اذربيجان .. احد سافر لها .. ؟؟
السلام عليكم
اشلونكم ؟
شو اخباركم ؟
شهر 8 القادم باذن الله كنت مقترحه على زوجي انا نسافر لأي مكان
وكان الاهم عندي اني اجرب مكان يديد مو رايحت له قبل
فسمعت عن وجهه توها جديده واللي اهي اذربيجان
ابي اعرف اذا احد سافر لها وشنو كان انطباعه عنها
يعني مثلا شنو طبيعتها وكم يوم يبي لها وهل تستحق ان الواحد يتعني عشان يروح لها
انا اللي سمعته انها قريبه جدا منا . يعني ساعتين طيران وهذا الشي رايح يسعد زوجي لانه يشعر بغثيان ولوعه وقت نكون في الطياره . فكل ما كانت الرحله قصير كانت احسن .
بس مو معناته اذا البلد ما تستاهل اني اروح لها بس عشان قصر المسافه .
لا انا ودي اطلع اغير جو واتسوق وزوجي وده يغير جو بعد بس ما يبي يتسوق ادري ^_^
اتمنى تفيدوني ولو بشي بسيط
وشكرا لكم