اشكرك على ردك. . وعلى تشجيعك لي 💜
مادري انا ما افكر اتواصل معاه حتى لاتحصل مشاكل بيني وبينه ...
ولاكن بناتي ملو و يقولون ماما ليش ماتروحين معنا للبيت .. انا افكر بهن وبنفسياتهن وراحتهن
اما اني ارد على رسايلة او اتواصل معاه فهذا شي انا ما افكر فيه ابدا. .
اذا بتواصل معاه بخلي اهلي يكلمونه ويقولون له شروطي و يتعهد انه يحترمني ومايلزمني بشي لأهله. .
مع انه كم مره قالو له ولاكن لاحياة لمن تنادي ..
وابغى اشترط شغالة للبيت لانه رجل يبحث عن الزله بالبيت ويقول شوفي وصاختك .. وانا والله العظيم وبالله احلف اني اهتم بالنظافة من ابسط الاشياء الى اعلاها .. واحاول دائما ابخر البيت وانظفه .. وهو يرمي اغراضة وملابس ولما اانبهه على شي يعصب مني و يقول واجبك تنظفين والحمامات اعزكم الله وانا عندي اطفال المفروض يقدر والبيت صغير وشقة دائما يتذمر ..
تعبت منه ...
لذالك افكر في شغالة تساعدني وتصير تنظف وانتم عارفين اني عندي اطفال غير الطفل الجديد الي جاي بالطريق وغير مسؤلية الطبخ مع العلم اني يوميا اطبخ لة ولازم كبسة و سلطه ولحم و يذمر يقول ليش ماتنوعين بالاكل مره بخاري ومره برياني ومره مقلوبه ... وفوق هذا يسوي مشكله بعدين يقول خلي الاكل لك بروح اكل مع امي .. ويطلع ..
هذا غير نفسيتي الي تتعب منه ومن اسلوبه الزفت ... وحالتي تصير بس بكاء اربع وعشرين ساعة
مع انه كان موافق انه يجيب خدامه وكان مطلع تأشيرتها لين زعلت عليه امه وقالت ليش تجيب لها ليش تخليها تمشي كلمتها عليك ليش اي شي تبيه تنفذه لها ... وسمعتها بأذني
وسمعت بأذني ولما كلمتها وقلت لها مايصير تتدخلين في امور بيني وبين زوجي انتي امه وعلى العين والراس لاكن الي تسوينه مايرضي الله وخلقة ..
قالت انا ماتدخلت .. انتي بس غاثة ولدي بالليل والنهار وماتحترمينه وهو يشكي علي يقول انا مااقدر اجيب لها شغاله وهي ماتقدر ضروفي وتجبرني ...
وانا ما اجبرته ولا شي ولا قالي ما اقدر .. ولما صارحت زوجي رفض وقال انا ماقلت هالكلام وحلف امامي .. وقلت له مو كل شي بحياتنا تخلي امه تعرفه و تتصرف بحياتنا على كيفها..
ومن يومها واي خلاف يحصل يقولي تحلمين اجب شغالة ..
انا ابيها مو عناد ولاكن حتى مايصير له حجه بشي ..
والله تعبت فوق ما انا تعبانه.