الله تعالى يقول ( ان الصلاة تنهى عن الفحشاء والمنكر )
بعضهم يصلي عادة مو عبادة ومجرد حركات فقط عشان كذا صلاته مامنعته من فعل الباطل
نسأل الله السلامة والعافييه ...


زوجي خليط من النوع الاول والثاني .. يعنني اناصح اكبرها بس ماوصلتها للطلاق
انا مزعجتني نظرة اهلي له بعد ماعلمهم مابي يطيح من عيونهم واعرف علاقتي معاه راح تتوتر اكثر واكثر .. عشان كذا متحمله وصابرة بشوف ايش اخرتها ...

اختي الكريمه فرج الله همك

ما راعني أكثر في ردة فعل زوجك
- السريه
- الانكار
- البكاء

و بالاخص الاخيرة، البكاء تعبير على الندم، على عدم القدرة على حل المشكل و على انه يدور في حلقة مفرغة

اولا عليك ان تفكري بينك و بين نفسك، هل تستطيعين تجاوز الامر و اعتبار ذلك نصرا مشتركا بينكما ضد الاخرى؟ لتصلي الى ذلك حملي خطأه الى شيطانه و اعتبري نفسك و كأنك ترقيه

بعد ذلك، كلميه انه هو الوحيد القادر على اخراج نفسه، بالاتوام بتعاليم الدين و الاذكار في الصباح و المساء و الرقيه من ذلك، و بالصدقة

و حبذا لو تذهبا الى استشاري حتى يساعده مما هو فيه و اعتبري ذلك لوجه الله

زوجك يعاني و عليك الصبر و مساعدته و احمدي الله ان الشيطان لم يزغ قلبك لتقومي بمثل ما يقوم به

اسرارك احتفظي فيه ولا تقوليها لاحد نهائي حتى لو هي تافهه
لعاد تنامي لحالك نهائي لانه يسبب الجفاء ليش الواحد يتزوج حاولي تغيري مكان السرير يعني حطي جهته لمكان المكيف وجهتك ابعديها وثبتي المكيف على جهت زوجك بس لا تخرجي من غرفتك نهائي بنتك حطي لها سرير بعيد عن المكيف ودفيها زين
خيانته لك محد يبررها له لانه في البدايه خان ربه وجلب غضبه عليه اطلبي من الله الهدايه له وان ربي يبعده عن المعاصي

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

البنت حبيبتي حان الوقت تنام بغرفه لوحدها
لبسيها استودعيها الله واقرأي عليها وعلى غرفتها

وانتي مكان نومك جنب زوجك احس زوجك يعرف نقطه ضعفك المكيف والبنت ومدري شو

نامي جنبه ولا ذبحك البرد ادخلي بحضنة قوليله دفيني ودلعيه ونومية ،،،طول ماهو بعيد عنك يبقى فيه خلل

ولاتنسيه من دعواتك بالسجود
لست وحدك بالمركب الخيانه انتشرت بشكل فظيع

دمتي بود

__________________
ان لم تستطع التفاؤل ،،
فلا تخبر أحدآ أنك متشائم .

ياختي الواحد اللي من قلبه يبي الهدايه والصلاح كان عمل بالاسباب
لكن انا ماشووف سووا شيئا ابدا بالذات بموضوع الصلاه هذا اللي يهمني الحين
لان اذا انصلحت صلاته صلح باقي عمله وتوفق فيييها


شكرا لك

صعبه جدا انوم بنتي بغرفه لوحدها لسسا صغيرة
بنتي احيان تصحى في الليل مفزوعه وتبكي لازم اكون جمبها
وانا مستحيل اصلا اخليها لوحدها والله مايجيني نوم ولا يهنالي بال

الخيانه منتششرة جدا .. نسأل الله السلامه

اليوم جاا بينام بغرفه النوم وانا طبعا كنت بالصاله اتفرج عالتلفزيون واخذ بنتي وراح بينام معاها في الغرفه ...
بس طفشششته وهو عنده دوام فتركها وراح للمجلس
وانا وهو على نفس الروتين عالصامت

ليش صعب تنام لحالها بالعكس افضل لها تنفصل عنك وقت النوم
واقري كتب التربيه وتأكدي من صحة نوم الطفل لوحده وانه امر ايجابي لكلا الطرفين الطفل والوالدين
حبيبتي انا بتتي الكبيره خمس سنين طلعتها من عمرها سنه والان عمرها خمس سنين والثانيه طلعتها الشهر اللي فات لغرفة اختها وعمرها الان هالنتفه 6 شهور
واحط المنبه اشيك عليهم واعمل رضعات الصغيره
ترى عادي وطبيعي وزوجي على تعلقه الشديد ببناته الا انه معاي في ان غرفتنا لنا لوحدنا بدون اطفال راح تتعبين مستقبلا بتنويم بنتك بعيد عنك ابدي من الان
وبالنسبه لردة فعلك سوي له دراما مو صدق
ازعلي ذيك الزعله ونزلي الشنطه وعبيها ملابس وقلي رح لها الساقطات خل ينفعونك انا قدري ارفع منك ومنهم ازعلي بجد وحده وقوه وهو والله ان ينتفض نفض اولا خوفا من الفضيحه ثانيا رغبته بك كزوجه
بحياتي ماسمعت زوج طلق زوجته لعيون البنات اللي يتسلى فيهم فلا تخافي هي مجرد دراما عشان ينتبه
الامر الاخر خبذا تقوين علاقتك الخاصه معه وتطورينها في مواضيع مخصصه لهالامور اشبعيه تماما عشان مايبحث عن من سواك
اشبعيه وهو موجود وارسلي له ايحاءات وكلام خاص وهو برا اهم شيء ماتهمشيه كوني عون له على احصان نفسه واعفافه
واختسبيه اجر اعفاف زوج

__________________
أستغفر الله العظيم واتوب اليه

الحمدلله انا وزوجي تفاهمنا
وطلع شكي مو بمحله وحلفلي ببنته ووامه انه معاد رجع للسواليف ذي الله يصلحه مابيه يحلف كذا .. ّ
والحمدلله رجع ينام معانا في الغرفه
وسالفه الصلاه قالي انتي ساعديني وعاونيني ... قلت اذا انت ماساعدت نفسسك وجاهدت نفسك مستحيل احد يساعدك
وعشان اعاونه بعد معونه الله قلتله من بكرة اذا فرض واحد ماصليته بالمسجد ماراح اطبخ ولا اكوي ملابسك حقت الدوام .. قال لا حرام دوري عقاب ثاني
قلت مافيه عشان تنضبط اذا ماخفت على نفسسك انا خايفه عليك
وكمان من بكرة بنبدا نحفظ سورة البقره ونفس العقاب اذا انا مالتزمت بالحفظ عقابي مايوديني لامي وعقابه نفس عقاب الصلاه
الله يهدينا ويسعدنا ويصلحنا يارب ويبعد عنا شياطين الانس والجن
وحابه اشكر كل من ساعدني ووقف معي .. عساها ان شاء بميزان حسناتكم