المشكلة أنها ليست أول مرة حتى نقول ارجعي وسامحي
خصوصا انه في آخر مرة عندما أخبرتي أخاك أحس بالإهانة وعاد لضربك بعد شهر ونص
الآن ماذا سيفعل بك إن عدتي؟
على مايبدو أسلوب الضرب شيء متأصل فيه ولن يتركه إلا أن يشاء الله
الطلاق ليس بهين لكن عيشة كهذه صعبة صعبة جدا
إن رجعتي واستمر بضربك قد يسبب لكِ يوما عاهه مستديمة وطفلك الذي يرى أبوه يضرب أمه دائما
كيف ستكون نفسيته؟ هل سيكون طبيعي مثل أقرانه؟ هل سينشأ بشكل صحي في هذا الجو؟

رأيي استخيري في طلاقك منه
والله ييسر لك الخير

طيب عزيزتي إذا هو متأصل فيه الضرب وغالبا بنسبة عالية ماراح يتغير
وانت زي ما ذكرتي ما تقدرين تقاومين وتتحكمين بردة فعلك

فالنتيجة استمرار الوضع الي انتم فيه ... يضرب وتزعلين وتتصالحون ويضرب وتزعلين وتتصالحون ...

بجميع الأحوال الحين لا تطلبون الطلاق مافي شي يعجلكم عليه اقضي الفترة بالاستخارة والدعاء واللجوء الى الله ..

واذا بدر من ناحيتهم صلح استجيبوا لهم بشروطكم وانتبهي تحملين اذا رجعتي ..

واذا عاد لفعلته واتفقتوا عل الانفصال لا سمح الله انتبهي ولدك تتنازلين عنه تحت اي ضغوط ولدك لا تتخلين عنه ابدا ابدا ضبطي نفسك عن طريق المحكمة بحيث ولدك يكون عندك ...

وانتبهي من انتقام الرجال , لو سمح الله صار انفصال بيطلع عينك بولدك بالذات اذا كان يحبك ...

الله يفرج كربك .. ويسخر لك زوجك .. ويصلح ما بينكم ..

__________________
{ اللهم صلي وسلم على محمد وآله وصحبه تسليما كثيرا }

__________________

أختي الكريمه أسأل الله أن يفرج همك وأن يختارك لكِ كل مافيه خير وصلاح ،
هناك نقاط مهمه من وجهة نظري الشخصيه
اولاً لا تطلبي الطلاق ولا تبادري بهذه الخطوه خصوصاً ان بينكم طفل ، اصبري انتظري شهر شهرين ثلاثه .... اعطي زوجك وقته يفكر عسى ان يتبدل حاله ويحس بأخطائه ويصحها

ثانياً مسألة الضرب مسئله يجب التوقف عندها
هنا خط احمر كل شي ممكن الصبرعليه إلا الضرب و الألم الجسدي ، لا يحق له ابداً ان يضربك
ولا ان تحل الامور التافهه بالضرب مع احترامي الشديد الرجل الذي يلجاء لضرب هو شخص مضطرب ..شخصيه ضعيفه ..مشوشه ..ومهزوزه لا يستحق اي تضحيه او صبر ، زوجك يجب ان يعي ذالك قبل رجوعك له

ثالثاً وظيفتك ثم وظيفتك ثم وظيفتك هي امان لمستقبلك وطفلك بعد الله لا تفرطي فيها ابدا مع هذا الزوج لا يحق له منعك خصوصاً ان المستوى المادي لهُ ليس عالي ولا يستطيعان يوفر بعض الامور التي بنظرك تكون بسيطه ذكرتي انك حاصله على درجه علمية عاليه ، قد يكون هناك فارق بينك وبينه في المستوى التعليمي ولكن هو تزوجك وهو على علم بذالك ، نعم لا تجعليه يحس انك أعلى منه
ولكن الحياه مشتركه بينكم التعاون في الحياه يجعلها تسير بشكل افضل بأذن الله،
وليس العناد والمنع والضرب إذا استمر بنفس الأسلوب فالخروج بأقل الخسائر افضل .

اصبري واحتسبي باين عنيد الله يهديه
بس الطلاق انسي الفكرة حاليا عندكم عامين زواج مدة قصيرة جدا حتى تحكمي عليه
يمكن متضايق او عنده مشاكل بالشغل تخليه يتصرف بهذا الشكل

شكرا لكل من تفاعل معي بمشكلتي

الآن كملت شهر و الوضع صاااامت
اول اسبوعين ما كنت متضايقه بالعكس مرتاحة منه
الآن بدأت اقلق
حياتي متوقفه ما اقدر اسوي اي شي
لا اسافر مع اهلي لا انوظف لا اشترك بنادي او اسجل بمعهد
و السبب هو
و يوم عن يوم اكره يعني معقوله كل هذا غرور و كبرياء ما يقدر يجي و يعتذر
او حتى يرسل رسالة ؟
طيب اذا ما يبي يتنازل ليه يعلقني
ما يطلق ليه كل هالوقت
ولدي ما شافه شهر كامل و لا حتى سأل عنه او ارسل له مصروف
و لا ابغى انزل له و اكلمه عن المصروف يعني مشكلة بيني و بينه شدخل الولد
حتى لو كنت بخير الرجال ما يرضون احد غيرهم يصرف ع عياله

افكر ارسل له رسالة فيها طلب الطلاق
و اريح نفسي من الهم

__________________
ي رب رضاك و الجنة

تعوذي من بليس ولا ترسلين شي
لانة سلوب تهديد ما يخدم موضوع
يمكن يسويها ويطلق والخسارة
للولد مو لك ولا لة
اتركي الامر لان وعليك بدعاء ان الله
يصلح الحال

__________________
سبحان الله وبحمده سبحان الله العظيم

و الله انا ما اشوفه شي عادي...
و مش عارفة ليش الاعضاء لا ينصحوك بارسال رسالة له..
انا في نفس وضعك اختي و لكن ارسلت له رسالة : امساك بمعروف او تسريح باحسان
فرد امساك بالخير
لازم تهديده شوي مش معقول يتركك و لا يسال حتي عن ابنه ايش صنف هالرجال اللي تسوي كذا بايامنا
شوفي اختي الدنيا مو زوجك بس الدنيا اكبر من هيك الدنيا عبادة الله و تطوير الذات و افادة و استفادة
لا بتموتين جوع و لا بتقعدي في الشارع
و انتي وراك رجال ....
وش فايدة الرجل اللي لا يسامح لا يغفر

__________________
لاتضع كل أحلامك في شخص واحد ...ولاتجعل رحلة عمرك وجه شخص تحبه مهما كان صفاته ولاتعتقد ان نهاية الأشياء هي نهاية العالم
فليس الكون هو ماترى عيناك

[img]http://im33.***********/edShu.gif[/img]

و الله بجد ما ادري
احترت و انتم حيرتوني زيادة
اوقات احس فعلا الموضوع كبير و اتقرف منه و ابي الطلاق
و اوقات لا احن له
وضعي صعب و مشاعري متناقضة و غير هذا كله لازم ما ابين شيء لأهلي و اظل صامده و يا جبل ما يهزك ريح😢😭

__________________
ي رب رضاك و الجنة

الله يهون عليك
بنظري انه اساسا ينتظر منكم تكلمونه
فالافضل لاتكلمونه ، والطلاق نصيحة لا يجي منك

تذكرت قصة قريبه لي ترويها امس
هي مطلقة ، وتزوجت مطلق
واول ايامها مع زوجها الثاني تقول ذقت طعم السعادة ومعنى الزواج
فعلا وبعد 8 شهور انقلب الرجل ، تغير صار يضرب ، لدرجة هي صارت مثله بردود الفعل تاخذ ترمس الشاهي وع الجدار ترميه
كان يسألها بشكل دائم ملابسك هذي لابستها عند زوجك الاول ( يشك) وتتعقد نفسيته والخ وتقول اساسا زوجي الاول ماحبيته ولا احب طاريه شلون بملابس لبستها عنده اخذها معي ، ومع ذلك تقول اذا جا بباله اي شيء مو كويس عن لبس لي تخلصت منه بس بدون ما توضح له ترا انا تخلصت ( عشان ما يتمادى)
وبتقاشاتهم وصل الامر الى الطلاق، وكان يقولها اني بطلق ( فتقول) طلق !!! يقولها ماتخافين تصيرين مطلقة ثانية ، تقوله لا ما اخاف انا جاية من بيت ما ذلني، وانا وراي رجال .
طبعا رفض وظيفتها وبالعافية خلاعا تدرس بمعهد.
وانجبت منه 4 اولاد
مشاكلها مع زوجها استمرت لحد ما صار عمر اول ولد لها 7 سنوات..
وتقول كنت ذيك الفترة احسني راحلة عن هذا البيت( بيت زوجها)
وزوجها فترة خلافاتهم كان يتغيب عن الدوام بقدرة قادر قالو له لازم تجيب اعذار، ولما راح ياخذ اقترح الطبيب اللي سوا عليه كشف ليعطية العذز انو بيحوله لطبيب نفسي،
العجيب انه راح يشاور زوجته!!
وقالت روح ، وراح واخذ حبوب وسعادت زوجها يتخلص من الجرعات لحد ما ترك العلاج ولله الحمد..
فترة مشاكلهم ولما حست ان زوجها متضايق من اهلها واهلها متضايقين من مشاكله معاها، كانت تروح تقول لاهلها زوجي فلان يسأل عليكم وتراه يسلم عليكم ، ونفس الاسلوب مع زوجها تتبع ترا اهلي سألو عليك ويسلمون عليك ويمدحون بك ووووهاك مدح
واصلن ماحصل من هالكلام شيء..

الان ولله الحمد امورها مستقرة معه ، وعمر عشرتهم 19 سنة الله يسعدهم ويتمم عليهم
ويرزقنا الصبر الجميل
ولا يبتلينا ويعافينا