ام دان انت رائعة بكل المقاييس ولا يوجد انسان منا معصوم من الخطأ الانسان قد تعتريه مواقف وصدامات موجعة قد لا يحسن التصرف فيها ولكن لا يقدح في كونه شخص رائع فلسنا ملائكة لا تخطئ.. فرحت بالمستجد الأخير أسأل الله أن يمن عليكما بسعادة غامرة تجعل حياتكما افضل واجمل وأن يرضيه عنك ويسخره لك..مازلت أدعو لك منذ اول يوم طرحتي موضوعك وبإذن الله تبشرينا قريبا بصلح قريب جميل حفظك الله غاليتي.

__________________
سبحان الله وبحمده..سبحان الله العظيم

فرحت لك ي ام دان وترى بقرل مثلهم انك عنيده هههههه تنازلي ي دلوعه بس هالمرا واحتفلي فيه اذا جا ب احتفال خاص يليق بحبكم
الله يخليكم لبعض ويبعد عنكم شر من فيه شر

__________________
أستغفر الله العظيم واتوب اليه

واصلي ام دان .. واثقة بانك راح تحلي المشكلة اللي عكرت جو حياتكم الزوجية واعتبريها كحبتين ملح زيادة بالطبخه ! .. هو يحاول تلطيف الجو بس مو عارف والدليل ارجاعه لاغراضك ، علبة الكلينكس ، والسؤال عن زعلك بسفرته ،، هو جس نبض بقدر الاشتياق ،، انتظريه بعد سفرته بيكون خف توترك وتوتره وايضا ضغطه عليك بشأن الموضوع ... كل الكلام اللي قاله فقط بفترة غضب فلاتفكري فيه ..

جددي نفسك وغيري جو انتي بعد وارجعي نشبطه متفائلة ، واستقبليه بابتساااامة وضحكة وحضن .. ان فتح الموضوع مرة اخرى فردي عليه برد الاخ ابو مريم ( بسيط ، غير جارح ، قوي )

الحمدلله
بدأت ترجع المياه لمجاريها
ردودك جميلة
ولاتنسين حضن الوداع مع كم دمعة وانتي اعرف بتأثيرها😉

ربي يهديكم لما يحب ويرضى

أم دان.. الله يريح بالك ويرجع الألفة بينكم ويرد زوجك بالسلامة

أنت زوجة رائعة بالفعل ، ماشاء الله تبارك الله !

تعلمت منك أشياء قيمة..

ام دان قبل ما يسافر زوجك وانت بتودعية قوليلو انت بتفكر اني راضية عن نفسي بلي صار اذا انت تالمت من كف انا تالمت من ثنين ما تفكر ان الكف وقع على وجهك الكف كان بقلبي
ام دان قوليلو هدا الكلام باسلوبك هو محتاج منك هدول الكلمتين

جهزت الشنطة والأغراض،لما جا لقى كل شي جاهز عند الباب، دخل يستحم، في هالوقت طلعوا اثنين من العيال عشان يودعون أبوهم، مايقدرون يرافقونه للمطار، عندهم دوام المساء..
جلسوا العيال يسولفون معي لحدما أبوهم تجهز..

جا زوجي للمكان اللي كنا جالسين فيه وجلس يسولف ويضحك مع العيال ١٠د .. بعدها قام وصار يودعهم ويسلم عليهم.. ثم التفت لي وقال في وداعة الله أشوفك بخير.. قلت له وإنت بخير.. ومشي..

أنا بهاللحظة دمعت عيوني وما كنت أحب هالموقف يصير قدام العيال صراحة..

ولدي شاف دموعي قال لأبوه أبوية سلّم على أمي الله يرضى عليك..ومسك إيده قربه مني...

زوجي حضني وأنا حضنته وتعلقت فيه، ماصدقت إني بحضنه اللي فقدته بكيت بكيت بكيت.. والصدق زوجي تأثر وقال هونت ماني مسافر،، العيال قالوا له سافر ياأبوية وهم يضحكون ونزلوا ينتظرونه أسفل..

لما صرنا لحالنا قال والله ماتهون علي دموعك إذا لقيت عَودة رجعت لك بعد ٣ أيام..قلت له لاتغير برنامجك الله معك تروح وترجع بالسلامة..

سألته راضي عني؟
قال كل الرضا...

أجل ليش مسوي زعلان؟
قال الحين مو وقت الكلام، لما أرجع أبشري باللي يرضيك ويطيّب قلبك، وأبي أتكلم معك كلمتين بس كلمتين...لاتكثرين كلام وتصدعين لي راسي،تراكِ بربرتِ كفاية،وماخليتِ شي ماقلتيه،ومابقى شي ماهزّأتيني عليه،وأنا تعبان صحتي مو متحملة.. قلت أبشر..

قال لما أرجع أبي نفس اللوك حق يوم الزعل، شكلك كان حلو وإنت متزينة وزعلانة تجرين،شكلك زي الممثلات كأنك في مسلسل.. أول مرة نضحك من قلب بعد الزعل.

استأذنته أروح لأهلي أجلس عندهم إلين مايرجع، قال مافي داعي..قلت له طيب.. قال يطيب أيامك..وقبلني على جبيني ومشي..

نزل والقلب داعيله وراحوا العيال اللي ماعندهم دوام يوصلونه للمطار.

ماتصدقون قد ايش فرحت بالبوسة والحضنة وربي ارررررتحت.. كأنها أول مرة في حياتي .. داخلة أنام كم لي مانمت..

الله اكبر .... ( تنفستُ الصعدااااء )
و أخيييييييييرررراً يا أم احمد ....
مااا شاء الله تبارك الله ...
فرحت لك من قلبي ....

عموما : الان و بعد تجاوز المحنة بفضل الله ، هل تشعرين بأن النصائح التي كانت تدفعك لإصلاح ذات البين في محلها ام انها ضدك ؟؟

أسأل الله ان يبارك لكما و يجمعكما في خيرٍ .... آمين

ماشاء الله على حسن الختام

صراحة الولد اللي بادر وسحب زوجك لحدك يستاهل دعوة من وسط قلبك له

__________________

الله يسعدكم ياأم دان وربي فرحت حسيت أنا اللي ارتحت من كثر الشد والجذب الايام اللي فاتت يالله عساها سفرة خير لك وله ياغالية .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين