ذحين هو زعلان
و يطبخ لنفسه وطبعا ينام برى الغرفة

ودي اناقشه عشان انهي المشكلة لكن
مالي نفس فيه شيء يردني

امس جاب اكل من برى وقسملي شوية بصحن
واخذ هو الباقي للبلكونه واكل
وانا غلفت الاكل وحطيته بالثلاجة مالي نفس اكل شيء

كان عندي رغبة ارجع الاكل له
لكن تعوذت من الشيطان وقلت اقصر الشر

ذحين سرت انا الغلطانة !

كان عندي رغبة ارجع الاكل له
لكن تعوذت من الشيطان وقلت اقصر الشر

ذحين سرت انا الغلطانة !

هو يحسبك تتمني بالطبخ عليه
ارسلي له مسج
ان ذاك اليوم كنتي فعلا تعبانه
ومابغيتي الا انه يداريك وبس
بس لا تشدي معاه فتره ويطيح الي براسه

مبتعثة شكله كذا
استنى بنتي تنام و بطلبه نتناقش وبشوف ايش يطلع
معايا


*لما كان يطبخ غداه طلعت انا وبنتي
للبلكونه لانها تنكتم من ريحة الطبخ
) معاها حساسية صدر
المهم هو جا جلس معانا

طبعا البلكونه وسخة اوراق شجر وهيك
فقلت انظفها
نظفتها بمكنسة اليد
المهم ع اخر شيء جبت المكنسة الكهربائية
لما قربت اخلص الا يطير فيا
انقلعي جوه مسكت تنظيف للبلكونه !

اتوقع انه بيسمع مقطع بجواله و موقادر يسمع زي الناس

قهرني

قلت انظفها عشان البنت تاخذ راحتها
ودخلت عنه

حياة تجيب الضغط والسكر

^
ياخوي انا اكنس برى البيت بالبلكونه
وهو اللي لحقنا
مو انا اللي دخلت عليه بالمكنسة
وما نظفت عشانه
عشان بنتي ام سنتين مي فاهمة شيء
اي شيء تحطه بفمها

كان بامكانه يرجع يدخل البيت
ومن ناحية انزعاجه من المكنسة اصلا ما اشغلها الا بوجوده
لان بنتي تخاف منها فيمسك البنت بحضنه واكنس

لكن هو مو طايقني فما يتحمل مني حركة

عموما تجاوزت الموقف

وارسلتله لما نامت بنتي
ماعليك امر ابغاك بموضوع قبل تصحى فلانه
قراها وطنشني
كمل يعسل ولما خلص دخل ينام
مدري ارجع اكلمه ولا لا

الحمدلله على تجازوك للموقف >>>كوني هكذا دائماً
لا تجعلي مثل هذه المواقف البسيطة تحطمك. ياما ناس جاتها مصائب وبفضل الله وصبرهم تجاوزوها بكل سهولة ويسر.

أبو العيال ما عاد يفتهم له شئ!!! ههه

بس أختي بالله حاولي تفرغي قلبه من الشحن في أسرع وقت وبعده وسائل.

دام الوضع كذا يخاف الواحد تصعب الأمور أكثر ويتعكر جو البيت..

و أنتم في بداية حياتكم حاولوا تحتوا بعض ولابد من التضحية. . . .

والحساب والتدقيق مو وقته الحين الحين وقت احتواء وتطنيش السلبيات مع توضيح الصحيح بالاسلوب والزمان والمكان المناسب.

صحيح بيتعبك شوي بس أنتم في غربة وكفاية عليكم تعب الغربة وقساوتها.

أسأل الله أن يهدي قلبه ويلينه بكثرة الذكر وتلاوة القرآن. ويكفيه ويكفيكم شر المعسل!!!

لكن في ملاحظة مهمة
وهي لما يكون الشخص زعلان الرسالة المجهولة ما تفيده ولا يفهمها! ﻷن عقله وقلبه مغلق
يعني الأفضل تدخلي بالموضوع بإختصار في رسالة بأنك ما قصدك تزعجيه وتعتذري
وبعدين تطلبي منه يجي أو الأفضل أنك تروحي له إذا ما خفتي على بنتك تصحى.

السلام عليكم
الله يسخر لك زوجك ويسخره لكي
من الافضل انك انتي وزوجك ماتحملو بقلبكم ع بعض الافضل التفريغ بالتفاهم اول بأول لآن التراكمات تؤدي إلا نفور وكره للطرف الاخر
خذي نفسك وروحي لزوجك وجها لوجه لآن الرجال بمجتمعنا فيه كبرياء ومن النادر يتنازل
واتفاهمي معاه وحطو اشياء لاتتجاوزوها كرفع الصوت والالفاظ البذيئه
وبوسي راسه ولاتقفلي الجلسه بدون ماتفرغو كل اللي داخلكم انتو شريكين وبينكم حب وموده اش معنى الحب اذا مافيه تفاهم واحتواء مااقول فيه حياة خاليه من المشاكل ولا فيه سعاده دائمه بس فيه لحظات حلوه فيه تنازلات اش دوري كأنثى اذا ماخليت الرجال مايستغني عني كلام حلو مع تجاهل مع ابتسامه صدقيني مع الايام غصبا عنه بيطيح اللي براسه
اتمنى لكي حياة سعيده وصدقيني التفاهم يبغاله عشره طويله وتنازل يصير زوجك قطعه من روحك

__________________

مخترق
هو
كان بالبلكونه يعسل
فمو مكان مناسب للنقاش
واصلا اخاف ينفعل والجيران يسمعونه واذا سمعوه مو بصالحنا

لكن الرسالة متأكدة 100%انه فهمها اني بتناقش بموضوعنا
عشان كذا يتهرب انا من يوم تزوجته ويرفض يناقش اي مشكلة
يقولي نسيت وانتي تذكريني انت قلبك اسود !!
وانا عارفة نهاية مشكلتنا بيقولي حصل خير و سكري الموضوع
ولا تفتحينه لكن بحاول جهدي اني اتناقش معاه

ومستحيل اعتذر على شيء ما سويته
ترى انا ما قلت له ما حطبخلك

فانا اول شيء بفهمه اني ما قصدت اني ما ابغى اطبخ
بالعكس انا اشوف هذا دوري و ريحني ياكلون هو بنتي من يدي
واتفنن لهم بالطبخ
اذا ما تفننت له اتفنن لمين للجيران ولا لصاحباتي !
وهو بشهادته يقولي احس اني اكل بمطعم
كن لا يفتح موضوع الشرع و يزعل مني اذا شاف الشرع ضده !


اكره شعور انه يعاملني وكأني بشركة حقوق وواجبات
وكل كلمة والثانية واجباتي

رجعتله ولا استفدت شيء نهائيا
يقولي ناقشي نفسك وعلمي نفسك الادب

افكر جديا انفصل لكن برتب اموري اول

الله لا يجعلنا تحت يد ناس ماترحمنا