اولا ابغى اعرف متى ممكن الزوجين يصلون لمرحلة من التفاهم والاستقرار الزوجي وتقل الخلافات بينهم ؟؟

انا تعبت من هالنقطة مافي تفاهم بيني وبين زوجي ؟
ومو عارفة اش السبب لنا سنتين لم تحصل مشكلة زوجي يزعل ولاعاد يكلمني الا للضروريات يعني وكل واحد كأنه عايش لوحده انا طفشت وما احب هالاسلوب لم اتكلم مايرد او ينهي الحوار فاطنش لحد مايطيح اللي براسه بس تعبت وزوجي كثير زعل
كنت اذا بكلمه اقعد احط افكار وارتب بكلمه في الوقت كذا وبكلمه عن كذا وفي الاخير مايصير شيء فقررت اتكلم بشكل عفوي بدون تخطيط واللي يسير يسير

طبعا امس صار بيننا نقاش وجدال وقت الغداء على موضوع لبنته وحضرته من امس زعلان وانا كنت زعلانه وقتها وخلاص مع اني باقي مصره على موقفي بس ما احب اطول الزعل
دخل ينام ورحت له قلت له ليش زعلان امس وكالعاده قفل الموضوع وصحيني بدري عندي مشوار
طيب هذا كيف اتحاور معه كيف حيكون بيينا نقاش انا مليت من اسلوبه وكثر الزعل حأكتب له في الواتس كل اللي في قلبي بس ما ابغى نتعود يكون الواتس طريقة حوار بيننا

غير كذا قررت اذا دخل اقفل شبكة النت واذا سأل اقله طفشت من جلستك ع النت يا عالواتس او التويتر ابغى احد يسولف معي زوجي كتوووووم مو اي شيء يقوله هل ممكن هالطريقة تنبه اني مليييت

ايش نمط زوجك

عزيزتي ، قبل ان تقدمي على اي عمل ( ارسال الرسالة ، او قطع الانترنت) ضعي نفسك بمكانه هل تحبي ان تعاملي كالاطفال ؟ الموضوع ليس عناد او اجبار لا من جانبك او جانبه ..

في نقطة ركز عليها اخي الرسمي بموضوعك السابق وهو الاسلوب الجاف .. اذا غيرتيه ولو بنسبه 1% راح تشوفي تغير كبير عند زوجك ...
الدبلوماسية والرومنسية ولو بنسبة قليلة وغير مباشرة تساعد بشكل كبير انها تذيب الجليد مابين الطرفين ومنها تحصلي عل ماتريدين وهو ايضا يبتدي يفتح قلبه شوي شوي وموضوع الانترنت خليه هو من نفسه يقلله بدون ضغط منك ولا بأس بين فترة وفترة تجبريه بشكل غير مباشر وبدون مايحس انه يترك التلفون من يده ( كبعض اللمسات الحنونة او التامل) ..

ما عرفت احدده حاولت اجرب اختبار في النت بس اتوقع دقيقه النتيجه اللي طلعتها
احد ممكن يساعدني في تحديدها

انا لم قلت اقفل الشبكة مو من باب الاجبار او بالقوة لا بس اوصله النقطة هذي وبمزح الا ضغطة زر وبيشتغل بس جد مليت من الصمت وانا تأملت كلماتك وكلمة اخي الرسمي انا مو جاافه لهالدرجة وابغى اتغير بس احس مو قادرة

لم يكون زوجي زعلان وهو الغلطان ما اقدر اراضيه والطف الجو وانا ماغلطت اكره نفسي بمجرد ما اتخيل صدق احس اني اهين نفسي افضل انه الوضع يتعدل تلقائيا

نفس زوجي بالضبط.. وانا ليا سنه متزوجه
الله يهديهم يارب

عزيزتي نرجسية انا ماقصدت انك قاسية جافة لحد قاتل لكن لانك شخصية عملية فتكوني واقعية اكثر وتكوني جادة بنسبة اكبر .. ( انا كنت مثلك ولحد يومك فيني هالصفة لكن اخفيها بوقت واظهرها بوقت) ..

جربتي تجي على نفسك لو مرة وحدة ؟ مو اعتذار بقدر ماهو تقرب لزوجك .. يعني بدل ماتسأليه انت للخين زعلان ؟ او ليش زعلان ؟ .. روحي له وبشكل رومنسي امسحي عليه وقولي له الحلو لحين زعلان بدلع وابتسامة
( ولانه ما اعتاد على هالاسلوب راح تلقي ردة فعل مباشرة ) ،،

بعض الاخيان انتي تتنازلين وبعض الاحيان هو يتنازل وتمشي الحياة عزيزتي ، زوجك كما لاحظت من وصفك بعدة مواضيع لك انه رجل والنعم فيه ويستحق المحاولة لتغير نفسك لنفسك وله .. ماعليه التغير بالبداية صعب بس مجرد ما تعودين وتدربين نفسك على بعض الاساليب راح تنطبع عنك وزوجك ايضا راح يتعلمها منك عن تجربة ..