زوجك ما عنده ثقه في نفسه
ويشوفك واثقه بنفسك ف يريد تحطيمك
............................
وزوجك يحب ينكد عليك ويهز ثقتك بنفسك حتى يسيطر لمجرد السيطره

جزاكم الله خير
انا عارفه هالشي تماما
وهو يغطي هالشي دايما بشكل اخر
يعني ثقتي ينتقدها بحجه اني زي الرجال
وينفعل اذا شافني متزنه وهاديه
ويحاول يستفزني


هالامور اعرفها تماما
والدوافع مختلفه
لكن ادور عن الحل

طيب اذا مشكلته معي
بنتي ايش دخلها
صاير قاسي جدا جدا معها
يعني حتى هي بيهز ثقتها بنفسها؟!!

اوكي هو يعرف اني انقهر من عنفه معها
بس برضو مو معقول يقهرني فيها
صاير جاف معها ولا يلعبها
واحيانا يلعب اخوها قدامها عشان تنقهر

وهي صارت تقول لي وع بابا
وتعانده بكل طاقتها

اجلسي معه جلسه رايقه وياليت يكونوا عيالك عند اهلك او نايمين
وطلعي اللي بقلبك
ناقصك شي؟
شايفلك شوفه؟
مريض؟

بختصار اش حكاية اهلك معايه؟

والله كثر الكلام معه يجيب صداع الفاضي
جربت وما استفدت
يعني سألته: هذا قدري تقفل الخط بوجهي؟
قال انتي قفلتي الخط بوجهي زمان
قصده قبل 4 سنين
كنت وقتها حامل وغلط علي فقفلت الخط
اعتذرت وقتها ولا رجعت عدتها
هو عملها فيني مرتين هالشهر
ويقول عادي سبق عملتيها

شخص مستفز
يفتح الف ملف بالدقيقه
وكلها شغلات قديمه
هو اذا زعل صار حقوووود
باعترافه هو


مايعرف يناقش ولا يتحاور
ويعتبر نقاشي معه نوع من المرادد
حتى لو كان هادي وبأدب
يتهمني بحب الجدل لاني مو انثى
فبطلت الجدل والحوار والنقاش وكل مشتقاته

كنافة
اشرايك تتقربي منه بالفراش. و تراضيه
صدقيني هو متنرفز لهذا الشيء
ما يعرف يراضي


وبعدين لما يروق تفاهمي معاه

__________________

مسز داني
انتي اكثر وحده متابعه احداث حياتي
اطلب علاقه من واحد فعل فيني كل هذا؟
بالله كيف حتكون نظرته لي؟ ونظرتي لنفسي؟


اوكي انا متضايقه جدا من الوضع
وحزنانه على بنتي اللي اذا زعل مني طلع حرته فيها

واذا صار راضي علي دلعها وخلاها فوق السما

بس صعبه اقرب منه
اللي يفكر بالفراش مع زرجته يتودد لها مو يغلط عليها

مو لان زوجك مختلف و غريب نوعا ما في هالأمر
يكابر و لا يتقرب


انت قربي منه و قولي له وش فيك زعلان. وين فلان اللي كان الاسبوعين اللي فاتوا
بعد ما مرضت حسيتك متنرفز. و ضايق
هو طبعا بيجيب سالفة الأنوثة
قولي له انت ببرود. بس انت تقولي مو متربية اكيد بتضايق. صح؟
وجهي له اسأله. خليه يوافق ما تريدي
انت ما ترضى تقولي مو متربية صح؟
ما أهون عليك صح؟
وهيك

__________________

نفس رايي لما قلتلك زوجك طفل طفللللل
عامليه كطفل كبير ما ينضرب لكن نداريه.. وتاته تاه حبيبي

زوجك عنده مشكله ما عارف يحلها ، ممكن تكون في العمل ، و يفرغ غيظه فيك و في بنتك ، لانه انت الموجود أمامه و مجابلته ، و بمجرد ما تخف مشكلته اللي شاغلته او تتحسن يصير جيد في تعامله ، ممكن هذي المشكلة تكون مثلا انه احد يغيظه