السلام عليكم ورحمة الله وبركاتة

كيفكم حبايبي

رجعت لكم اليوم مو بأستشارة.. اليوم عندي

موضوع للنقاش فقط 😌

موضوعي هو...

يامعشر النساء كيف ماتلتصقين في زوجك
يعني تحسسينه انك مشغوله عنه بطريقة
مو مبالغ فيها

وانتم يامعشر الرجال..

صدق تحبون المرأه اللي تنشغل عنكم و تحسسكم انكم
مو محور اهتمام..

احس انكم غريبين الاطوار يال الرجال

اذا اهتمينا مليتو.. واذا طنشنا لحقتونا

غريبييييييين 😒


تم تعديل العنوان ليتناسب مع المضمون

والله الرجال يحبون الوسطية
لا لزقة فية ولا مبتعدة عنة
وقولك اذا طنشتو نلحق وراكم
كلام مو صحيح ابدا....
لاتوهقين نفسك في هالنظرية
ويسحب عليك
وتجين تطرحين موضوع هههههه

__________________
سبحان الله وبحمده سبحان الله العظيم

مدري هو انا ما احب العب عليه

بس هو فعلا اخر اهتماماتي

لانه ماله متطلبات و مشغول باصحابه اكثر مني

المسألة مو تمثيل
لأنك لو تمثلين يوم يومين أسبوع بالكثير
ترجعي على طبيعتك وتلاحقي ورآه
المسألة ان يكون لك أهدافك وطموحاتك
وتتتعلمي كيف تنبسطي مع نفسك
وبكذا ماراح تخنقي المسكين

تخلف
رجال مشغول ولديه اهتمامات لن ينفع معه التطنيش
س
شخص فاضي ماوراه شيء راح يتأثر

الامر يتعلق على مدى تعلقه بك

زوجي من الرجال اللي ينطبق عليهم هذا الكلام..

كل مانشغلت في نفسي واهتماماتي، كل ما جري ورايا جري

ومو بس كذا، الا يحس اني شي مثير بالنسبة له

ومن زمان تعلمت وصرت ألعب على هذا الوتر،

بحيث ما يحس اني متقصدة أو ساحبة عليه أو مطنشته..

مثال:

لما يتصل أحيانا يكون الجوال بيدي وفاضية وماعندي شي،
بس أتعمد ما أرد عشان لا يحس اني عند الجوال مسنترة مستنيته..
أرجع أدق عليه بعدها بوقت.. كل كلام الشوق أسمعه منه ! غير الرسايل اللي مرسلها والاتصالات على تلفون البيت..

ومو دايما كذا، مرة أرد عليه من أول مرة
ومرة اخلي الصغار يردوا


مثال ثاني:

نكون جالسين بالصالة وفجأة يقوم غرفة النوم وعلى باله بجي وراه، أنا ما تحرك من مكاني ولا كأنه شي

يجي بعدها يناديني تعالي وحشتيني اجلسي جنبي.. والخ
.
.
.
وكل اللي ذكرته ما ينطبق على كل الرجال..
هذه تجربتي مع شخصية زوجي ..

يحب المرأة صعبة المنال اللي مستقلة بشخصيتها وواثقة من نفسها

إشراقه كلامها ينطبق على زوجي بعد

مو كل الرجال يحبون الوسطيه

في رجال يحبون المتغليه و المتمنعه

ومرام سعود بعد كلامها صح 100%

التمثيل في هذا الامر ماينفع ابد

لازم يكون نابع عن قناعه مننا

ونكون صدق مشغولات بحياتنا واهتماماتنا

مو يوم يومين نمثل وبعدين نمل ويبين علينا