انا صبرت على زوجي وعلى مرضه النفسي كان مطلق كانت زوجته الاولى حلوه وانا جمالي عادي المهم كلما قلت ودني طلعني قال لا بس الطلعه اهلي يودين كانت زوجته الاوله بس يطلعه دايم وكارفته كرف واكتشفت بعدين انها هي الي تاركته قلت له وش طلبت مشوار جنب البيت ابي محل حلى نشتري عشا لي شهور اطلبه ابي عشا ابي ابي يقول لا عاد اليوم انقهرت قلت اول تطق مشواير عادي يومي وانا وش طلبت مشوار جنب البيت لا وعلى حسابي قال الجمال يحكم تجيك جميله تطلب منك طلب قلت عشاني يعني قبيحه الحين ماتوديني شفت شكلك يكفي اني اعقل منك وصابره قال محد قالك تصبرين تحسفت اني حملت بس كان كل همي احمل لاني كبرت وش بقى على الاربعين صرت37 قلت له ودني اهلي قال لا خلي اخوك يجي قلت اخوي مسافر قال ماراح اوديك بكرى ازور اهلي افكر اقعد عندهن واخليه ذي اخر صبري عليه






تم تغيير العنوان ليتناسب مع المضمون

يا بنت الحلال
اقبضي بيتك وش بتقولين لاهلك ما جاب لي حلا
هو مريض عامليه معاملة المريض و ربي ابنك في بيت ابوه

__________________

حلم ...الجمال مو كل شي ولو كان كل شي ماتركها وعافها وهي جميله...احيانا تجيك الوحده جميله وزوجها يخونها مع وحده قبيحه مو عاديه حتى !!!.الذكااااء والذكاااء فقط هو اللي يخليك سعيده...تعلمي فنون المعامله واقري مقالات الدكتوره ناعمه الهاشمي بتفيدك مررره....اهم شي لاتقارنين بينك وبينها امامه وتهينين نفسك بهالشكل خليك واثقه بنفسك

الله يكون في عونكم.

بس أختي زوجك مريض نفسي، يعني حاولي تعالجي نفسية بأشياء يحبها وتسليه إلين يطيب خاطره وساعتها تطلبي اللي تريدي.

صحيح أنه يحتاج صبر ومداراه وعناية ، بس عاد هذا زوجك أبو عيالك، واحتسبي الأجر في الصبر عليه وطاعته بالمعروف.

ما يحتاج الشخص يضخم مشكلة بسيطة بسبب تراكمات سابقة، التراكمات امحيها من ساعتها، وعيشي اللحظة وحدها ولا تجعلي الماضي المظلم يدمر حياتك. لا بد الإنسان يعيش متفائل منشرح الصدر ومتسامح مع الأقارب خاصة ومتغافل عن الأخطاء لكي يسلم قلبه من الهم والغم.

اللي قال أن الجمال أساس الحب فهو غلطان،

@ الحب هو أن شعر داخلي يستدعي منك التضحية بكل غالي ونفيس من أجل من تحب.

@ هنا ولو كانت المرأة ليست جميلة فإنها تأسر قلب الرجل. ﻷنه يعرف أنها صادقة في حبها. إلا في حالة عدم وجود حب صادق من قبل الرجل؛ لذلك ينكر ذلك الحب ؛ ﻷن اللئيم يتمرد كالعادة.

فلا تحزني أختي الكريمة واصبري على زوجك واستعيني بالصبر والصلاة فإن الله مع الصابرين.

أحياناً نضحي بالمصالح الشخصية من أجل مصلحة عامة، وهنا مصلحة الأسرة مقدمة على مصالحكم الشخصية، فإن كان زوجك لا يهتم بمصلحة أسرتك فكون أنت الأعلى والافضل منه، تؤجري بإذن الله.

أسأل الله في هذه الليلة المباركة أن يوفق بين قلبيكما وأن يشرح صدوركما ويجعل حياتكم مليئة بالسعادة وطاعة الرحمن.

لا تجيبين طاري طليقته ولا تقارني
اذا هي تاركته معناته ماكان يوديها ولا يجيبها ولا صبرت عليه
هو مريض ومرضه اكيد له تاثير
كثير اصحاء ومقصرين مع زوجاتهم
اطلبي تاكسي او سياره اجره بعد اذنه وروحي

فيني احباط احس اني انكسرت يعني فوق هذا ماعجبتك وتقارن وتقول ذيك تستاهل انقهرت اصلا صرت انا ماهتم بشكلي او شعري دايم رابطته بس لانه دايم يضايقني بشك او سالفه فاحبط ولاهتم بس بجايم بس مليت منه اول اتحمس اني احمل اختي تقول احملي وبكيفه يوم حملت تحسفت قلت وش يقعدني عنده والحين كمل عندي كرهته مادري شسوي شقول لاهلي اقول لاختي يقول ماتستاهلين ذيك حلوه لاجت تطلب فرق عن مو حلوه تطلب منك قلت من زينك الحين انا اعقل منك وصابره عليك بغيت اقوله انت لاشكل ولاعقل ولكً وجه بس خفت فيني ضيقه صدر ودي اتركه مادري شلون بروح له الحين عند اهلي زياره انا

احد يكره انه حامل
قولي الحمدلله
بكره هالطفل يملى عليك الدنيا
المشاوير مقدور عليها
بس الي يبي ضنى ومو حاصل له يعمل ايه

مااكره الحمل بس يوم حملت حسيت ان الجو العام موجو اسره سعيده مستقره مستقبلي معه مجهول احس اني ظلمت نفسي وظلمت الولد معي كنت انانيه الا بحمل وانا عارفه مافيه راحه معه يوم حملت حسيت اني غلطت ليتني تركته من زمان لان وضعي معاه ماستقر والكره زاد الشكوى لله

هرموناتك تعبانه من الحمل بعد
وكلي امرك لله
والله بيعينك يا جميله