السلام عليكم ورحمة الله وبركاته
والدي رجل الرجال (انا قلت والدي لان حضرتك قلت ابنتي مش قصدي اكبر سن حضرتك ولا حاجة وحضرتك كبير بالمقام)
انا كتبت باسمي لان الادارة مردتش عليا في ان ده ممنوع وكل الكلام اللي هكتبه كلامها بالحرف والله شاهد عليا
_
السلام عليكم ورحمة الله وبركاته
انا اسفة تعبتكم معايا كتير بس ربي يعلم اني ماليش غيركم وانا في متاهة مش عارفة اخلص منها ابدا وبشكر كل الاخوة والاخوات اللي ساعدوني ولكن للاسف مقدرتش اكمل في طريقي ضعفا مني مش من غيري انا استعنت بحضرتك الوالد رجل الرجال لما رايته من حكمتك في مواضيعك ومعرفتك بالعوامل المؤثرة في نفسية الانسان وكان نفسي من زمان حضرتك تقولي رايك بس الفترة دي كنت غائب عن المنتدي ساعدني الاستاذ ابوحكيم والاستاذ ابو مريم والاخت سقيا ساعدوني كتير وكان نفسي اكمل الطريق وفعلا بطلت بصعوبة رهيبة وبالتدريج الممل بس ربي يعلم اني مش رجعت لاي مخدر تاني الا الترامادول هو مشكلتي مش عارفة ده نفسيا وبوهم نفسي انه من شدة الالم ولا فعلا من الالم الرهيب اللي مش بنام منه جربت كل المسكنات مفيش حاجة سكنت الالم الا التراماول اللي بندم في كل لحظة اني خدته والفترة اللي بطلتها معدتش شهر ورجعت لاني مكنتش بعرف انام من الم رجلي كنت بصحي ب3 ايام ومعرفش انام الا اما ببقي قاعده انام علي نفسي لاني متعوده علي عدم النوم ايام متواصلة بسبب المخدرات لو حضرتك قرأت موضوعي هتعرف ان زوجي كان السبب الرئيسي في اني اخد جميع انواع المخدرات وبعد كده انا بقيت امنعه انه يبطل بسبب عدم مقدرتي علي ده لحد ما اكرمني ربي وبطلت المدة الاخيرة دي ذهبت لاطباء كل مسكنات الروماتيزم مش جايبة نتيجة معايا وبصراحة مكنتش بتابع معاهم انا عندي مشاكل نفسية كثيرة حياتي كئيبة كلها مرض ونكد مفيهاش حاجة حلوة واحده الا اما بصلي واسجد لربي ده الوضع الوحيد اللي بيريحني بس للاسف من تعبي ومرضي مش بقدر اتحرك حتي وانا واخدة الترامادول لان جسمي اتعود عليه وباخده مسكن فقط فمبقدرش اصلي غير الفروض دايما بسمع قرآن بحاول اطمن نفسي باي حاجة بس برده جليسة الفراش ولا حتي بنظف الشقة وزوجي اللي بيعملي اغلب الاكل وانا بعمل اضافات بسيطة دايما حاسة اني عندي 90 سنة محتاجة عشان اتحرك حد يسندني ويقومي وده نفس شعوري الداخلي حاسة ان جوايا عجوز اوووي مش عارفة اعمل ايه عشان اتخلص من الحياة دي نهائيا نفسي ارجع اعيش بقالي اربع سنين ميتة من اول زواجي يعني كنت باخده فترة الخطوبة بس مكنتش كده كان كلي نشاط وحيوية ويوميا بخرج وعندي اقبال علي الحياه دلوقتي مش عندي اي احساس باي حاجة حلوه كلها حياتي سودااااااااااااااااااااء ازاي اقدر اتخطي احساسي بالعجز وواقدر يبقي عندي ارادة واهداف تقويني ازاي اطرد العجز من اعماقي وقلبي وارجع شباب نفسيا قبل خارجيا انا اسيرة عجزي اللي زرعته بايدي طبعا زوجي رجع ياخد ترامادول زيي بس عنده ارادة يبطل وبطل من اسبوعين ورجع تاني وبيخرج يروح الجيم يلعب رياضة برغم انه برده معندوش اي استمتاع بالحياة وكل هدفه يبطل وبيحاول ويسعي بس انا مش عارفة ابقي زيه وانا كويسة ومش بتالم بقول هقدر اول ما اتالم احس اني مهما عملت مش هقدر قولي راي حضرتك ايه اعمل ايه وجزاك الله كل خيرا وربنا يكرمك ويسعدك دنيا واخرة ويرزقك الفردوس الاعلي

ابنتي الكريمة
هدفك كريم وربك رحيم ويستحي ان يرد السائلين وهو يحب لك الايمان ويكره لك العصيان.
بداية
اذا وضعنا رضا الله هدف لترك هذا الادمان نحصل على الفوائد التالية
1- يعينك الله على الوصول لهدفك.
2- يجعل لك مخرج من هذا الضيق بقدرته.
3- يرزقك من حيث لا تدرين من اين جاء هذا الرزق.
4- يعوضك الله بخير مما تفقدين.
وهذا بعد يقينك ان الله قادر ومحب ويزيل العسر بيسرين.
فقط نحتاج للنية الصادقة ان نتوقف عن الادمان لله وحده وخوفاً منه وأملا به فلا يتعلق قلبنا بترك هذه الامور لغير الله.
لذلك نبدأ ببرنامج بسيط وسهل باإذن الله.
وهو التزام الصلاة بكامل سننها وقيام الليل ونبكي بين يدي الله عز وجل ونسأله اليسر بعد العسر والفرج بعد الضيق.
مع الاخذ بالاسباب من تنويع الاكل الطارد للسموم والتوقف التدريجي من هذه الامور فكلما اقتربنا لله فسيعيننا الله.
قال الله تعالى
(ومن يتق الله يجعل له مخرجاً ويرزقه من حيث لا يحتسب) وبعدها
(ومن يتوكل على الله فهو حسبه)
إن الله بالغ امره سيجعل الله لكل شيئ قدرا) والمعنى والله أعلم من يضع حاجته بين يدي الله وهو يخاف من الله ويلتزم امره يكون الله هو الذي يقضي حاجته ويوسع في رزقه ويكون وكيلا عنه ضد غيره. ويتابع موضوعه حتى يتيسر.
هذا الكلام ليس تصوفا او روحانية كما ييسمونه بل هو دين عقيدة وتطبيق عمل والنتائج مضمونة.
كن مع الله يكن معك.
هذا جانب
الجانب الاخر.
هو
يؤمن كل مسلم بأن الدنيا عمل ولا حساب
والآخرة حساب ولا عمل
وسيجد نفسه يوم القيامة عاريا امام الله عز وجل يسأله انعمت عليك بالصحة لعبادتي فما فعلت بها
انعمت عليك بالمال لتنفقه في مرضاتي فبماذا انفقته
وغيرها من الاسئلة وهذه حقيقة واقعة لا محالة غير سؤال القبر لذلك استشعار عظمة الله تجعلك تحافظين على الامانة التي حملك اياها في بدنك ومالك وغيرها لطاعة الله فتجدين القوة من الله في ترك كل ما يغضبه منك ومنه الادمان.
نسأل الله لك خاصة وللمسلمين والمسلمات عامة ان يقي الجميع كل شر وييسر لك ولهم ولنا الأجر والعافية وان يبدل كل عسرٍ بيسرين.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

السلام عليكم ورحمة الله وبركاته
صدقني يا والدي وربنا شاهد عليا انا بتحسر علي حالي وكرهت نفسي بسبب الحياة اللي انا عايشاها ذل واهانة بتصعب عليا نفسي ليه عملت فيها كده ودايما بسمع قرآن ولما اسمع سورة الانسان من الشيخ عبد العزيز الزهراني بيقولها بطريقة بتحسرني علي نفسي اكتر بحس اد ايه انا حارمة نفسي من متع الجنة ورامية نفسي للعذاب في الدنيا والاخرة وهدفي الاول اني ارضي ربي لاني مؤمنة باعلي درجات الايمان ان مفيش سعاده ولا دنيا ولا اخرة الا برضا الله وازاي ربنا هيرضي عليا وانا كده مقصرة في حق ربي وحق نفسي واهلي وزوجي مفيش اي حاجة ولو صغيرة كويسة في حياتي وعندي رغبة رهيبة في اني ابقي كويسة وطول الوقت مكتئبة حتي وانا واخدة ومش حاسة بأي الم بس برده عدم رضايا عن نفسي وحياتي لما أمي واخواتي عينهم تبقي في عيني ويسالوني مالك وامي تقولي نفسي اعرف مالك قوليلي ومش هعملك اي حاجه لو غلطتي بحس اد ايه انا حقيرة وجوايا مصيبة كبيرة ليها لو عرفتها الله اعلم هتعيش ولا لا كل دي حاجات بتخليني هموت وابطل وابقي كويسة ده غير اول ما اصحي من النوم وانا بمعني الكلمة بموت من التعب من كسل والم عظام وصداع والله ما بتحرك من السرير ساعات بال ٦ ساعات واكتر علي ما قوم بس اغسل وشي وببقي خدت والالم اتسكن شوية بس مش قادرة اتحرك كرهت نفسي بس ليه مش عارفة ابطل ليه مش قادرة كل يوم والله اقول هبطل من بكرة واول ما اصحي هستحمل وممكن استحمل ساعتين تلاتة بس باخد من شدة التعب واحاول اقلل وابقي باخد ربع حباية بس في اليوم كله وارجع تاني من الالم واللي هيجنني اني كده كده بتألم ولا كده مرتاحة ولا كده مرتاحة يعني لما باخد برتاح وبتسكن بس بتعب بسرعة وساعات اخد وميسكنش الالم وحتي لو سكنه بتالم نفسيا من وضعي بس برده هحاول لحد ما اموت وهعمل بصايح حضرتك وياااارب اقدر بقي ربنا يكرمك ويسعدك دنيا واخرة ويرزقك الفردوس الاعلي اميييين ياااارب

ابنتي الكريمة
غيري المعرف من (لن أعيش )لمعرف يرتبط بالله عز وجل
لأن المعرف غالبا من قناعة وقناعتك منها الإحباط ويوسوس إبليس ليجعلك تيأسين من الله وهذا يصعب العلاج مع ما فيه من سوء الأدب مع الله. فالله رحيم بعباده.
منحك الله العقل الواعي المدرك لما يحصل لك
ومنحك الروح الطاهرة المشمئزة مما حصل لها.
ومنحك الخوف منه الذي يجعلك تبحثين عما يقربك إليه هذه كلها نعم حرم الله منها غيرك من ذوي الاجساد الصحيحة المتنعمة بالمال والفراغ.
لذلك من شكر الله ان تجتهدي وتقاومي لله من أجل الله وسيعينك. فهو ارحم بك من امك.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

السلام عليكم ورحمة الله وبركاته
انا طلبت منهم تغيير الاسم مكنتش اعرف ان ممكن يبقي ذنب عليا بس كان قصدي بيها لن اعيش مع زوجي لانه في فترة اهملني كثيراااا

حصل موقف للاخت صاحبة الموضوع وقالتلي ابعت الكلام ده لحضرتك

السلام عليكم ورحمة الله وبركاته
انا مش عارفة اقول ايه عن نفسي انا هحكي لحضرتك وانت تحكم عليا ليا قريب يقربلي اووووي ربنا ابتلاه بمصائب كبيرة من سنة تقريبا او اقل كان ليه ابن عشر سنين تعب بالسرطان اللهم احفظنا وجميع المسلمين لف بيه علي دكاترة مصر ومستشفياتها كلها محدش رضي ياخده حتي مستشفي السرطان الكبيرة اللي عندنا وقالوله منقدرش نعمله حاجة هو خلاص بحكم الميت طبعا ده اب هيموت عشان ابنه استعاه بالرقاة وممكن دجالين بس مش متاكده كان عنده استعداد يبيع نفسه وابنه يعيش بس ابنه الوحيد كام يوم ومات وكانت زوجته حامل في ولد مات جواها من زعلها وتعبها الاب ده تقريبا عقله تعب مبقاش طبيعي زي الاول خالص زوجته حملت تاني جابت بنت قدراتها العقلية ضعيفة وشكلها باين عليه ربنا يعافيها طبعا الاب والام متدمرين من المصايب دي وبحكم ان الترامادول منتشر في مصر زي الوباء واغلب الناس بتاخده من عواجيز وشباب لانه مسكن قوووي ومنشط العامل اللي بيشتغل ٨ ساعات لو خده بيشتغل ٢٠ ساعة بس طبعا بيدمر نفسه لانه سم مش منشط بيهتك الخلايا الجسديا كلها بيدمر الانسان بس انتشر اووووي لدرجة اللي برة مصر ميتخيلهاش غير اي مخدر واي حاجة وكان سعره رخيص اووي المهم الاب ده من تلات او ربع ايام خد ترامادول وشرب خمرة طبعا تعب يوم كامل ضغطه يرتفع وينخفض لحد ما تاني يوم فقد بصره لان العصب اتحرق من كتر انخفاض وارتفاع الضغط وديناه لد كاترة واكبر اخصائيين كله مفيش امل وكنا ناويين نسفره بره يتعالج قعد يومين بصره مش موجود فجاه وهو قاعد قال عبدالله اهو ابنه وثانية بالظبط والروح طلعت لخالقها الكلام ده كان المغرب عندنا بندفن بالنهار فضلت قاعده انا وامي حواليه طول الليل كل شوية احس ان شبحه بيطلع وياخدني وعينه بتبصلي وتقولي ده مكانك كنت مرعوبة والكل استغرب من البكاء الهيستيري اللي جالي لاني مكنتش قريبة اووي من المتوفي ومعرفتش انام يومها نهائي ووقت الغسل بعد الكفن دخلت ابص عليه لقيت نفسي شايفة نفسي مكانه كان يوم صعب عليا اووووي والعيلة كلها منهاره وبرغم انه كان اسمر اوووي كان وجهه ابيض ومبتسم بس كنت خايفة منه وروحت خدت منوم كتيررررر معرفتش انام الا ساعات قليلة برغم اني دايما المنوم بيخليني انام بالعشرين ساعة تخيلت نفسي بعد ما ارجع بيتي مش هسيب سجادة الصلاه واقعد ادعي ربي لقيتني زي ما انا بصلي عادي وبستغفر ومفيش تغييير خالص بل بالعكس بقي في تبلد في المشاعر رغم ان التفكير في الموضوع مش بيروح من بالي بس قلت لنفسي خلاص قلبي بقي اسود من ذنوبي مبقاش بياثر فيا حاجة للدرحادي ربي غضبان عليا مش عارفة ازاي ارجع واشيل السواد ده من قلبي فاكرة انا كنت زمان اما بحضر دفنة قرايبنا كنت بتهز من جوايا من بعدها حتي لو عظة مؤقتة لمده اسبوعين او شهر بس مش زي دلوقتي اول ما رجعت بيتي ولا كأن حاجة حصلت من كل ده الا بس بتفكيري لكن معملتش اي حاجة محاولتش اتقرب من ربي اكتر بافعالي كله بتفكيري وبس اعمل ايه عشان ابعد السواد اللي في قلبي ده عني

ابنتي الكريمة
بداية لا صحة لما يتناقله العامة من شبح للميت يظهر بعد موته وقبل دفنه ولا بعد ذلك ولم يرد فيها دليل من القرآن ولا السنة ولكن اذا مات المسلم انفصلت روحه عن جسده وبقي الجسد جثة لا تتحرك ولكن ما تم نسجه من خوف من الموت عن هذا الموقف جعل هذه الاساطير وكأنها حقيقة.
ثم كثرة تعاطي هذا المخدر وعموم انتشاره لا يعني انه مباح ولا مبرر لاخذه
وما تبحثين عنه هو الخوف من الله والخشوع له في مواقف الازمات وهذ شعور بالقلب وليس مهما ان يكون له طقوس او تفاعل وهذا الخوف من الل والخشوع له يزيد وينقص وزيادته بفعل الطاعاا وترك المعاصي والدعاء والصدقة ومجاهدة النفس وبإذن الله وأملي بالله كبير بأنك ستنجحين وننظر البشرى منك بإذن الله بذلك.
وبالنسبة للرجل المبتلى قد يرفع الله درجته بالجنة على ما يصيبه من الالم حتى تمحى ذنوبه
وقد ينعم الله بالبلوى وإن عظمت
وقد يبتلي الله بعض القوم بالنعم
اكثر من الدعاء والاستغفار فهما لا يحتاجان منك الا للقلب الخاشع ولسانك فقط.
أسأل الله الحي القيوم أن يبعث فيك الايمان والصحة والعافية ويرزقك الحج والعمرة والزيارة مع زوجك وللمسلمين ولمن قال آمين.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.