المشاركة الأصلية كتبت بواسطة زين ابيها

لا تشتكين لأخوانج لأن هذي فرصة لهم
عشان يضغطون عليج من باب ان نبي نحمي فلوسج من ريلج
واحد من عمامج كفاية

المشاركة الأصلية كتبت بواسطة Neat Man

يا أخوان وأخوات، سمورة تمر بمنعطف مهم جداً ومحوري في حياتها، لذلك من الحكمة أن نحسب شوي لكلامنا.
البنت تحت ضغط رهيب من شهر حول هالموضوع، وماصدقت خبر أنها تنفذ بجلدها وتاخذ حقها من أخوانها، إلا ويجي على الخط زوجها، وبغض النظر عن نيته وعن أهدافه اللي وحده الله يعلم بها، واحنا مالنا إلا نتوقع ونخمن، وربما نصيب وربما نخطئ وربما ندلي بالرأي الحكيم وربما نكون طريق عثرة ونقودها لطريق خاطئ.

البنت تحت ضغط رهيب نظراً لظروف كثيرة أولها هي بالميدان لوحدها، وتحتاج حكيم قريب منها يوجها ويسندها.

صراحة ردودكم في موضوع السلسال جداً تحير الواحد وتخليه يفقد بوصلته، أنتم مع كل الاحترام لحسن نواياكم في الردود من جهة، وأخوانها من جهة، وزوجها من جهة، لو أحكم وأعقل الناس كان يضيع بين كل هالاتجاهات.

سمورة أنتي بين عدد كبير من الآراء، منهم من يضغط عليك منهم من يلومك منهم من يوجهك الوجهة الصحيحة منهم من يوجهك الوجهة الخاطئة وهكذا..

تحتاجي هدوء أكثر، تحتاجي شخص تلجأين إليه وتناقشين الموضوع معه بهدوء في هذا المنعطف الحالي.

بالنسبة لزوجك أنتي عطيتيه بطاقة الصرافة لكنه لايستطيع أن يسحب منه إلا عشرين ألف ريال بالكثير إذا أنتي فعلتي التميز، أما إذا مافعلتي فلن يسحب أكثر من خمسة آلاف ريال، هذا إذا سحب من دون علمك، ولايقدر يسحب من البنك ولا ريال بشكل مباشر من دون موافقتك.

أنتي الآن في منعطف مهم جداً، أكيد هناك بعض الناس يملؤهم الطمع.
يهمني كثير توازني ردود فعلك في الوقت الحالي مع زوجك وتكوني حكيمة أكثر، لتمر السحابة من فوقك بهدوء.

أنا ودي أناقش معك الموضوع بشكل أكبر، وعندي بعض التوصيات والنقاط المهمة اللي احب اقولها.

إذا حبيتي نفتح موضوع خاص بيني وبينك في قسم الاستشارات الخاصة، وتنسقي مع الادارة حقت المنتدى بهذا الخصوص فأهلاً بك.
إذا حبيتي في قسم ساعدني ويطلع عليه الجميع فأهلاً بك
إذا حبيتي في موضوع ويشارك فيه الجميع فأهلاً بك.

رغم أني أرى أن تعدد الآراء والمشاركات أحياناً تكون مفيدة جداً، وأحياناً تشتت، حسب نوعية الردود وحكمتها.

وفقكِ وحماكِ الله.

المشاركة الأصلية كتبت بواسطة Deem.fh

بالظبط مثل ماقالت زين واحد من عمامك يكفي .. و يكون عم تثقين فيه و الموضوع سري ماحد يعرف عنه غيرك انتي و عمك بس يتفاهم معه

المشاركة الأصلية كتبت بواسطة سموره ☆

لا اخي مافعلت التميز... والى الان ماسحب شي لان ماجاني رسايل ..

في قسم ساعدني ممكن !؟

المشاركة الأصلية كتبت بواسطة الـــوحيد

بالنسبه لرسائل الجوال يقدر يغير رقم الجوال عن طريق الصراف
طالما ان البطاقه معه ويعرف الرقم السري
عشان كذا اقولك شيكي على الهاتف المصرفي ولاتنتظرين رساله