فاكرين يا بنات كان فيه زمان حلاوة كنا نسميها حلاوة البقرة لان كيسها مرسوم عليه صور بقرة ولونه بني بالاصفر..المهم ما اطول عليكم..
فيه حلى يعطيك نفس الطعم ويجنن والاهم من كذا ما ياخذ اكثر من ربع ساعه يعني اذا جوك ضيوف على غفلة تقدري تسويه وانت مرتاحه..
نجي للمقادير عاد:
1- 1 كاس و4 ملاعق اكل حليب نيدو بودرة..
2- 1 كاس وربع كورن فليكس مجروش ناعم ...
3- ثلث كاس زيت..
4- 1 بيضه..
5- نص ملعقة صغيرة فانيليا...
6- ثلاث ارباع كاس سكر..

الطريقة:
1- نحمص الحليب البودرة في مقلاة تيفال حتى يصير لونه ذهبي فاتح يعني تشويح خفيف وانتبهوا لا يغمق اللون عشان ما يطلع الحلى غامق لونه بعض الاضافات التانيه..
2- نخلط الكورن الفليكس المجروش ناعما مثل الحليب مع الحليب المحمص ..
3- نضع السكر سواء كان بودرة او حبات والافضل يكون بودرة على الخليط..
4- نضيف الزيت والفانيليا والبيضه على الخليط السابق ونعجبنه جيدا...
5- نجيب قوالب صغيرة مثل قوالب المعمول بس الحجم الصغير جدا ونشكل الخليط على حسب القوالب وبعد كذا نضعه على صينية مفروشة بالمناديل حتى تمتص الزيت الفائض..
6-بعد فترة ننقل الحلى المشكل في صينية التقديم المفروشه بمفرش دانتيل ورق ونقدمه مع القهوة وبالهناء والعافية..

بس هذا هو الحلى واعملوه يا بنات وادعوا لي وقولوا لي ايش صار معاكم لاتطنشوني يعني يعجبكم ولا تقولوا لي ترى بيجيني احباط واحس انه ما عجبكم..
تح يتي لكن..