أؤيد كلام اختي مريم ، اسلوبك وكأنك المخطئة بكل هالشي هو خاطئ ..
لاتسترضينه على شي مالك ذنب فيه ،، نعم الواحد يواجهه ضغوطات لكن ماتوصل لدرجة انه يخلي اللي امامه ممسحة على الرايح والجاي ويفقده ثقته بنفسه .. كوني حازمة قليلا برفضك لعباراته لانها راح تؤثر بدرجة اولى عليك وبعدها على احترام اطفالك لك ..

وبوقت صفاء ،، صارحيه بهدوء باللي في خاطرك واسأليه هل فعلا يعتبرك مقصرة ؟ .. اتوقع عصبيته مو بس من ضغط العمل وانما من حركة اطفالكم الكثيرة وهالشي ينحل بانج تخترعي لهم برنامج وانشطة ينشغلون فيها وايضا العاب تساعدهم على التركيز وتهدأهم وهالشي فايدة لهم اذا كانوا بالمدرسة ،،،

غالبا يكون النقد الجارح صحيح.
اجلسي جلسة هادئة مع النفس.
واسألي نفسك وكوني صادقة معها
هل فعلا نقده صحيح..
هل تهملين بيتك واولادك؟
كمان ذكرتي نقطة عن موضوع الحمل
بعدين ناقضتي نفسك........
وفي البداية سويتي شيء ايجابي ذكرتي مزايا حسب وجهك نظرك. وهذا شي طيب منك. لكن بالنسبة لي اراها عيوب.
وهي انه يقدم رضا اهلك على رضا اهله.هذا غلط كبير ولايحسب ميزة.
ضحي اليوم برضا اهله وزعل من اخوه علشان اطفال بكره يضحي بغيرهم...............
ويظل كلامنا وجهات نظر!!!!!!!

شوفي ياحلوه زوجك يبي منك اهتماام وشوية كلام حلو جربي وتشوفي بدليل إنه يقول ماتهتمين في عيالي ويهدد بالزواج

هيه من امس ما اكلمه ولا اركض وراه .. صرت عاديه جدا .. وهو مواصل لايكلمني ولا يطلب مني شي يطلع من البيت الصبح للدوام ويرجع فاليل وقت النوم .. بشوف شو اخرته.. ان شاء الله يرضى من نفسه

ان شاء الله حبيبتي بحاول سوي الي قلتي .. مع ان مول مايسمعني ولا يعطيني فرصه اتكلم..

اشكرك على ردك

بس انا اشوف نفسي مهتمه بعيالي ومهتمه فيه وهو دايما يشوفني مقصره .. اما الزواج فهو يبي يتزوج عشان يبا عيال اكثر .. وانا وعدته بيب له عيال باذن الله والله يرزقني هو يبيني احمل ورا بعض وانا اشوف هالشي صعب وتربيتهم جدا صعب .. وعشان رضاه بحمل .. هذا اذا رضى علي وتقرب مني