*بغيت أسألكم ، منو ياها سكري الحمل مرتين وراح عنها ؟
تفاجأت وانا بالثالث ان عندي سكر حمل ، وقالتلي الدكتورة دامه ياج بدري معناته عندج من الاساس ، وانتي ما تابعتيه ، طيب انا بعد الحمل الثاني كانت الممرضات يتابعنه لي بقسم الولادة 3 اسابيع وقالولي خلاص راح ، ومشيت اموري بعدين عأساس ما عندي . وما شيكت وايد طول هالفترة بس كل مرة اشيك يطلعلي عادي مب مرتفع عشان الاحظ !
المهم كانت عندي خربطة هرمونات وقالتلي الدكتورة يمكن هالخربطة رفعت السكر عندج يعني ماعندج بس ارتفع فجأه بسبب الخربطة وظهر ف الحمل كسكر حمل ، بس اللي مخوفني سكري الحمل للمرة الثانية خايفة هالمرة ما يروح ويثبت واصير مريضة سكري ، منو ياها سكر الحمل مرتين وراح عنها نهائي ؟
وشلون تخلصت منه ؟
للعلم هم قالولي المفروض تنظمين الهرمونات وبعدين تحملين بس انا ترا فجأة حملت ما كان ع بالي ، والفترة بين هالحمل والحمل السابق 3 سنوات ، يعني مو فترة بسيطة .
اللي عدها جواب مطمئن تطمني ، واللي تمر ع الموضوع وما عندها جواب تدعيلي من الخاطر ربي يشفيني من سكري الحمل .

انا عندى سكر بكل حمل بس سكر ثابت
و اعرف مراجعات كان عندهم سكر حمل بس مايثبت يروح مع الولاده
و لازم متابعه مع انى انا عادى يرتفع مرات كثير و يقولون خطر و مادرى ايش و اتنوم بس الحمدلله تمر
مايصير شي و اولادى بخير يجون بس انا اتعب

ربي يشفيك ويعافيك وتولدين بالسلامة ان شاء الله ويختفي السكر

لا تخافين اختي جاها سكر الحمل اربع مرات وبعد الولادة يختفي ، واختي الثانية مرتين واختفى.. يمكن السبب ان فيه استعداد وراثي في عائلتنا من جهة امي الله يحفظها

عائلة امي أغلبهم مصابين بالسكر لكن أمي ما ظهر عندها وصارت تستخدم ادوية السكر
الا بعد ما تعدت الستين سنة الله يطول عمرها في طاعته ومرضاته..

المهم حافظي على وزنك لا يزيد كثير خلال الحمل وتابعي السكر بانتظام عشان لا يصير عندك ولادة مبكرة بسبب السكر او ولادة قيصرية ،، ما أخوفك لكن حصل ان اختي
تلخبط السكر عندها في التاسع وولدوها قيصري قبل انتهاء الشهر عشان ما يحصل للجنين مضاعفات والحمد لله جابت بنت زي القمر بصحة وعافية والبنت الآن تدرس طب

لا تشيلين هم وتفكرين كثير ..استقرار النفسية لها دور في لخبطة الهرمونات بشكل عام
والسكر بشكل خاص .

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]