اهلين اختي كنافه طمنينا عنك
قرأت موضوعك من اوله لآخره وجا ببالي عدة امور عساها يارب تساعدك والاعضاء كفو ووفو ...

اولا في نمط زوجك حددي النمط زين
لو جنوبي ماصبر عن الحريم والعلاقه والحب والعاطفه ابد
الا اذا كان جنوبي مجروح ..
اعتقد انه شمالي وصعب المراس اقرأي في الشمالي اكثر يحب الجريئه والمبادره يعني معه تصير فتاة للهوى الخاصه به (اكرمنا الله عنهم ) بس لتتضح الصوره ..
الامر الاخر كثرة اختلاقه للاسباب لاحظت انها في شخصك اهلك بيتك شخصيتك صحباتك ..
ليش زوجك يبي يدمرك هل انتي اعلى منه طبقه ماديه واجتماعيه ؟ هل قد سبق لك وتفاخرتي عليه بشيء مو موجود عنده ؟
اذا ايه فهذي ردت فعل لتدميره لك ..
اذا لا فهو يبي يغيضك فقط ويطلع عيوب والسبب يعزو لعيب فيه يبدو لي انه واقع في مشكلة ما .. واظنه لديه ضعف جنسي فجالس يرمي عليك التهم ..
مابي اقول لديه امرأه اخرى حلال يفرغ عندها لاني مابي افتح باب شك وارميه بهالامور .. ولكن بعض الرجال اذا حس بتأنيب الضمير بسبب امر ما يفعله يقوم يطلع النون ومايعلمون بالزوجه عشان يبرر افعاله لها
زوجك يبرر افعاله لك بإنتقادك المستمر عشان تتدودهين ب اخطائك وتنسينه وتنشغلين عنه ..
ابحثي عن السبب الحقيقي واعتقده مجروح منك
ربما جرحتيه سابقا لما وصل حده
ماتدرين تذكري .. في نقطه مهمه انك اذا تناقستو بكيتي وتعصبتي وتحسستي وقلبتي السالفه وممكن تقولي له كلام جارح ويحفظه بقلبه قبل عقله ..
انسي كرامتك دامك ماتبين الطلاق تحملي على نفسك ولا تضايقك الحساسيه وتثير غضبك حطي قلبك واعصابك بثلج
اشتغلي بعقلك وكيد النساء ..
ليش اهملتي نفسك وعطورك حطيهم لنفسك الريحه الحلوه تنعكس عالنفسيه رجعي روتينك القديم وكأن زوجك ماتغير
... كمان اجلسي معاه بنقاش جاد بدون عصبيه وطبطبه خليك دلوعه وحبوبه وقولي ي فلان ي حبيبي لا تقولي اني امثل انا احبك وابعيش معاك بحب وهالشيء مو بكيفك انا احبك كيفي زكل شيء اسويه نتيجة هالحب .. ي زواج بحب يابلاه ليش متزوجتك مو عشان نحب بعض ونعف بعض
يمكن تركيزك اكثر عالعلاقه نفره ونحشه
خليه عواطف وحب وتدلل ودلال .. ولا تنسين ان الرجل مراه يعكس افعالك
اذا بغيتيه يبتسم ابتسمي قبله قابليه بحب زابتسامه اضغطي على نفسك شوي وحضن وعاطفه وتقبل لا مشروووط تقبل يحس فيه انك متقبلته بجميع عيوبه ..
وبعد خليك القريبه البعيده مو اللصقه ولا يكون التركيز عليه ركزي عالمشكله وحلها
وكمان بتكلم بالمبادره ممكن تصورين له بوست يتكلم عن طريقه علاقة مثيره وترسلينه له وتلمحين له انو الليله حيصير كذا ..والله ماقدر احكي اكثر احتراما للذوق العام بس الجنس فن واقري عنه واضيفي حسابات تتكلم فيه وفي العلاقه الزوجيه
انا عارفه شعورك وانو الانثى لازم تحس امها مرغوبه وانو نفضل ان الموضوع يجي رغبه من الزوج حتى لو رفضناه من باب التمنع والدلال ولكن نبي نحس بالرغبه .. بس بموضوعك انسي الفقره هذي شوي وحسسسي زوجك برغبتك الفعليه فيه بدون زعل وجلسات تنكيد الموضوع هذا يجي عن حب مو غصب وبالمناقشات عارفه صعب بس تحملي وابدي لو بطريقة الغصب له اصلا كرجل ماراح يتحمل الاثاره وان تحمل فهو اللي يعاني من خلل جنسي وهالشيء بيكون بصالحك بتدرين انو العله مو فيك الحمدلله ...



وبنبهك لامر ممكن بينكم عين او حسد او سحر اعوذ بالله ارقي نفسك وزوجك شغلي البقره يوميا بنت خالتي كانت زيك علاقتها مع زوجها سيئه بشكل شغلت البقره يوميا وتستغفر وتتصدق ماشالله والله تغيرت حياتها للاجمل وانجبت ولدين وهي في الاربعين بعد ماكان زوجها مايجيها ابد ..


اخيرا حطي لنفسك خطه مثلا مدتها سنه صيري فيها زي العسل
مافاد .. معناه العلاقه بينكم منتهيه فشوفي لك حل اخر بدال ماتصاببن بالامراض لا قدر الله بسبب الحزن والإكتئاب
ربي يفرح قلبك بالقريب العاجل يارب

__________________
أستغفر الله العظيم واتوب اليه

اختي الافضل ان تقولي سورة البقرة☺

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

جزاكم الله خير على تفاعلكم الطيب
وبارك الله فيكم
انا لا جديد عندي
طلبت مرتين من زوجي ياخذني الطبيب وهو يتحجج
والى الان مارحت للطبيب.. ومالي مزاج
ماعندي ألم ولاشي.. خلاص مايبغى ياخذني براحته

امس جالس بالبيت وفاتح اللابتوب
يخلص كم تقرير يحتاجهم لشغله
وانا سويت له شاهي.. وطلبت منه شغله
لاني من زماااان ماجلست معه بدون العيال
المهم عصب واختلق مشكله
قال انا الغلطان اللي اجلس معك يا ام الطلبات
ويقول: بدل ماتفرحين زوجك جالس معك جايه تتطلبين!
قلت له انت جالس تشتغل.. مو جالس معي!
واعذرني اذا ضايقتك.. تصبح على خير

بالنسبه للجراءه والعلاقه الخ الخ
فقبل شوي قلت له حبيبي ابغى نسهر سوا اليوم
نتعشى سوا ونسولف ونروق
قال لا تعبان مالي مزاج سهر (بنفس شينه)
وبعد نص ساعه كلم صاحبه يجي يسهر معه! قدامي!
حسيت بغصه وقهر بس ماتكلمت
بعد ربع ساعه جاء يسألني: نعمل حسابك بالعشاء؟
قلت لا مشكور


ودخلت غرفتي اكتب لكم


ياجماعه نفسي مسدوده من كل شي
كل شي كل شي
وزوجي صار كل شوي يقول: احمدي ربك احسن من غيرك!
ويمن بنفسه لو يجلس نص ساعه بالبيت
ويضايقني بشغلات سخيفه.. استفزاز يعني
اذا تضايقت.. اتهمني اني نكديه
اذا طنشت.. زاد العيار


عموما احس اني عطيته اكبر من حجمه
مدري شايف نفسه على ايش
لكن الله ياخذ لي حقي منه

وانتم جزاكم الله خير
ماقصرتوا.. الله يوفقكم

كنافة انتي هللا متضايقة وصعب النقاش لكن المبادرة مش بهاي الطريقة

لما تهدي وترتاحي من نكده ارجعي لنا حبيبتي

__________________

الله يعينك ويصبر قلبك ان شاء الله
ثاني مره لعاد تقولين له تبغى شئ نهائي فهمتي
سوي اي اكل او قهوه او اي شئ تحبي والبسي والترتبي واجلسي قدمة ولا تقولين له تبغى ما تبغى نهائي اجلسي كلي ودللي نفسك ولا كانه موجود ما راح تحسي الا هو جنبك ويعتب عليك ليش ما عزمتيني معك اكل او اجلس وكذا بعدين انتي قولي له اذا تكلفنا وعزمنا ما حبيتو كنك تكلمي جماعة 😉
مع الوقت راح يحس بهجره وغلطه وانتي لعاد تطلبين منه شئ نهائي حتى روحت السوق لا تروحين معه خذي عيالك وروحي مع اهلك افضل حتى طلبات البيت اكتبيها في ورقة وحطيها في جيبه بدبوس عشان يشوفها وبس
الله يصلح حالكم وحال الجميع امين

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

من خلال مواضيعك القديمه ووصفك لردود فعل زوجك ..واضح وضوح الشمس ان فيه ضعف جنسي..
اتفق مع أم سما..كل مره يحط فيك عيب ويقلل منك عشان ماتحسي بأساس المشكله وهي ضعفه ..
هو شايف انك ماشاء الله بعدك صغيره وتهتمي بنفسك وبيتك ويحاول في كل مره يدور عيب مره في صديقاتك ومره
في جسمك ووو وبيظل كذا يحوم حول المشكله ..
من رأيي انك اتصارحيه وتتحااوري معه واتفهميه بضرورة العلاج ..يعني لو زوج كتب هنا ان زوجته تمنعه من حقه فوق الثلاث شهور الأغلبيه راح تشوف ان يتزوج او ان يخبر اهلها ووو ..
ابداً مو بطبيعي ان يمتنع كل هذا الوقت..لو مكانك راح اناقشه بضرورة العلاج ..واذا مااستجاب بستشير شخص حكيم من أهلي و يكلمه ..!

كنافة

كلميه بكرا عن موضوع الطبيب المختص و موعدك
شوفي الطريقة المناسبة و خبريه

هل عادي عنده انك تتصلي تشوفي المواعيد المتاحة
و تخبريه أيها انسب لك


لحقيه

__________________

الله يسهل امرك اختي

كل ردودك تبين لي شخصيا
زوجك عنده مشكله جنسية
وتقربك منه او الجرأة مابيزيد الطين الا بله
لانه بيحس زياده بضعفه وقلة حيلته

انتي لاحظي حياتك
لما تنسي هالموضوع فتره كيف يكون تصرفه
وعلاقته معاك


واذا لمحتي ولو من بعيد كيف يكون تصرفه معاك


براسي رأي بس ممكن ينقلب عليك
فا بخليه اخر الحلول لما توصلي لاخرك
وماعاد يفرق معاك الطلاق الله يكفيك شره


في الوقت الحالي طنشييي ووسعي قلبك
ولا تلمحي له لا بعلاقه ولا بغيرها
اشغلي نفسك باولادك وبيتك وبنفسك
الى ان تهدي شوي

__________________
سبحانك لا اله الا انت اني كنت من الظالمين

الله يشرح صدرك وييسر أمرك

حاسين فيك ياكنافه ، خليك واثقه

إن فرج ربي قريب .

المبادره مو بالكلام ( تعال خلنا نسهر )

وهو بفراشه يبي ينام
( شغلي خيالك ، ما أقدر أوضح )

خليك من المبادره

شي سهل جدا طبقيه وبتشوفين النتيجه



أهم شي تكونين واثقه من نفسك في
كل حركه تسوينها .
وإبتسمي على طول خليك عايشه في

عالم خاص فيك ، عالم سعيد جدا ،

تصنعي السعاده لين تحسين فيها

صدق تصنعي الضحكه ، مافيه شي يستاهل تنكدين نفسك عشانه .

ربي يسعدك في الدنيا والآخره .

__________________
الحمدلله حمدا جزيلا ...

السلام عليكم ورحمة الله وبركاته..

كنافة حبوبة اقرئي عن اضطراب الشخصية الحدية لأنه زوجك والله أعلم يعاني نفسيا وليس لديه كما قال البعض من الضعف..

زوجك يحتاج مستشار نفسي وليس أسري..

الذي فهمته بأنك من مدينة الرياض روحي لمستشفى الدكتور طارق واطلبي موعد معه لا بد من ذلك..

الاضطراب فيه أمور معينة تتبعيها لا مثل مايقدمه المستشار الأسري لإنه ليس تخصصه..

لابد من الذهاب لابد وفرج الله همك.