الله يهديك والله اني لك ناصح

اخر كلمة قالتها طليقتي اتحداك تلقى وحده ترضى فيك وبطباعك والله ماتلقى اللي تصبر عليك مثلي
والحقيقة انا اللي كنت صابر عليها ترد الكلمة بعشرة وتنتقد كل شي اسويه وتنتقد المنزل لمبة تحترق قالت بيتكم خربان ثم تقول بحسن نية اقصد الاسلاك خربانه ولازم تتصلح
طلبتها تمسح الدرج بيجوني ضيوف قالت مافيني حيل تعبانه قمت انا اكنسه علشان لا انفضح قدام اصدقائي تقول بتحسسني بالذنب وانا تعبانه واحسن النية والله تعبانه من العيال والشغل والوظيفة الخ الخ الخ من المواقف اللي تتراكم فوق بعض الى ماحصل الطلاق وبالنهاية تقول ماقدرني ولا اهتم فيني وانا صبري على هالحال يعتبر تقدير

عموماً بعظمة لسانها قالت لي انا عصبية لكن قلبي طيب وكان ردي لها قلبك الطيب هل اللي مصبرني عليك الفترة الماضية لكن عصبيتك وعنادك هي بتكون سبب طلاقنا

وفعلا حصل الطلاق وقالت اتحداك تلقى وحده ترضى فيك
ولما لقيت اللي ترضى فيني بدت تبكي وتوسط المصلحين تبي الرجعه بس خلاص ماينفع الكلام
والله انها ندمانه وتتمنى الرجعة ولا ادري والله حسيبها

يمكن عقلت او فقط يوم رحت لغيرهم احلويت بعينهم

انتي الآن عازمة على الطلاق وتبريرك اللي مايبينا مانبيه

انا اقولها لك وواثق سوف تندمين وبكرة بتتذكرين الاحداث وتقولين انا غلطانه انهيت حياتي الزوجية وخليته يعزم على الطلاق علشان صحن وسفرة
ولو رديت بأسلوب افضل ماكان حصل اللي حصل ولا كان رد علي انه طفش مني

طيب ممكن سؤال
انا احسك انسانة عملية فقط ،، ساعديه وعاونيه بس ليش احنا نشتغل وعشان ايش عشان توفرين حياة لا عجزتي،، الشباب قصير و بيمر ليه ماتهتمي بنفسك وانوثتك واناقتك
يعني ليه تلوميه على عدم اهتمامك في نفسك
ممكن تصيري موظفة و انيقة انتي طول وقتك للبزنس ، يعني حطي فلوشك بمشارييع بس مو لدرجة انسى نفسي تمااما

هذا خطأي حرمت نفسي وفي الاخير طلعت مو عاجبته ولا فيني شيء يجذبه على قولته ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ياجماعة حتى العلاقة الخاصة متعبتني معه ولاعمري تكلمت وصابرة عشانه وعشان ماأبي اجرحه وبالأخير يقولي بتزوج واحدة تهتم فيني وتقدرني..

أمي دايم توصيني عليه وأنا أقوله عشان أبين له قد ايش امي تحبه .. وبالاخير يقول ءنتي ماعندك عقل حتى أهلك عارفين إنك بدون عقل عشان كذا أمك توصيك علي .. يعني هذي جزاتها الله يحفظها ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

لا تكابري أحبه ..

إنت ما تقدري تجلسي من غير زوجك ثانية واحدة ..

و الكلام اللي قاله لك ، أدور على وحدة تانية ..
انت السبب ، من كثر ما تقولي له نتطلق عشان ترتاح مني أو ترددي كلمات مثل هذه

زوجك فعلا ( مدللك و مهتم فيك و يراعيكي ) ..
لكن إنت مو حاسة بالشي هذا ..

كل مرة تهدمي اللي بينكم اكثر

وحتى لو ماأقدر أجلس بدونه ثانية واحدة تبيني أترجاه لاتتزوج واتوسل له وهو يقول ماأبيك .. لا والله لو أموت فيه ماراح أسويها..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

مو معقول كل الأعضاء خطأ ومو فاهمينك وإنت الوحيدة الصح..

الكل أجمع إنك على خطأ ..مازلت تكابرين وتلفين وتدورين وتبررين وتعذرين نفسك وتحملين زوجك كامل الخطأ..

أحبه كل كلامك يدور حول (ماقدرني..)وش مفهوم التقدير عندك؟؟؟

يابنتي تقولين زوجك مقصر معك بالعلاقة وإنت صبرتي عليه..

بسألك ليش صبرتي عليه؟؟

إذا صبرت عليه حبا وكرامة له خلاص اسكتي ..
إذا صبرت عليه لأجل فيه صفات أخرى جميلة صعب تلقينها برجل ثاني برضه اسكتي..


لكن إذا صبرت عليه لأجل تبين رد منه بحيث تسلبين منه حقه وكرامته كإنسان مثله مثلك..ويصير شخص بلا رأي ولا شخصية ولا رجولة وتعتبرين هالشي (تقدير لك ومكافأة على صبرك عليه) أقول لك بصراحة لاتصبري عليه منت مجبورة.. اتركيه لإنسانة ثانية تعرف قيمته وتقدره..وتحبه لذاته وشخصه وصفاته الطيبة..

أنا مو زوجك وأحسن بالمن والغرور والكبرياء في حروفك..فكيف زوجك مو حاسس..

أحبه يابنتي فوقي واصحي لنفسك ولا تضيعين زوجك من بين يدينك...
إنت تصعدين المواضيع بدل ماتحتوينها..
إنت تعطين لنفسك كامل الحق تقولين اللي تبينه...لكن زوجك كلمتين منه ماتتقبلينها..!!!

ليش يا أحبه إنت عندك كرامة واحساس وزوجك ربي خلقه بدون كرامة ولا احساس؟؟!!!

إنت بديتي بالغلط ولما غلط عليك ما تحملتي..
يختي قومي اطبخي غدا يحبه واحتوي زوجك إذا رجع واحضنيه وسلمي على إيده وراسه وقولي له مالي غنى عنك وإنت كمان ماتستغنى عني والشيطان دخل بيننا...ولا تحاورينه ولا تناقشينه في شي الموضوع مايستاهل ..
الله يهديك لنفسك..

أولا مو الكل مجمع إني على خطأ .. وحتى لو كنت أنا على خطأ مو هو الرجال العاقل ليش توصل فيه إلى إنه ينهي العلاقة ويروح يتزوج ... وين احتواءه وين عقله!!! ولا لأنه رجل يحق له يسوي كل شيء!!!

ثم أرجع وأكرر هو اللي بدأ برسالته السخيفة .. ويعلم الله ماقصدت شيء لما قلت لو حطيت السفرة .. ولا فيها أي تقليل من قدرة ..

ثم أنا صبرت على وضعه حبا فيه وأنا ماعمري قلت له هالشيء الا مرة وندمت ومستحيل اعيدها ثاني .. أنا قلتها هنا عشان تكونوا في الصورة وبس لا هي من باب المن أو شيء آخر..

إذا حسيتي من حروفي بالغرور فهذي مشكلتك عزيزتي .. الله العالم بالسرائر ومطلع على خبايا الصدور.. وأنا ماعمري عاملت زوجي على إنه مو انسان وله كرامته وقدره .. سبحان الله من فين توصلتي لهالكلام ماني عارفة..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

كلامه ممكن يبدر من اي زوجين وسط خلاف وتحت ضغط الاعصاب
ويمكن تجاوزه بسهولة
ولكن الامر اعمق من موقف
مرضه(ولا اعلم ما مرضه ولكن يبدو من تردد ذكره بكذا رد لديك انه يسبب ضغط عليك ويستهلك ايجابيتك) واهماله العلاقة الجسدية هما السبب الحقيقي لعدم قدرتك على العطاء اكثر
و هو مرهق اكثر منك

ولكن لان هناك حاجز نفسي لا يجعلكما مباشران في الاعمراب عن مخاوفكما فهو يلجأ للاقاظتك وانت بعفويتك تكملين معه السيناريو دون ايجاد حل بل تخدير الالم الحقيقي بالم سلوكي لا يمت بالمكما الاصل بصله
مثل الذي انشغل بوخزة شوكة في اصبع قدمه كي يشتت ذهنه عن يده المبتورة
باتهامك بامور صغيرة جدا وردك عليه فانتما ترشا المخدر على الميكما الكامنان فيكما
محتاجان لكسر هذه الحواجز
للقدرة على حل مسببات ضغوطيكما

__________________
الحمد لله..اللهم صل على محمد و ال محمد

التفريغ المنهجي

إضافة:

نصيحتي لك لا تكثرين من التشكي والتذمر من التعب
أول شي الوظيفة باب رزق الله فتحه عليك مليون واحدة غيرك تتمنى مكانك

ثانيا انتو اثنين وش الإرهاق اللي تشكين منه؟
نظمي وقتك ورتبي أمورك واستعيني بالله وبالتسبيحات قبل النوم وإنت كل أمورك طيبة ومافيك غير الدلع..

ثالثا لا تحرمي نفسك حرمان تام من المشاغل والأسواق ودلع الحريم بحجة التوفير.. لأنك في لحظات الإنفجار تحسين بالحرمان وتحسسين زوجك بالمن..وهالشعور مايكون عندك في لحظات الصفاء..

رابعا لاتقدمين شي مادي أو معنوي إلا لوجه الله .. لأنك ترسمين في قلبك وذهنك صورة للتقدير ورد الجميل ولما ماتتحقق هالصورة تنتكسين ..
لكن الشي لما يكون لوجه الله ما راح يخطر ببالك شي من هالأمور ..

وأخيرا اهتمي بنفسك وبأناقتك وجاذبيتك من أجل نفسك لأن الإهتمام يجدد النفسية..