المشاركة الأصلية كتبت بواسطة كنافة بالجبن

وللأمانة هذي اول مرة يعملها من تزوجنا
وقال لي بالتلفون انه يفكر فينا لانه ماتعود
قلت: وان شاء الله ماتتعود
ارتبك وقال: ان شاء الله

المشاركة الأصلية كتبت بواسطة كنافة بالجبن

الكلام اللي افضفض فيه هنا شي
وتصرفاتي معه شيء ثاني تماما
انا جالسه اعامله برقي وطيب ولين
ودعته قبل يسافر ودعيت له
ولا دقيت عليه هو اللي اتصل
ولا عاتبته بس قلت له تعبانه
واذا رجع بعامله بالحسنى
وابصير له مثل مايبي واكثر
لان هو ألزم ماعليه راحته ووناسته

لكن افضفض لكم لاني مكتومه
حتى اهلي أحاول ابين لهم اني سعيدة
وانا من داخلي متضايقه
العيد المفروض لي ولاطفالي
اذا زوجي بيسافر مع زملاءه قبل الزواج براحته
بعد الزواج له شريكة حياة
المفروض وناستنا مشتركة.. والا انا لي النكد بس؟
لو هو مسافر شغل والا دراسة والله ماتكلمت
بس مسافر سياحة وراميني مع الأطفال
والله العظيم اني بالعه جمر وساكته
ولحد يقول لي في رجال يعملون كذا
انا بداخلي ما اعتبرهم رجال
والا سواليف القوامة بس على الأوامر والطلبات
انا مسؤولة منه بالحلوة والمرة
وللأمانة هذي اول مرة يعملها من تزوجنا
وقال لي بالتلفون انه يفكر فينا لانه ماتعود
قلت: وان شاء الله ماتتعود
ارتبك وقال: ان شاء الله

انا ماعندي مشكلة أكون مركونه عالرف
لو هو يرضى لي اتوظف واشوف حياتي
لو يسمح لي اطلع مع سواق
او عالاقل اطلب وجبه واستملها عالباب من رجال
أمور كثيره يرفضها بحجة الغيرة
بالعربي يخنقني ويروح يهيص برا
ولو بلمح لأي شيء قال: انا رجال! لاتقارني نفسك فيني!
مالكم كيف تحكمون
نظرته لي كمرأة ان دوري بس ابتسم
واضف العيال واكتم قهري
دور المأساة اللي عاشته امه مع ابوه لازم اعيشه انا
وهالشي انا مو متقبلته
بس حاليا جالسه افكر باستراتيجيات جديدة
لان المواجهة ابدا ماتنفع معه
وسفرته ذي بتكون حجر الأساس لاشياء كثيرة

سبحانك اللهم وبحمدك اشهد ان لا اله الا انت استغفرك واتوب اليك