لاتصدقين اللي يقولك انه متعلق بالماضي وهو متزوج ومبسوط...بعض الشخصيات سواء ذكر او انثى يحبون الدراما ..ويوهمون انفسهم تحت اي ملل او مشكله زوجيه انهم هايمين بحب الماضي..بس ترجع المياه لمجاريها يسحب ...ابن آدم مايملا عينه الا التراب...
عن تجربة شخصيه تم طلاقي من تقريبا ست سنوات او تزيد عدة شهور ولم ينساني ابدا حيث توفي قريبا اقرباء لي وتفاجأت بتعزيته لي !!!
واحد أقربائي المقربين جدا طلق اول زوجه له بعد عشرة 13 سنه وتزوج غيرها 2 وأنجب الأبناء والله ان غالب كلامه عن طليقته الاولى وذكرياته معها واهلها لدرجة ان تدمع عينه ويسأل الله جمع الجنان بها
كان فيه موضوع لعضوة كتبت عن قصتها
قالت انها تزوجت واحد ما كانت تدري انه يحب وحده قبلها
لكن هالوحده تزوجت غيره وهو تزوج غيرها اظن اهلها رفضوا يزوجوه
لكنها بعدين تطلقت وهو ما كذب خبر وراح خطبها وتزوجها
تحكي زوجته عن حالهم بحزن مسكينه
تقول شفت السعادة بعيونه بعد زواجه فيها بعد الصمت والعزله اللي كانت تشوفها فيه
صحيح قايم بواجبها كامل لكن القلب بوادي ثاني
تقول منسجمين مع بعض اخر انسجام "تقصد لايقين لبعض"
وحست نفسها هي اللي مالها داعي بينهم
ولا ادري اش صار على قصتها بعدين
لانها كانت تفكر بالطلاق منه
الخلاصه
هو تزوج " سنة الحياة" لكن القلب بقي فارغ
الى ان التقى بمن احب فملات قلبه وتغير حاله