أكيد طبعاً .. يجب أن يكون برضا الزوجة.

__________________


اللهم طِيبَ الأثر .. وحُسْنَ الرحيل.

الله يبارك فيك

اشكرك على حسن ادارة الردود

بالنسبه لي لان علاقتي ب اهلي حلوه وانا بنيتهم الدلوعه وللان ملتصقه فيهم
فما عندي اي مشكله من دخول اهلي لها مع انهم يجوني في السنه مره او اقل
واذا زارتني اختي او ماما ندخل غرفتي عادي وادخل غرفتها حتى خواتي اللي ماتزوجو واخواني الشباب عادي اذا جوني وكنت ابي شيء منها ورحت يجون عادي جدا اشوفه انا اتكلم لاني انا واخواني وخواتي علاقتنا مررره قويه وكلوووز من بعض ماشالله ف انا عندهم مكشوفه للاخر زي مايدخلو غرفتي ببيت اهلي يدخلوها ببيتي اذا زاروني ماعندي مشاكل حتى اختي الكبيره زيي ..
اما للاطفال لا والف لا ماورى بنتي الا الحوسه
الان بس الصغيره لانها رضيعه بس تكمل ستة شهور انقلها لغرفة اختها ماتحمل الاطفال نهائي بغرفتي ..
الحموله لا طبعا استحي اصلا احد يشوفها وممنوع عندي من يجيني ضيف اقفلها
صديقاتي ايه ادخلهم اذا جوني ونحوس بالمكياج واوريهم اغراضي الشخصيه عادي عندي لانهم قريبات ومتزوجات مافي مشكله
الشغالات.. لا ابدا ماعمر شغاله دخلت غرفتي انا اقوم بشغلها من والى واصلا ترتيبها يختلف عن باقي البيت هي الشيء الجميل بالحياه ريحة الغالي وانا واشياء اخرى لا تحكى

__________________
أستغفر الله العظيم واتوب اليه

الله يديم عليج وعلى أهلج نعمة الترابط.

قلتِ: تستحين من الحمولة.

تستحين من ماذا؟

__________________


اللهم طِيبَ الأثر .. وحُسْنَ الرحيل.

اللهم امين ..


استحي يطلعون على خصوصيتي مع ولدهم
الحموله واي ضيف غريب .. سبق وناديت سلفاتي .. اللي يصيرو زوجات اخوان زوجي ... ومادخلتهم غرفتي مع ان بعضهم في نفس عمري بس الحموله خاصه السلايف لا والف لا من باب خوفي من اللقافه والحسد اما
امه واخواته لانهم طيبين بس لا برضو من باب الحيا وش يبغو بغرفة نومي يتفرجو فيها ف ممنوع صراحه ..

__________________
أستغفر الله العظيم واتوب اليه

مفهوم يا عزيزتي.

بارك الله فيكِ.

__________________


اللهم طِيبَ الأثر .. وحُسْنَ الرحيل.

كيفك يااحلى مهره



بحكم انه عندي غرفه ضيوف وحده والي هي نفسها الصاله 😂
فااذا عندي عزيمه رجال ونسوان
الرجال بالصالة والنساء يتغدو بغرفة نومي 😁 في
سبهللة اكتر من كدا 😂😂

بشكل عام عادي ماعندي جزئية الهستيريا على غرفة النوم
عادي غرفة عاديه طالما الاغراض الخاصة مخفية


في بيت والدي كانت احلى اوقاتنا قبل النوم
يكونو الوالد والوالده عالسرير وينادونا
انا واخواني ونضل معاهم نضحك ونسولف
وننكت ونحكي عن يومنا ويلعب بابا معانا
ويوم مايخلونا ننام معاهم عالارض طبعا يوم عيد 😂
سبحان الله اتذكر للان ريحة سريرهم غير تعطي شعور
الطمأنينه والسعاده ربي يخليهم لي

والحين نفس الشي زوجي مايحلى له الكوفي والقعده
بعد يوم طويل الا عالسرير
واقعد جنبه وننادي عيالنا ونقعد نلاعبهم ونكلمهم
وممكن ياكل الحلا عادي 😂 عالسرير

خواتي واهلي واهله عادي يدخلو
ومافي احلى من بطحه السرير والحش بعد الغدا
وصديقاتي يدخلو يعدلو مكياجهم يصلو عادي

الرجال غير المحارم ممنوعين ( كثر الله خيري &#128514
هذولا الناقص

وبس

__________________
سبحانك لا اله الا انت اني كنت من الظالمين

هلا بالغالية أم يوسف.


عجبتني السبهللة صراحة.


وكثير حبيت أجواءكم مع الوالد والوالدة .. وأجواءكم إنتي وزوجج واليهال

الله لا يغير عليكم يا رب.

__________________


اللهم طِيبَ الأثر .. وحُسْنَ الرحيل.