك كثيراً على كسر الحاجز بينكما وتعبرين عن رأيك بكل حرية ومستمتع لحديثكِ ..
أسلوب الفرض هذا أبداً لا تحاولي تستخدميه معاه ..
اعلمي ياحائرة لمن تتحدثي زوجكِ ينظر لعينيك ويديكِ لهذا كما قلت مسبقاً لغة الجسد أثناء الحوار ستساعدكِ جداً ..

فيه مقطعين يوتيوب لدكتور أجنبي مارك جونجر عن عقلية الرجل والمرأة جميل جداً هذا سيساعدكِ على تفهم الإختلاف الذي بينكما حينها ستتفهمين زوجكِ وما يحدث بينكما ..

وفقكِ الله ..

المشاركة الأصلية كتبت بواسطة ظل الياسمين1989

يمكن اسلوبك مستفز
او اوقات الحوار غلط
يعني يكون راجع من الدوام تعبان او فيه النوم
غالبا" الازواج مايحبون يفتحون دفاتر قديم او مشكله صار لها اسبوعين
وبالاساس مايحبون الحوار انتي اذا فيه شي مضايقك قولي له بعد المشكله على طول وياليت في نفس اليوم
مايكون شي صار له شهر او اسبوع

المشاركة الأصلية كتبت بواسطة غرناطة

ماشاء الله يبدو أنك قوية في الموقف نفسه بدليل أنك تستطيعين تأجيل النقاش والمبادرة في إصلاح الوضع ظاهريا

يبقى كيفية توصيل إستيائك
سأفرض مشكلة معينة مثلا وبخك زوجك بسبب إهمالك لنظافة طفلك
- ياقلوب الولد ملابسه قذره كيف ترينه بهذا الوضع ولا تبدلين له؟
- حسنا كنت سأبدل له لكن انشغلت بإعداد العشاء
- ليست المرة الأولى كل يوم تتفننين باختلاق الأعذار
- طيب ولكن لا تنسى أن علي تنظيف المنزل واعداد العشاء كما أن طفلنا ماشاء الله حركي و..
- كل النساء يمتلكن نفس الظروف لكنك مهملة لا تجيدين الا الكلام والتبرير ليس لديك إداره جيده للمنزل وخساره فيك أن تكوني أم
(هنا النقاش بدايته سبب تافه لكنه تحول لكلام قاسي لا تحتمله أي زوجه كما وأن لديك الكثيررر من الكلام لتقوليه لكن أجلي كل شي وقولي حاضر واللي تبيه يصير) وقومي
الرجل مو جدار سيخبره عقله أنه قسى عليك وجرحك لكن ظاهريا سيكابر
قومي بمهامك كامله ثم توددي وتقربي عادي وبعد كم يوم إذا صار جوكم صافي أخبريه بأسلوب أنثوي (بضحك أو بدلال أو حتى بتأثر وحزن) أن كلمته "خساره تكونين أم جرحتك كثيرا" وأنك شعرت بالقهر بسببه وصدمك جدا و و أخبريه بمشاعرك فقط لو أراد أن يناقش إهمالك قولي أعرف كل شي وما أبي نعيد السالفة أنا أقولك إني تألمت بس وإني انصدمت إنك أنت أبو عيالي وأعرف الناس بحياتي تتهمني بهذا الشيء
فقط مشاعرك وصلت ومره بعد مره سيعرف أن الكلمات لا تستفزك فقط تحطمك من الداخل وتحزنك

اتخذيه أسلوب في حياتك وصدقيني الحلم بالتحلم وستكون الحياه أهدى وحتى المشاكل بعد كم سنه ستعالجونها باحترام بالغ ومراعاة لنفسيه بعضكما
أما لو كثر جدالكم وتعودتوا على جرح بعض بالكلام كل مشكلة ستكون أكبر من التي قبلها وينزع الاحترام بينكم

الله يوفقكم ادعي الله كثيرا أن يدلك على الخير

المشاركة الأصلية كتبت بواسطة الـــوحيد

اختي فيه اساسيات في النقاش
اولا ضروري اختيار الوقت المناسب للنقاش
ثانيا اغلب الحريم عندهم مشكله واللي هي انها تقلب البيت محكمه يعني خلال النقاش مثلا زوجك يقولك شي يشوفه يضايقه منك اغلب الحريم تجلس تدافع عن نفسها وتبرر بكلام يمكن حتى هي ماتكون مقتنعه فيه
والمفروض انها تاخذ كلامه وتفكر فيه مع نفسها واذا انه فعلا صحيح كلامه تحاول تعدل من نفسها واذا خطأ تشوف ليش هو يقول كذا
وطبعا كلامي حتى للرجال
ثالثا الناس اختي مو واحد فيه اللي الله عطاه قوة حجه يسكتك حتى لو كنتي على حق
ويمكن هذا النوع اللي يشتكي منه بعض الحريم وهو اللي ماتقدر تناقشه لانه يغلبها بالكلام ويسكتها وبنفس الوقت تحس انها ماتقدر تعدل من الوضع المزعجها لانها ماتقدر تقنعه بالخطأ الحاصل

المشاركة الأصلية كتبت بواسطة نرجسيه..

انا اللي لاحظته ان الرجل ما يحب يتناقش في المشكلة مع الوقت راح ترجع المياه لمجاريها وممكن ياخذ وقت
الا اذا انتي فتحتي النقاش
وحاولي تمسكي نفسك مو كل مره تبكين انا مثلك بكايه بس ما ابغاه يتعود على دموعي وتسير عادي

المشاركة الأصلية كتبت بواسطة هدوء حالم

اختي الكريمة .. تقريبا حالتي تشبه حالة زوجك 90% غير اني احب ان اكون من يبادر في الاصلاح دائما وليس العكس الا اذا كان الخطأ كبير.
وعني وبكل صراحة أرى ان زوجتي ليست سهلة ولا ترضى الا بكلفة وعندما تفتح موضوع للنقاش
أحاول ان اتجاهله لأنه غالبا يلمس أماكن حساسة لها مبادئ تهمني وانا لا اتنازل عن مبادئي واذا تنازلت فهو من أجل اختصار الموضوع وتفاديه لكي لا اتفاجئ بمشكلة اخرى أي نعم اعتبرها مشكلة وليس موضوع اخر لأنها وبكل صراحة تفتقر لما أتمناه فانا اتمنى أن تشعر وتفهم احاسيسي بدون إخبارها بذلك
فالمشكلة غالبا هناك مشاعر واحاسيس تخص المواضيع التي تفتح غالبا من جهة الزوجة والله اعلم اختصرت وفي القلب الكثير .